قصة عربيات نادره و مميزة أتباعت فى مصر _ كل واحد يكتب قصة عربيه كاملة بالأسعار

حبيت يكون الموضوع دة لهواة السيارات النادره
سواء كانت عربيات كلاسيكية أو سبور قديمة أو حتى حديثة و كانت نادره أوى أو فان قديمه
المهم أنها تكون عربيه مش معروفة فى مصر أو مش منتشرة
على سبيل المثال (البويك - الجى أم سى - لينكولن - السيارات الفان بكل أحجامها - هكذا)

و كمان كل واحد يكتب القصة كاملة بالأسعار عشان يكون مرجع لهواة السيارات النادره و كلنا نستفيد من القصص دى
بس طبعا فى مصر لان لو برة مصر ممكن يجيلنا شلل سداسى




أنا هحكى أول قصة و دى كانت عن فورد موستنج و دى كانت أول قصة لواحد زميلى لأمتلاكة عربيات أساسا كان طول عمره بيدور على عربيه رخيصة و خلاص لأننا كنا لسه خارجين من ثانوى عام مكانش هامه أمكانياتها أو شكلها أو غيره و فضل يدور عليها فتره طويلة جدا و مكانش لسه قرر هيجيب أية و طبعا كالمعتاد أنا قولت أكيد هيجيب فيات 128 أو حاجة زى كدة

غاب و رجع مرة واحدة قالنا أنا فيه عربيه فورد موستنج هجيبها
طبعا كلنا فكرنا أنها موديل جديد و ضحكنا و كان هيجيلنا هبوط من الضحك و هو كمان أخد الموضوع بهزار و فجأة و بدون مقدمات لقيناه جاى بعربيه فورد موستنج موديل 79 بس طبعا خلاها تحفه و حكالنا القصه بالكامل

قالنا أنه كان بيكلم واحد قريبه على عربيه تكون رخيصه قاله أنا عندى عربيه فورد موستنج موديل 79 و عايز أبيعها قاله بكام قاله بـ7 ألاف جنيه لأنها مركونه و مش بيستخدمها خالص (طبعا صاحب العربيه دى لو يعرف قيمتها ميفكرش يبيعها ) و قالنا أن حالتها كانت زبالة لكن كانت بتمشى كويس
غيرلها حاجات فى الميكانيكا و رشها من بره و جابلها فرش جديد و عملها كسوة فى التابلوه شبه البلاستيك كدة بس مقاوم للسخونيه و جابلها جنوط وفوانيس كريستال خلاها بتلمع من كل أتجاة و دفع حوالى 9 ألاف جنيه يعنى أكتر من سعرها
يعنى بمعنى أصح وقفت عليه بـ16 ألف جنيه رغم أنها تحفه فنيه

بعدها بحوالى سنه بالظبط زميلى دة باع العربيه بـ24 ألف جنيه :whtauwant:



الفكرة كلها فى العربيات النادره و الدروس المستفاده
أن لو واحد مش حاسس بقيمة التحفه الفنيه إلى معاه ممكن تتباع بسعر رخيص جدا جدا
لكن هواة السيارات النادره ممكن يشتروها بأى سعر مهما كان و دا الغريب فى الموضوع كله






أية قصص العربيات إلى شوفتوها نادره فى حياتكم ؟

انا معايا مازدا 929 موديل 78 والدي كان جايبها من 15 سنة باظبط كان عندي 3 سنين كان جايبها ب 8 الاف جنية من واحد صاحبة لان كان خايف علي ابنو منها لانها كانت ماتور 2000 و كان جايبها من العودية و مركبهاش طبعا كانت متبهدلة المهم العربية دية معانا لحد دلوقتي عمرنا ما صرفنا عليها غير دوكو و سمكرة و الصيانة العادية و انا خدتها دلوقتي عشان والدي جاب كورولا و كل مامشي اودام حد عارف قيمتها يقولي هخلص فيها دلوقتي واخر مرة من 5 شهور كانت جايبة 18 الف و الحاج يتحايل عليا ابيعها و يجبلي جديد وانا وراسي و الف سيفف مانزل منها حاسيس انها بقت جزء من العائلة و بجد ولله عمرها ما كسفتني ابدا و كانت اول عربية اتعلم عليها و بشد بيها مع الجديد و ساعات بلبس مطبات و بسم الله مشاء الله زي الفل و بتسحب معايا لحد 180 190 و ثابتة كمان واعتذر للاطالة

