شكر واشاده لمحلات البساطى لقطع غيار الداتشيا والرينو

اتوجه بخالص الشكر والاشاده لمحلات البساطى لقطع غيار الداتشيا والرينو (د / احمد البساطى )
طبعا بعد اذن الادارة الموقرة ده مش اعلان ....ولكن احقاقاً للحق واشاده بالمواقف والتجار المحترمين
حصل عندى ماس من مفتاح الزجاج فالكونتاكت بقى يقطع المهم
روحت للبساطى فى اول شارع الترعه البولاقيه واخدت منه كونتاكت فرنساوى ب 130 جنيه
ورجعت الهرم وركب يا اسطى طلع اقصر حوالى 1 سم طبعا لوك المسوجر مقفلش
اتصلت وقولتله قالى تعالى رجعه ونشوف غيرة بس ممكن ميكونش فرنساوى
رجعت قعد يدور طبعا فى صينى وسوق اوروبى جاب لى الاصلى الفابريقه الداتشيا بختم المصنع رومانى ومكتوب عليه 235 جنيه طبعا انا اتصدمت .....وكنت ناوى اخد الفيبرة فقط قالى لا الفبرة مش ممكن ترجع لانها ممكن تضرب بسهوله من الكهربائى لكن الاصلى افضل
قام الراجل المحترم بكل ادب اصر ان السعر هيكون 135 يعنى شال 100 جنيه نظير ان انا روحت وجيت كام مرة
طبعا عجزت عن شكره وادبه واخلاقه العاليه
وطبعا فى محلات تانيه بتبيع اغلى من 235 بكتير جدا
مرة تانيه الف شكر

والله الواحد ما بيصدق يتعرف على تاجر عنده ضمير ومحترم ،، اضم صوتي لصوتك والف شكر ليه وربنا يكتر من امثالة

يالفعل هو راجل محترم جداااااااااااااااااا وكفاية انه فى منتهى الامانة مع الناس وبيبيع بزمة واحدة

لكن هناك ملحوظة بسيطة اللى أنا أعرفه عن أى تاجر انه ممكن يبيع الحاجة بدون مكسب ولا يمكن ان يبيعها بخسارة كبيرة تحت اى ظرف حتى ولو كان جنية واحد مش 100 جنية العقل يقول كده وبالرغم من احترامى الكبير لهذا الرجل ولكن موضوع الخسارة مش مقتنع بيه مطلقا

هو عموما د البساطي راجل محترم وأنا بتعامل معاه بقالي 10 سنين
واللي بيسأل عن التخفيض الكبير في السعر :في بعض الأحيان بيكون في بعض قطع الغيار مركونة بقالها كثير ومبينزلش منها الأصلي تاني ومبتتباعش ومركونة بقالها سنين علشان كدة بيستفاد بأي مبلغ يطلع منها أحسن ما هي مركونة وملهاش بيع