التوزيع الغبي (أو غير المثالي) لفتحات التكييف في اللانسر !!

تنويه : المشكلة دي بتبقى في الظهر أما بليل فالوضع أحسن

أنا أول مرة أشوف عربية تنزل بفتحة تكيف واحدة فقط (يعني الفتحة الوحيدة إللي ليها لازمة) ومخصصة فقط للراكب جنب السواق
لإن باختصار الفتحات الوسطانية هواها شبه معدوم تقريبا فكده طبعا إللي قاعدين ورا مش حيوصلهم أي هوا والفتحة إللي عند السواق على الشمال مستخبية ورا الدريكسيون فبالتالي السواق مش حيصولو هواء محسوس وزي منتوا عارفين في عز الظهر الإزاز بيكون سخن جدا وإذا مكانش الهوا مسلط عليك مباشرة فالتكييف حتى لو بتاع هوندا ولاتويوتا مش حيعمل حاجة وهي دي المشكلة في فتحات التكييف
لكن كل مشكلة وليها حل:
1- متركبش حد معاك خالص وتقفل فتحات تكييف الراكب الأيمن عشان الفتحة الوسطانية كمية ضخ الهوا تزيد وتوجها عليك
2- إنك تعوج الدريكسون شمال عند أي حد عشان يوصلك هوا من الفتحة المخفية لكن المشكلة ساععتها حتحس إنك راكب 128
3- في حالة إنك عايز التكييف يوصل للركاب إللي ورا فلازم تقفل الفتحات الجانبية عشان الوسطانية تطلع هوا بقوة كافية عشان يوصل لورا لإن زي ماذكرت سابقا هوا الفتحات الوسطانية ضعييف جدا

ودي صور توضيحية:

http://www.cars-club.com/up/8-2-1/carsclub_14663462.jpg


http://www.cars-club.com/up/8-2-1/carsclub_18298100.jpg

عندك حق في موضوع الفتحات الوسطانيه انا معايا لانسر مو2000 و باعمل زيك بالظبط باقفل الفتحه اليمين حتي لو حد راكب معايا

هى فعلا الفتحات اللى فى النص هواها ضعيف انما عمتا اللانسر فيها ميزة مش موجوده فى لا التويوتا ولا النيسان وهى ان كل فتحه ممكن تغلقها بشكل منفصل انما فى الكورولا والصنى و الديهاتسو على ما اعتقد الفتحات اللى فى النص مينفعش تفصلها وتشغل الفتحات الجانبيه بس وهو بصراحه الصبح لو حد قاعد فى الخلف يبقى لازم على 3 انما لو على 2 يبقى مش هيحسوا بالتكييف بس برضه مش هيعرقوا

انا متفق معاك ان فعلا توزيع فتحات التكييف مش كويس و المشكلة دي بتظهر لو حد راكب معاك ورا و في الضهر و في عز الحر و فكرة غلق فتحة الراكب اليمني دي فكرة كويسة



محمد فهمي

انا اعتقد ان تصميم التابلوه نفسه هو اللى اجبارهم على كدة يعنى طبقا لتابلوه للانسر مفيش مكان احسن من كده لفتحات التكييف

بمناسبة تصميم التابلوه بيزعلني جدا انهم مش عاملين حسابهم في مكان لوضع علبة المناديل و ده بيخلي كل شوية العلبة تتزحلق و تقع ..االموضوع ده كان مزعلني جدا لغاية ما وصلت لحل اني اجيب علب مناديل رفيعة و احطها امامي و بكده ما بقتش بتتزحلق خالص


محمد فهمي

اقتباس:

---

المشاركة الأصلية كتبت بواسطة borgelharm

بمناسبة تصميم التابلوه بيزعلني جدا انهم مش عاملين حسابهم في مكان لوضع علبة المناديل و ده بيخلي كل شوية العلبة تتزحلق و تقع ..االموضوع ده كان مزعلني جدا لغاية ما وصلت لحل اني اجيب علب مناديل رفيعة و احطها امامي و بكده ما بقتش بتتزحلق خالص


محمد فهمي

---

ياباشا انا عندي مكان لعلبه المناديل في الكريستاله ورغم كده مش بجيبها بحس انها حجم علي الفاضي والاجمل والاشيك انك تعمل زيي
تجيب 2 باكو ايزي باك وتحطهم في الباب نفسه واحده ليك واحده للراكب وهتكون اشيك و قريبه ليك وللراكب كمان :fool:

فيه عيب كمان فى فتحات تكييف اللانسر وهو ان الفتحات اللى فى النص مائله للخلف وبلتالى الهواء لن يصل اللى راكبين الخلفين وكمان متقدرش تحط المعطر السائل فى الفتحات الوسطانيه علشان كل المعطرات عليها تحذير بعدم وضعها مائله وخلى بالكم لا تضعوا المعطرات السائله فى الفتحات الوسطانيه لان الفتحات مائله وتحت الفتحات يوجد الجزء التيتانيوم سواء فى وش واطار الكاسيت او عند الطفايه والفيتيس ولو سقط السائل المعطر على الجزء لتيتانيوم هيبقع ويعمل زى حرق فى الجزء التيتانيوم

انا عندي فعلا فيه شوية معطر وقعوا وحرقوا البلاستيكة بتاعت الفتيس وبقى شكلها وحش خالص
شكرا على النصيحة

اقتباس:

---

المشاركة الأصلية كتبت بواسطة borgelharm

بمناسبة تصميم التابلوه بيزعلني جدا انهم مش عاملين حسابهم في مكان لوضع علبة المناديل و ده بيخلي كل شوية العلبة تتزحلق و تقع ..االموضوع ده كان مزعلني جدا لغاية ما وصلت لحل اني اجيب علب مناديل رفيعة و احطها امامي و بكده ما بقتش بتتزحلق خالص


محمد فهمي

---

يا محمد باشا
تصميمات التابلوها الجديده كلها كده علشان يجبرك ما تحطش اي حاجه علي التابلوه
علشان لا قدر الله الاير باج فتحت و في حاجه علي التابلوه حتبهدل اللي قدامها

بصراحة أنا مش عارف التار اللى بينك وبين لانسر يا أخى الفاضل
حاططها فى دماغك وشايل منها للصبح ليه مش عارف :)

وهو لازم العربية يكون فيها فتحات تكييف للجالسين بالخلف؟
وللا هو هوا العربية بيتكيف كله؟

لما يبقى عندى تكييف فى البيت لازم يكون موجّه عليا وللا الأوضة هتتكيف هتتكيف؟

وبعدين الفتحات الوسطى ممكن حضراتكم تعدلوها من الريش بتاعتها وتحطوا أى معطر بس يكون متثبت كويس

وعند بتوع الكماليات حصيرة صغيرة كده بلون التابلوه بتثبت لوحدها على التابلوه من غير لاصق ولا أى حاجة ولو وضعت أى حاجة عليها مش بتتزحلق

انا فعلا مش عارف ايه الانتقاد الكبير اللي في الانسر ده مع انها ماليه البلد ياراجل دي بقت اكتر من 128 يبقي عايز حد يقنعني انها وحشه
وعلي فكره انا امبارح كنت راجع من اسكندريه وماشي 160 و والله العظيم اللانسر عمال يطلع من جنبي صاروخ يعني تخيل انت كان ماشي كام والثبات روعه بس تعمل ايه بقي في الناس اللي بتعلق علي اي حاجه ومش فاهمين يعني ايه ياباني لأنهم ما جربوش الكوري وجمال الكوري

اقتباس:

---

بصراحة أنا مش عارف التار اللى بينك وبين لانسر يا أخى الفاضل
حاططها فى دماغك وشايل منها للصبح ليه مش عارف :)

---

لا أبدا يادكتورنا أصل فتحات التكييف ده شد إنتباهي أما ركبتها خصوصا الظهر أما بتقعد ورا غير قدام خالص في قوة التكييف وبرضه شد إنتباهي جامد إن الفتحة إللي على الشمال مدارية تماما ورا الدريكسيون كما هو موضح في الصور

اقتباس:

---

وهو لازم العربية يكون فيها فتحات تكييف للجالسين بالخلف؟
وللا هو هوا العربية بيتكيف كله؟
لما يبقى عندى تكييف فى البيت لازم يكون موجّه عليا وللا الأوضة هتتكيف هتتكيف؟

---

في الظهر لازم الفتحات تكون موجهه على الركاب مباشرة لإن الإزاز بيكون سخن جدا من حرارة الشمس لكن زي ماقلت المشكلة دي ماتظهرش بليل أو في أي وقت الشمس مش موجه فيها على العربية وعشان الهوا يوصل ورا لازم الفتحة الوسط يكون هواها قوي وفي اللانسر كما ذكرت الفتحات الوسطانية هواها ضعييييف جدا

وعند بتوع الكماليات حصيرة صغيرة كده بلون التابلوه بتثبت لوحدها على التابلوه من غير لاصق ولا أى حاجة ولو وضعت أى حاجة عليها مش
بتتزحلق[/quote]

جديدة علي فكرة الحصيرة دي يا دكتور بس جميلة حبقي اروح اسأل عليها و بالفعل وجهة نظر حازم باشا سليمة في موضوع الاير باج و كنت بتغاظ جداى لما بلاقي في الفيرنا مكان للمناديل و دلوقتي عرفت عشان هي مافيهاش ايرباج