دى بقى مش قصة عربية امتلكتها لكن قصة عربية احببتها كانت عربية كاديلاك موديل اول الخمسينات وكانت تابلوه خشب ابنوس وكراسى جلد فاخر وكل النواكل موجودة وبحالتها والجنت كان تحفة فنية يوجد به حاجة زى الاعواد المعندنية او السلوك الصلب كده وكنت سعتها فى الاعدادى كل يوم اروح اتفرج عليها وهى مركونة ومش بتستعمل لكن دائما نظيفة بعد فترة لقيتها عليها تراب يبدو ان مالكها توفى او سافر لا اعلم وبعدها بدأت الناس ترمى وراها زبالة بعدها القى الزبالة بتزيد لنصف العربية وهكذا حتى اتدمرت والزجاج اتكسر واصبحت قطعة صاج وبعدها الحى راح شالها ورماها والله حتى الان كلما امر من المكان اتذكر شكل العربية والفيلا اللى كانت واقفة قدامها واقول لو كنت كبير شوية ومعايا فلوس اكيد محدش كان عارف قيمتها الكل كان بيبص على انها عربية قديمة واللى يقولك دا من ايام الهكسوس ونضحك

كان قدامي بونتياك ترانز ام موديل تقريبا 74
العربية عايزة شغل كتيييييير جداً لان اللي كانت معاه بصراحة فلاح في زوقه يعني المفروض العربيات اللي زي دي تبقى على ابوها من غير القرف اللي بيعملوه في الصاج
وكمان كان فيها موتور تويوتا مش فاكر ايه
المهم روحت اتكلمت مع صاحب المعرف قالي العربية دي اخرها 20
قولتله انا هدفع فيها 9 وانت اللي هترخصهالي وتدفع مخالفات
قالي اخر كلام 12 ومش هنزل مليم وانت اللي عليك تاخد العربية دايرة وماشية
قولتله هفكر وارجعلك
وبعد حوالي 3شهور قولت اروحله انزل فيها تاني اتفاجأ انها اتباعت ب 10 :(
بس كانت عربية تحفة فعلا

-تقريبا والدي أول واحد يركب اوبل كورسا في مصر عندنا كورسا(opel corsa A ) موديل 1986 من الزيرو كانت جمرك من فرنسا 1200CC
-كانت ب 26 ألف بالجمرك سنه 1986
-اول م جبناها روحنا لتوكيل أوبل محدش هناك عرف فيها حاجه و لم يصدقوا ان في أوبل كورسا الموديل ده
-العربيه معانا لسه

اقتباس:

---

المشاركة الأصلية كتبت بواسطة aboomar22

دى بقى مش قصة عربية امتلكتها لكن قصة عربية احببتها كانت عربية كاديلاك موديل اول الخمسينات وكانت تابلوه خشب ابنوس وكراسى جلد فاخر وكل النواكل موجودة وبحالتها والجنت كان تحفة فنية يوجد به حاجة زى الاعواد المعندنية او السلوك الصلب كده وكنت سعتها فى الاعدادى كل يوم اروح اتفرج عليها وهى مركونة ومش بتستعمل لكن دائما نظيفة بعد فترة لقيتها عليها تراب يبدو ان مالكها توفى او سافر لا اعلم وبعدها بدأت الناس ترمى وراها زبالة بعدها القى الزبالة بتزيد لنصف العربية وهكذا حتى اتدمرت والزجاج اتكسر واصبحت قطعة صاج وبعدها الحى راح شالها ورماها والله حتى الان كلما امر من المكان اتذكر شكل العربية والفيلا اللى كانت واقفة قدامها واقول لو كنت كبير شوية ومعايا فلوس اكيد محدش كان عارف قيمتها الكل كان بيبص على انها عربية قديمة واللى يقولك دا من ايام الهكسوس ونضحك

---

النهاردة لقيت صورة للعربية دى اللى قلتلكم عليها -عربية جمال عبد الناصر ياترى هيا ولا نسخة مشابهة منها ادى صورتها علشان تعرفوا انى كان عندى حق

http://www.facebook.com/photo.php?fb...type=1&theater

اقتباس:

---

المشاركة الأصلية كتبت بواسطة aboomar22

النهاردة لقيت صورة للعربية دى اللى قلتلكم عليها -عربية جمال عبد الناصر ياترى هيا ولا نسخة مشابهة منها ادى صورتها علشان تعرفوا انى كان عندى حق

