حاجه حصلت فى الكارينز و مش فاهمها !!!
اول ما جبت العربيه فى 2010 كنت اول مره اسوق اوتوماتيك ... عند باب الجراج طفيت و نزلت اعمل حاجه و رجعت ادور ... العربيه مبتدورش ... تدينى كهربا و تنور التابلوه بس مفيش مارش خالص ...قلبى وقع فى رجليا دا نا لسه مرخضتش و لحقت تبوظ !!!
المهم لقيت الفتيس على ال d و عشان تدور لازم يرجع n قلت كويس ادينا اتعلمنا حاجه ...
المهم من يومين كده جاى ادور العربيه حصلى نفس الموقف .. نور التابلوه و صوت طرمبة البنزين زى الفل بس مفيش مارش ... الفتيس على n مش فاهم ايه اللى بيحصل حركت الفتيس ل d و رجعته n دارت !!!
النهارده نفس الموضوع بالظبط مش بتدور والفتيس على n اوديه d و ارجعه n تدور على طول ..
الموضوع فى الاول كنت شاكك فى البطاريه بس التابلوه بينور و السنتر شغال و كله حلاوه ... اظن ليه علاقه بالفتيس بس مش عارف ممكن تكون ايه ...
انا عندى صيانة ال 35 الف قريب هقولوهم على الموضوع ده بس مش عايز اسمع فتى من التوكيل و محتاج يكون عندى فكره مسبقه ممكن يكون ايه المشكله ... هل من مساعد؟