السلام عليكم ورحمة الله وبركاته
تحية طيبة لاعضاء نايل موتورز الكرام،
حضراتكم انا عامل الموضوع ده عشان يبقى مرجع لاى حد عايز يشترى من الموقع
لان الموقع فيه مشكلة كبيرة وهحكى اللى حصل بالتفصيل
انا من 3 ايام تقريبا قررت ان اشترى حاجات من اي باى وكنت سامع على ادفعلى وقلت اجرب معاهم
المهم سجلت فى الموقع ، والموقع كان عامل عرض كوبونات 50% off
المهم اخدت النمبر بتاع الكوبون وعملت اوردر من 6 طلبات والتكلفة حوالى 1400 جنيه والكوبون حوالى 20 دولار خصم وطريقة الدفع عبارة عن ديبوزيت فى البنك
ولسه مدفعتش ، وبعد كده لقيت حاجات من اللى هجيبها موجودة هيا هيا بس ارخص منهم فقلت اعدل الاوردر لقيت ان الموقع مبيقبلش تعديل الاوردر الا بعد مراجعته( طب تراجعه ليه وانا لسه مدفعتش يعنى لو عايز اعدل حاجة اقدر اعدلها لان المراجعة بتاخد وقت )
المهم ملقيتش حل غير انى اكتسل الاوردر واعمله من اول وجديد واضيف النمبر بتاع الكوبون لقيته بيقى ان النمبر غلط بعد ماكتبت الاوردر من اول وجديد ومينفعش اسحب كوبون جديد
أولا يا فندم الأوردر عندنا بيمر بسبع مراحل بتبدأ أول لما تعنل أوردر وبيكون في الحالة ديه new order و في خلال 24 ساعة بيتم مراجعة الأوردر من الفريق المختص للتأكد من صحة كل البيانات والأسعار المطلوب شرائها وبعد المراجعة بيتم تغير حالة الأوردر الى pending وده معناه اننا في انتظار دفع الفلوس علشان ننتقل للمرحلة اللي بعدها وهي الشراء .
طوال مرحلة new order حضرتك تقدر تعدل الأوردر في أي وقت بأي طريقة.
بالنسبة لنقطة الكوبون فهو فعلا من شروطة انه يكون مرة واحدة فقط للعضوية وبمجرد ان حضرتك عملت check out للأوردر وبقى عندنا على السيستم يبقى كده حضرتك استفد من العرض ويفضل العرض شغال مع حضرتك حتى لو دفعت الفلوس بعدها بسنة
طبعا اضطريت انى اعمل يوزر نيم جديد وفيسبوك جديد عشان اخد الخصم واعيد كتابة الاوردر لثالت مرة
وده كان اخر يوم فى الكوبونات جيت امبارح لقيت حاجات ارخص وعايز ابدلها ( وعذرا لان دى اول مرة اشترى من على النت والمفروض ان ادور على الحاجة اللى عايزها واقارن واشوف ارخص سعر بين اى باى وامازون بس الصراحة كان وقتى ضيق بس بردو الموقع فيه مشاكل ولازم يتحل )
المهم طبعا لما لقيت الحاجت ارخص قلت ماينفعش اكنسل الاوردر لحسن الكوبون يبوظ وعرض الكوبونات خلص
فكلمت خدمة العملاء رد عليا شاب قلتله انى عايز اضيف حاجات وزر الاضافة مش موجود قلى ايعتلنا اللى عايز تضيفه على الميل واحنا هنضيفهولك وقلتله ابعلتى اسماء البنوك وارقام الحسابات عشان اودع لانى خارج القاهرة(نص الرسالة هتلاقوه تحت) الكلام ده امبارح الصبح
اتبعتلى الاميل حوالى 6 بليل وبيقلى فيما معناه انى اعمل اوردر جديد ومردش عليا فى موضوع البنوك حتى (يعنى رسالتى متقرتش اساسا)
حضرتك عملت أوردر رقم 21957 الساعة يوم 23/9 الساعة 10:37 دقيقة واخترت حضرتك طريقة الدفع هي زيارة مكتبنا.وكان الأوردر عبارة عن 5 منتجات باجمالي 168.61 دولار وكان الكوبون والخصم شغالين عادي جدا.
