انا قدمت شكوى لهيونداى وحجزت يوم الجمعة الساعة 11 فى غبور العبور ياترى لازم اروح اعملهم هيصة ولا حيغيروا المساعدين علطول والمساعدين اللى ورا اللى بيتغيرو بس ولا الاربعة ارجوا الرد
عرض للطباعة
انا قدمت شكوى لهيونداى وحجزت يوم الجمعة الساعة 11 فى غبور العبور ياترى لازم اروح اعملهم هيصة ولا حيغيروا المساعدين علطول والمساعدين اللى ورا اللى بيتغيرو بس ولا الاربعة ارجوا الرد
بص انت حجزت ايه صيانه ولا تغير مساعدين يعني طلبتهم بالاسم؟
على العموم هو المهندس الموجود هناك اسمه احمد عز
انا غيرتهم في ابو رواش بعد معملت خناقه وقليت ادبي وانا كمان كنت رايح بواسطه
خلي بالك ان في مساعدين عاديين وفي مساعدين متعدلين
اطلب المساعدين المتعدلين وصمم عليهم وحتى لو قلك معندهمش قلهم انا مش حمشي او خليهم يعملهملك بطلبيه تيجي من كوريا ودي بتاخد 15 يوم تقريبا وعليك بقا كل يوم تقرفهم اتصال تسئل ها في اخبار وصلو
وربنا معاك
انا روحت النهاردة و خدوا مني العربية من سكات غيروا المساعدين و هما عارفين ان دي مشكلة في العربية و مهندس الاستقبال قالي ان المساعدين الي راكبين سوفت و هايتغيروا بهارد عشان الطرق بتاعتنا ما يتمشيش عليها بعربيات أصلاً.
المهم هاتحس ان العربية ثباتها احسن بكتير على السرعات العالية بس نشفت شوية بصراحة بسيطة و ممكن متحسش بيها في الطرق الغير ممهدة.
و بيغيروا المساعدين الخلفيين فقط و ببلاش.
روحت مركز العبور الساعة ٩ و استلم العربية على طول و ختها الساعة ١٠:٣٠
خلاص يارجالة المشكلة اتحلت بعد ما قدمت شكوى الى موقع هيونداىHyundai Egypt اتصلوا بيا يوم التلات وقالولى المساعدين محجوزين بإسمل فى فرع قليوب ورحت النهاردة بس رحت بدرى شوية الساعة 8 كنت سادس عربية والمهندسة استلمت منى العربية الساعه 8.40 تقريبا والعربية دخلت الورشة الساعة 9 وخلصت الساعة 9.45 واستلمت العربية 10 وغيروا المساعدين الى ورا علطول من غير اى كلمة بس المساعدين اية حكاية عاملين زى المدفع مش القدام حتة صفيح والعربية ماشاء اللة عليها ومخدوش اى فلوس بس هما سألوا عن الصيانات الدورية
يا جماعة ممكن حد يشرحلي اعمل اية عشان اغيرهم
خش يا باشا على الموضوع دة و اعمل زي ما مكتوب بالضبط
http://www.nilemotors.net/Nile/30951...mation-rb.html
و أن شاء الله المشكلة هاتتحل
الله يبارك لكم فى غبور و عقبال كيا يا رب
و الف مبروك على المساعد الجديد
يا جماعة انا روحت امبارح فرع الغردقة بعد ما قدمت شكوى بعد نصيحتكم لهيونداى مصر وبالفعل غيروا المساعدين لمساعدين هارد وحسيت بالفرق الكبيرمع العلم انى بقالى 6 شهور بشتكى من المساعدين لكن دايما كانوا بيقولوا انها سليمة لكن رفضوا التغير بس الحمد لله غيروها بدون ولا كلمة
أنا غيرت المساعدين الخلفي بعد خناقات وانتظار شهرين بس بعد التغيير حاسس بفرق غير عادي، بالنسبة للمساعدين قدام حاسس انهم خفاف شوية برضه، حد حاسس بكده في عربيته؟؟؟
انا هجيب 2013 ... لسه العربية فيها مشكلة المساعدين ولا ايه ؟؟
عملتو ايه يا جماعه بالله عليكم حسو بينا احنا كمان انا عاوز اغيرهم ومش عارف اعمل ايه والتوكيل وضمان العربيه حيعملو معايا ايه بالله عليكم الرد
ايه التوكيل الزباله ده
كل دي خناقات علشان حتة مساعد. ..
الله يمسيكي بالخير يا نيسان انتي وتويوتا
روح التوكيل وقوللهم العفشة ورا بتدبدب والمساعدين خفيفة هايدخلوها الصيانة ويطلعوا تقرير ان المساعدين الخلفية تحتاج تغيير والمهندس هايقوللك اسال عليها كمان اسبوعين وبعد الاسبوعين تكلمه يقوللك لسه ماجاتش تقوم تتصل وتزعق معاهم وتهددهم انك هاتعمل محضر وهاتتصل بحماية المستهلك وهاتعمل شكوى على موقع هيونداي ولو ماغيروهاش ادخل على موقع هيونداي ايجيبت واعمل شكوى هايتصلوا بيك ويدك معاد مؤكد للتغييرز