أخوانى رجاء المساعده فى المقارنه بين اليارس والصنى مع تقارب السعر بينهم وأختلاف ال سى سى
وبارك الله فيكم
أخوكم م/حسين
عرض للطباعة
أخوانى رجاء المساعده فى المقارنه بين اليارس والصنى مع تقارب السعر بينهم وأختلاف ال سى سى
وبارك الله فيكم
أخوكم م/حسين
بس حضرتك ممكن تاخد لفه في قسم المقارنات لان اتعمل مقارنات كتير بينهم و الاراء مختلفه..
لكن الخلاصه
الياريس شكل جميل و تقفيل محترم و توفير في استهلاك الوقود واسعار معقوله لقطع الغيار و اقل من الصاني.
الصاني عائليه اكتر و اقوي لكن علي حساب استهلاك الوقود .
........
من الاخر عاوز عربيه مريحه و تصميمها حديث و موفره و شبابيه يبقي الياريس
لو عاوز عربيه عائليه اكتر و اقوي من الياريس كصاج و عفشه و موتور لكن علي حساب زياده استهلاك الوقود و ماعندكش مشكال من التجميع المصري يبقي الصاني.
استخير ربنا و توكل علي الله.
........
رايي الشخصي لو مكانك حجيب ياريس
شكرا أخى حازم على الرد بس حلوه شبابيه دى أخوك عجوز 46 سنه وماشى فى السبعتاشر
أطال الله فى عمرك وأنا مرتاح لليارس بس عايز تشجيع من الأخوان ومن أصحاب الخبره والتجربه وشكرا على الردود
46 سنه عجوز ازاي يا باشا لسه في عز شبابك.
اتوكل علي الله و بجد العربيه محترمه و مافيهاش لا عيوب تقفيل ولا الحاجات البايخه دي
كل اللي فيها ان اكصدامتها ضعيفه شويه يعني لو اكصدام الصاني ياخد مثلا يعني 8 /10
اكصدام الياريس6 /10.
بس في المقابل شكل افضل و استهلاك بنزين رائع في ظل الاسعار العاليه للوقود.
توكل علي الله و ما تخافش