الساعة 10:58 دقيقة من نفس اليوم حضرتك عملت تعديل فعلا على الأوردر كان عبارة عن cancel للمنتج رقم 2 واختر سبب الإلغاء upon your request. وبناء عليه اتغيرت القيمة الاجمالية الى 102.96 دولار.وبرده كان الخصم والكوبون شغال عادي جدا.مش عارف ليه حضرتك في الرسالة اللي بعتهالي قولت انك بعد لما عدلت الكوبون مشتغلش وبالنص (انا سجلت فى موقعكم وعملت اوردر وخدت كوبون وبعد كده جيت عدلت فى الاوردر ، موقع سيادتكم البايظ يقلى الكوبون غلط)
الساعة 10:59 دقيقة حضرتك عملت cancel للأوردر كله.
الساعة 12:27 دقيقة حضرتك عملت أوردر جديد برقم 21964 ب 6 منتجات وكانت التكلفة النهائية 210.04 دولار.
الساعة 4:58 دقيقة فريق المراجعة عمل مراجعة للأوردر بتاع حضرتك وزادت التكلفة النهائية الى 221.24 وبقى الأوردر pending وفي الحالة ديه حضرتك مبتقدرش تعدل أي حاجة على الأوردر غير انك تكنسله كله أو تكنسل أي منتج حضرتك محتاجه.غير كده التعديل والاضافات بتكون عن طريقنا.واتبعت ميل أوتوماتيك الى حضرتك بعنوان مكتبنا ومواعيد العمل علشان تشرفنا تدفع.
تاني يوم 24/9 الساعة 1:29 دقيقة حضرتك عمل cancel للمنتج رقم 2 والتكلفة النهائية اتغيرت الى 155:45
الساعة 2:04 دقيقة حضرتك عدلت في الأوردر وكنسلت منتج 3 و4 وبقى النهائي 138.31 دولار
الساعة 2:15 دقيقة حضرتك كلمتنا وطلبت من الموظف يبعت يغير لحضرتك طريقة الدفع من زيارة مكتبنا الى ايداع بنكي وفعلا اتبعت لحضرتك ميل في نفس وقت التغيير اوتوماتيك الى حضرتك ببيانات البنوك اللي تقدر تعملنا فيها ايداع.
النهاردة الساعة 1:55 صباحا حضرتك كنسلت الأوردر
طبعا كنت متاكد انى لما اجى اعمل اوردر جديد وانقل النمبر بتاع الكوبون هيقلى غلط وانى استخدمته مع انى لادفعت فلوس ولاالاوردر بتاع اتفعل وبدء تنفيذه عشان ابقى استخدمته
وكده راح عليا العرض ده غير 3 ايام كل يوم اعيد الاوردر لدرجة انى حفظته
وبعت الكلام ده فى رسالة للعضو المحترم اللى همزة الوصل بينا وبين الموقع وسامحنى لو كانت اللهجة شديدة شوية لان الموقع يجيب القولون العصبى (الرسالة كانت موجهة للموقع وخدمة العملاء وليست لحضرتك ، ولكن حضرتك لما كلمتك من كام يوم رديت عليا فى وقتها وشكرتك على سرعة ردك)
وده نص الاميل اللى انا بعته للموقع عشان الاضافات
the links i want to order
Amazon.com: SanDisk Ultra 64 GB microSDXC Class 10 UHS-1 Memory Card 30MB/s with Adapter SDSDQUA-064G-U46A: Computers & Accessories amazon.com: [aftermarket product] brand new rear back door plate panel cover faceplate panel fascia repair fix replace replacement for samsung gt-i9220 galaxy note [silver]: Cell phones & accessories 2m mhl micro usb to hdmi hdtv adapter cable for samsung sony xperia ht evo 3d | ebay
notes
1-the memory card is 64gb brand new (not used) with free shipping and costs $54.51
2- the battery cover of the galaxy note (i want both the silver one and the red one) and the price for both is $13.98 and both are brand new
3- 2m mhl micro usb to hdmi hdtv adapter cable costs $7.77 with free shipping
please inform me with the banks deposit numbers, and am i have to pay the deposit right after make the order (within a certain number of days )
or at any time
thanks
حضرتك قولت ان ده نص الميل اللي حضرتك بعتهولنا وده صح فعلا وديه غلطة من عندنا واحنا أسفين عليها.
