-
مواصفات السواقة الحميري
1- بيضرب كلكس حتى لو عطس
2- بيكسر عليك فجأة حتى لو عربيتك على طرف رفرف عربيته ويبص في اي ناحية ولا كأنه شايفك وعلى فكرة هو ممكن جدا يكون ولا بص في مراية ولا شاف طيفك اصلا أصله لا يعترف بالمرايات
3- يزنق عليك حتى لو يلبسك في رصيف ...
وماتفتكرش انه مستعجل او المدام في حالة وضع لأ هو بعد مايكسر عليك تلاقيه ماشي عادي ولا مستعجل ولا يحزنون
4- يمشي ورا عربيتين في الخط اللي مابينهم ويبقي حاجز حارتين عشان لو دي سبقت يدخل فيها لو التانية اللي سرعت يدخل فيها ايوة هو كنج الشارع أمال انت يعني .... عجايب ماهو ياهو ياإنت فهو طبعا عند نفسه
5- يكون ركن وفجأة تلاقيه رمي بوذ العربية في وسط الشارع ايوة طبعا انت اللي تاخد بالك هو فيه غيره في الشارع أصلا ماقلنا كنج الشارع افهم بقي
6- هو مين اللي ماشي شمال مين ومين ماشي يمين مين ؟
مش مهم على فكرة لإن في كلا الحالتين ولا كإنك هنا عشان هو مش شايف الا عربيته ونفسه وشايف الشارع فاضي يكونش عندي عشا ليلي بالنهار ولا عمي حيسي بالليل اللهم أعلم
7- طبعا لو كان ميكروباز بقي ماأقولكش ...
حدث ولا حرج... حشيش يامعلم ودماغ عالية سيبك انت
بص كل ماهو غلط ح يحصل بحركة واحدة معروفة ارمي بوذ الربية في اي زخنوقة قبليك فلو انت عنيد يعني والدنيا مشعشعة معاك الزق في ديل العربية اللي قدامك ولا يهمك
كبيرها يشتمك ولا يجعر وراك وكل اللي عليك شغل التكييف واقفل القزاز
أكيد فيه 8 و 9 و 10 ياريت تفكروني بهم
-
بعد إذن صاحب الموضوع ممكن اضيف بعض النقاط
- يمشي يقلب نور ويرعش ويدي العالي للي ماش قدامه بلا مبرر
- بعض الأحيان تلاقيه هايتجنن ويعدي منك تحس انه مستعجل جدا (نور وكلاكس) وبمجرد مايعدي تلاقيه راح راكن ركنه بزاويه شبه قايمه قدام عربيتك
- رفض اي نوع من انواع الإضاءه من السيارات الأخرى في الشوارع المظلمه بالليل حتى لو كان النور الضعيف مع احتفاظه بحق استعمال النور اللي يعجبه، بجانب حقه الأصيل انه يديك نظرة ناريه لما يعدي جنبك لو كنت اتجرأت وسيبت النور، دا اذا ما قلش ادبه طبعا
وكتييييير جدا
شكرا على الموضوع
-
-
انا مش بيجننى الا اللى مركب زينون و ماشى و مشغل النور العالى و عااااااااااااااااااااامى الناس كلها بدون اى مراعاة للناس اللى قدامه
حسبى الله و نعم الوكيل
-
-
انا لما اكون ماشى بالليل بكون ماشى على نور الشبورة فقط ولوفية حتة مش واخد بالى منها قوى ادى العالى للحظات واطفى على كدة
ويجى بقى بنى ادم وراك وضارب العالى وعميك فى الثلاث مريات (بفكر افيمهم بسبب الموضوع دة)
دة ممكن يجننى واضرب فرامل فاجئة اخلية يلبس فيا وانزل اقل ادبى علية بس بقول اخلينى ريلاكس
والمقابل برضو مالوش دعوة ضارب العالى ولا حياة لمن تنادى
والواحد بجد بدا يكرة السواقة وشكلى هقضيها قلة ادب
-
موضوع جامد .. بس بصراحة كل ده عادى و مقدور عليه .. المشكلة الرئيسية هى النقل ثم النقل ثم النقل اللى اصبح عامل مشترك فى جميع الحوادث المميتة فى مصر.
-
يكون مدى اشارة اشارة يمين وانت معدى وتطلع خدعة ويخش شمال يفضل لازق فيك لحد ما يخبط المراية ويعدى ولا كأنه عمل حاجة تبقى ماشى فى شارع فى مية مجارع وتلاقى حمار ماشى مبسوط بهبله يطرطش مية على الناس الماشية وعلى العربيات يقرر يقف فجأه ينزل حد ده طبعا الميكروباصات يقف صف تانى قافل عليك ورافع فرامل اليد تكون الركنة واسعة تكفى عربيتين وساعة الباشا مش عايز حد يركن معاه
-
اضيف انا كمان شوية نقط
1- بينقي الحارة الوحيدة المفتوحة في الطريق و يمشي فيها على مهله يقفلها هي كمان , مش حقه يعني يمشي و الطريق مفتوح قدامه ؟
2- يكبس عليك من ورا حتى لو انت ماشي بسرعة و هايتجنن و يلاقي اي فتحة هاتجري فيها عشان يزنق عليك ويجري فيها قبلك
3- بينك و بين العربية اللي جنبك او الرصيف نص متر و الطريق كله كده و مصر يتحشر بينك و بينها
-
النقل القلاااااااااب و الرعب المميت على طريق ال na بالتجمع الخامس :)
Content Relevant URLs by
vBSEO 3.6.0 PL2