Pinnwand-Fotos | Facebook

---

منظر العربيه دى فكرنى بزمان من 5 سنين كان فيه عربيتين واحده اخت دى تقريبا (او من نفس الفتره الزمنيه) و التانيه برضه كانت فى نفس الحجم ده بس كابورليه جنب مترو عين شمس عند السوق الصغير اللى هناك
و طبعا للاسف كانو متغطيين زباله
بس معرفشى دلوقتى لسه موجودين و لا اتشالو لأنى بقالى مده طويله مش بعدى هناك

و برضه كان فيه عربيه فورد 1946 كانت زمان بتركن فى جسر السويس قدام سنترال مصر الجديده زى اللى فى الصوره دى
[sor2]http://image.rodandcustommagazine.com/f/8989088/0708rc_04_z+fat_fenders+1946_ford_tudor.jpg[/sor2]
العربيه دى انا عارفها كويس لأن والدى (عليه رحمة الله) قالى ان جدى اشتراها زمان و كان الصاج بتعها مصفح لدرجه انه مره حط نصف طن حديد تسليح فوق السقف من غير ما الصاج يطبق (جدى كان مقاول) و علشان كده كانو المافيا زمان بيجيبو العربيات دى تحديدا علشان الرصاص مايعديش فيها

برضه فيه عربيه اوبل 1936 بتركن فى الشراع اللى جنبنا - بس معرفشى مين صاحبها بس العربيه لسه بتتحرك و شغاله و لأنها مترخصه بالنمر الجديده
http://upload.wikimedia.org/wikipedi...adett-1936.jpg

واللى غاوى يتفرج على عربيات انتيكه يروح التوفيقه فى وسط البلد جنب سنيما هناك
حيلاقى فى حدود 4 او 5 عربيات موديلات الاربعينات منهم واحده كاديلاك و جاجور
و برضه فيه محل فى ميدان الحجاز عنده 3 عربيات قديمه
منهم الاتنين ستروين دول
http://www.vehiculoshistoricos.com/c...n%2011%20-.jpg
http://www.b52.be/images/Decors/Proh...troen-1930.jpg

و برضه كان فيه واحد فى الزمالك (من 4 سنين) كان عارض عربية ام كلثوم (على حد زعمه) مرسيدس 1955 ب 150 الف
و عربيه تانيه مش فاكر ماركتها لكن كانت ماركه انجليزي غير معروفه فى الوقت الحاضر موديل 1910 ب 300 الف - كانت عربيه تحفه و كان نفسى فيها بجد

اما عربيتي انا فتيوتا كورولا 1978 1200cc - اول يد كانت بتاعت عمى و انا ثانى يد و دى اول عربيه ليا
http://upload.wikimedia.org/wikipedi...E_sedan_02.jpg
عمى الصراححه كان مهتم بيها اوى و مركبلها تكيف
انا بقى ركبتلها سنتر برموت و 4 زجاج كهرباء (ركبتهم بنفسى ) و جبتلها فرش ابواب هوندا سيفيك 94 بالزراير الكهربا بتاعته و معظم الصيانه بتاعتها بعملها بايدي الا فى الحجات الكبيره ودى مش بتحصل كتير
و الحمد لله الحاله العامه للعربيه كويسه لكن هى طبعا اخرها فى السرعه 130 و ماقدرشى ازود عن كده لأن الموتور مايستحملشى و لأن كمان العربيه خفيفه اوى و صغيره

اسف على الاطاله .. بس العربيات القديمه دى مزاج عندى :)

العربيات دى مش نادره دى حاجات مش موجودة فى الدنيا خالص إلا قليل جدا
و النادر كمان أن أنتاج السيارات دى كانت أرقام محدودة أوى أوى أوى
فيكفى أساسا أنك تكون من ضمن حوالى 3 ألاف أو 4 ألاف واحد بيمتلك حاجة زى كدة
و ميرسى جدا على القصص الجميلة أوى أوى أوى أوى و منكم نستفيد إن شاء الله

اقتباس:

---

المشاركة الأصلية كتبت بواسطة Ahmed salamaa

انا معايا مازدا 929 موديل 78 والدي كان جايبها من 15 سنة باظبط كان عندي 3 سنين كان جايبها ب 8 الاف جنية من واحد صاحبة لان كان خايف علي ابنو منها لانها كانت ماتور 2000 و كان جايبها من العودية و مركبهاش طبعا كانت متبهدلة المهم العربية دية معانا لحد دلوقتي عمرنا ما صرفنا عليها غير دوكو و سمكرة و الصيانة العادية و انا خدتها دلوقتي عشان والدي جاب كورولا و كل مامشي اودام حد عارف قيمتها يقولي هخلص فيها دلوقتي واخر مرة من 5 شهور كانت جايبة 18 الف و الحاج يتحايل عليا ابيعها و يجبلي جديد وانا وراسي و الف سيفف مانزل منها حاسيس انها بقت جزء من العائلة و بجد ولله عمرها ما كسفتني ابدا و كانت اول عربية اتعلم عليها و بشد بيها مع الجديد و ساعات بلبس مطبات و بسم الله مشاء الله زي الفل و بتسحب معايا لحد 180 190 و ثابتة كمان واعتذر للاطالة

---

كان عندنا الاوتومبيل ده
منهم لله الميكانيكيه البهايم اللى سوءوا سمعه المازدا بسبب العربيه المحترمه دى
البلد دى مش مكتوبلها تركب الحاجات النضيفه
عربيه بنت ناس قوى كفايه التابلوه والعدادات بتوعها

http://carphotos.cardomain.com/ride_...031_medium.jpg

http://www.cardomain.com/ride/379927/1977-mazda-929

فكرتنى ب ابويا :(((

اقتباس:

---

المشاركة الأصلية كتبت بواسطة mazagngi2010

كان عندنا الاوتومبيل ده
منهم لله الميكانيكيه البهايم اللى سوءوا سمعه المازدا بسبب العربيه المحترمه دى
البلد دى مش مكتوبلها تركب الحاجات النضيفه
عربيه بنت ناس قوى كفايه التابلوه والعدادات بتوعها

http://carphotos.cardomain.com/ride_...031_medium.jpg

http://www.cardomain.com/ride/379927/1977-mazda-929

فكرتنى ب ابويا :(((

---

الحمدلله عندي الصنايعية بتوعها و زبتينهالي اخر تمام

عاجبنى اوى الموضوع ده علشان بنتكلم فيه عن العربيات القديمه - فايه رأيكم اقولكم تاريخ جدى مع العربيات
نرجع بالذاكره لأيام الابيض و اسود و الطربوش و "سعيده مبارك" و "الاستقلال التام او الموت الزؤام"
جدى مهندس مدنى و اشتغل لفتره كمقاول ... فكان القانون زمان (قبل ثور 1952) بيجبر المقاول انه ينقل مهندس الحى الى موقع العمل علشان يعاين من اجل استخراج رخصة البناء او المطابقه .... الخ
و فى الفتره دى كان جدى فى اسيوط و الانتقالات غاليه (لأن كانت العربيات قليله اوى )
فاشترى عربيه مخصوص للموضوع ده .. و كانت اول عربيه يشتريها "جدى" كانت اسكودا (مش فليشيا و الكلام ده كانت موديل فى الثلاثينات او اربعينات القرن الماضى)
المهم كانو بيشكو منها مر الشكوى - لأن نظام عفشتها الخلفيه كان غبى اوى
هى كانت على سوسته ورق فقط بعض العربيه كله :36_1_2[1]:
و كانت بتبقى السوسته دى راكبه كالاتى : طرفى السوسته عند الكاوتش الخلفى و منتصف السوسته مربوط بمسمار واحد فى منتصف العربيه
و بالتالى حمل العربيه كله كان مرتكز على المسمار ده اللى كان كل شويه يتكسر و العربيه تقع على جنب :shine[1]: طبعا جدى ماصدق و باعها و كسر وراها زير
- و بعد كده اشترى الفورد 1946 اللى اشرت ليها فى المشاركه السابقه و كانت مدرعه بكل ماتحمله الكلمه من معانى مش ناقصها الا مدفع دبابه و يحرر بيها القدس
و كانت حمارة شغل و تروح فى الارياف و المدن و لا تقول لا -- طبعا مانتكلمشى عن السرعه لأن العصر ده كله كان بطئ موت (عمرك شوفت مدرعه بتجرى) و سرعه 80 فى الوقت ده تعادل سرعه 170 فى الوقت الحالى
بس للاسف نهاية الفورد جت بسبب زن الميكانيكي على ودان جدى رحمه الله عليه انه يحول العربيه من عربيه كوبيه (2 باب ) الى عربيه سيدان (4 باب) علشان تبقى مريحه للعائله و كده يعنى
و للاسف جدى استجاب للموضوع ده و اتحولت العربيه بس مارجعتشى زى الاول و بقيت بتمشى تصوصو و مش مظبوطه و بعدها بمده قصيره اتباعت
معرفشى بقى هل جاب عربيات بعد كده و لا لاء بس والدى (رحمة الله عليه ) كان بيحكيلى مغامراتهم على العربيتين دول بس
بالمناسبه جدى ماكنشى بيعرف يسوق اصلا :majd(4):
حتقولولى انتا بتشتغلنا ولا ايه امال جاب العربيات دى ازاى .. هو كان بيأجر سواق
و كان والدى و عمى ممدوح (كانو 14 و 19 سنه فى وقتها ) بيحبو يطلعو مع السواق مشاويره و يراقبوه و هو بيسوق
و كانو بينزلو الفجر و الكل نايم و يطلعو بالعربيه و طبعا زمان كانت العربيات نادره فاحتمال انهم يعملو حادثه قليل اوى الا لو انهم خبطو فى بيت و لا حاجه :36_1_1[1]: - و هما اتعلمو السواقه بالطريقه دى ( فيما بعد عرفت ان عمى الاصغر هشام كان بيسرق العربيه من والدى فى الفجر فى فترة مراهقته فى السبعينات و انا كنت بسرق العربيه برضه من والدى فى الفجر فى مراهقتى فى سنه 2000 - الظاهر ان ده فيرس فى العائله )
لغايه لما اتفقسو و جدى عرف - و طبعا بعد ما اتعلقو على الفلكه (الفلكه : اداة تعذيب مدرسيه قديمه ) جدى قرر انه يوفر اجرة السواق و يشغل والدى مكانه
طبعا والدى كان مبسوط بكده فى الاول - لكن بعد كده طلعت عينه لأنه كان بيلف بالعربيه طول النهار