وده نص الرسالة اللى ردوا بيها عليا
to make an order you have to visit your our website
edfa3ly.com - the world is just a click away then register and make your new order, fill all info of the item you want to purchase and the press check out icon and choose the payment method that is suitable :-)
وده نص الرسالة اللى بعتها للعضو المحترم edfa3ly.com
اولا انا بعت لحضرتك قبل كده رسالة
انا اول مرة اتعامل معاكم وصراحة هتبقى اخر مرة
انا سجلت فى موقعكم وعملت اوردر وخدت كوبون وبعد كده جيت عدلت فى الاوردر ، موقع سيادتكم البايظ يقلى الكوبون غلط
اضطريت انى اسجل من اول حديد واعمل فيس جديد وخدت كوبون جديد وعملت اوردر من اول وجديد وطلبت 6 حاجات وجالى تاكيد تانى يوم انها هتتكلف 1400 جنيه والكوبون اشتغل لقيت حاجات من اللى طلبها ارخص فلت اعدل فى الاوردر وملغيهوش كله اختفت الكلمة بتاعة اضافة منتج
كلمت خدمة العملاء وقلتله انى حذفت حاجات من الاوردر وعايز اضيف حاجات
اللى حذفتها بس من امازون بدل من اىباي
قالى ابعتهالى فى لينك واحنا هنضيفها
عملت ميل كتبت فى الحاجات اللى عايز اضيفها ومواصفات كل حاجة وسعرها وشكلها الكلام ده كان النهارده الصبح
جيت بليل بفتح الميل لقيت مبعوتلى اميل فيما معناه انى اعمل اوردر جديد (يعنى من الاخر خدمة العملاء مضافش حاجة وكبر دماغه )
قلت امرى الى الله وعدلت الاوردر من اول وجدبد ونقلت رقم الكوبون اللى كان فى اخر اوردر وانا لسه مدفعتش يعنى مستخدمتش الكوبون
قالى ان الكوبون غلط والكوبونات خلصت فبالتالى جناب السفير اللى رد عليا فى التيلفون معدليش الاوردر وفى نفس الوقت ضيع عليا خصم بتاع 20 دولار ده غير وقتى اللى ضاع فى انى عملت 3 اوردرات عشان موقععكم مينفعش اعدل فيه اوردراتى الا بعد موافقت حضراتكم
وده اسمى عندكم ayman moemen
وده رقم الاوردر اللى انا لغيته فى الاخر 21964
وده رقم الكوبون cu50sep
(والمعلومات دى عشان تعرف انى مبفتريش عليكم وتقدر تتاكد منها ولو دورت فى الميل عندكم هتلاقى نص رسالتى !!!
من عمل عملا فليتقنه
بذمتك ده يرضى رب ولا عبد
ومع ذلك شكرا لسعة صدركم المتناهية بس بصراحة مش هنصح اى حد يستخدم موقعكم الا لما تصلحوه وباذن الله هعمل موضوع كامل هنا فى المنتدى احكى فيه تجربتى مع موقعكم السهل الممتنع
,فى النهاية دى تجربة فردية وجايز حظى انا اللى وحش معاهم بس حبيت اقلكم على اللى جصل معايا ولكم التعليق
والسلام ختام