عليك رحمه الله يا جدى (توفى 1984) و عليك رحمه الله يا والدى (توفى فبراير 2012) كان نفسى يحكى الحجات دى لمهاب ابنى لما يكبر لكن ارادة الله
و اطال الله فى عمر جميع اعمامى

استكمالا للتاريخ فوالدى اشترى العربيات الاتيه على الترتيب
1- فيات 600 (زستافا600) الملقبه بالقرده كانت اول عربيه يشتريها ب (400 جنيه و كانت مبلغ فى وقتها ) و خربانه و فضلت معاه لمدة شهرين - منهم شهر عند الميكانيكي و سافر بيها مره من اسيوط الى القاهره فى 48 ساعه (ايوه مش خطاء مطبعى يعنى يومين) و فى الاخر باعها ب 200 جنيه
2- فولكس خنفسه 1954 و دى اللى كان عمى الاصغر بيسرقها فى الفجر و ما اتعرفشى الا لما دخل بيها فى شجره - و عمى ده بعد كده اشتراها منه
3- فيات 132 مو 1975 و دى باعها لعمى ممدوح الاكبر منه (رفيقه فى سرقه عربية جدى اللى اشرت ليها فى المشاركه السابقه)
4- داتسون - بصراحه معرفشى كانت موديل كام لكن كل اللى اعرفه انه اشتراها و هو فى السعوديه و كان لونها احمر و سبحان الله الحادثه الوحيده اللى عملها بيها كانت فى اخر يوم ليه فى السعوديه و كان لسه شاحن العفش على مصر و متفق على بيعها و كان رايح يسلمها للى اشتراها
5- بيجو 504 موديل 1983 و دى كان والدى بيعتز بيها جداا لأنها العربيه الوحيده اللى اشتراها على الزيرو من السعوديه و فضلت معاه بحاله و محافظ عليها حتى وفاته فى اول السنه دى و لغايه دلوقتى احنا محافظين على العربيه و مش بنفكر نبيعها لأنها تعتبر اختى

ممكن داتسون 120y كانت منتشره شويه فى السبعينات

اقتباس:

---

المشاركة الأصلية كتبت بواسطة mazagngi2010

ممكن داتسون 120y كانت منتشره شويه فى السبعينات

---

احتمال كبير
و شكرا للاهتمام