محمد فهمي

بص يا سيدى
-الفتحات الجانبيه ده معلوله للركب وراء فطبيعى جدا خروج الهواء منهم هيكون اكثر من الى فى النصف علشان يوصل للراكبين وراء
-طبيب انت الى فى النص الهواء بتاعها ضعيف معاك مش بيجى عليك هواء معقوله ده ؟
ده انا بعمله على 2 فى الظهر وبيوصلنى هواء منها كويس 3 بيقى تمام اوى
-وبعدين الفتحه الجانبيه بيجيب هواء عليا لو ظبطها فى وشى عادى (قول يمكن علشان انا مليان وواخذ الكرسى كله :) )

طيب الكلام الى فوق ماشى معايا ومش ماشى معاك
فانا بقترح عليك الاتى
-لو انت راكب لواحدك ممكن تقفل الفتحه الجانبيه والى فى النصف بتاعت الراكب الامامى وتفتح الفتحه الجانبيه بتاعتك انت والى فى النصف بتاعت السواق
- لو انت راكب ومعاك واحد جنبك ومفيش حد فى الكنبه ممكن تقفل الفتحات الجانبيه الاثنين وتسيب الاثنين الى فى النصف
-لو راكب ومعاك ناس فى الكنبه ومش هامك الناس الى واء اوى ممكن تقفل الفتحات الجانبيه نصف قفله يعنى خليه قبل النصف بسنه صغيره علشان الهواء وهوه خارج ميعملش صفاره وشغل التكيف على 3

انا كمان معاك ان توزيع فتحتات التكييف مش كويس خالص و مش مريح و بقعد كتير جدا على ما اظبط وضع الكرسى و اظبط عليه اتجاه فتحات التكييف تبقى مواجهة ليا تماما الصبح التكييف بيكون على 1 و بيسقع اوى و بيبقى مية مية نخش بقا فى فترة الضهر عشان يجيب سقعة لازم مش اقل من 3 و 2 و 1 بيكون مش قادرين على الحر و العصرية 2 قشطة جدا و المغرب بقا و بالليل 1 كفاية اوى بس فى عندى مشكلة ان التكييف مش بيطلع من تحت واحد صاحبى قالى ان فى صمام موجود ممكن يقفل ان التكييف يجى من تحت بس هو عربيته كورولا قديمة مش عارف ايه النظام فى الانسر

انا معايا اللانسر و بعترف فعلا ان توزيع الهوا في فتحات التكيف سيء جدا .. لاني لما ركبت عربيات تانية زي الكورولا و الاوبترا لقيت ان الفتحات اللي فالنص بتطلع هوا اكتر من الجناب .. والعكس عندنا فاللانسر .. دة غير طبعا الفتحة اللي تحت الدركسيون اللي بتخلي ايدي تتلج وانا سايق و مفيش هوابييجي نحيت على وشي .. بصراحة .. اسوا تكييف .. و فعلا زي ما بيقولوا .. الحلو ما بيكملش و الكمال لله وحده

اقتباس:

---

المشاركة الأصلية كتبت بواسطة roadmaster

انا معايا اللانسر و بعترف فعلا ان توزيع الهوا في فتحات التكيف سيء جدا .. لاني لما ركبت عربيات تانية زي الكورولا و الاوبترا لقيت ان الفتحات اللي فالنص بتطلع هوا اكتر من الجناب .. والعكس عندنا فاللانسر .. دة غير طبعا الفتحة اللي تحت الدركسيون اللي بتخلي ايدي تتلج وانا سايق و مفيش هوابييجي نحيت على وشي .. بصراحة .. اسوا تكييف .. و فعلا زي ما بيقولوا .. الحلو ما بيكملش و الكمال لله وحده

---

حضرتك الموضوع مش صعب كده
الموضوع سهل جدا أنا باقفل الفتحة الشمال بتاعت السواق و بكده اللي في النص بتطلع هوا جامد ومش بحتاج أزود التكييف عن 2

انا مش عارف ليه الكل قلب على اللانسر مره واحد من اول موضوع قصه ادمان مصريه ودلوقتي التكيف.. وعلى فكره موضوع التكييف ده لو موجود فعلا والفتحات الي في النص هواها ضعيف فأحب اقولكم ان الشكل الجديد اتعااالج في الموضوع ده لا الفتحات الي في النص هواها قوي الحمدلله لدرجه اني بعكسه بعيد عني عشان قوه الهوا مع البروده وهوه على 2 ودرجه الحراره على 22بتأثر في ايدي... وربنا يهدي

فى طريقة ممكن تجربوها انك تخلى الفتحات اللى فى النص متوجهة لفوق خالص واعتقد بتعمل شغل وانا جربتها مرة وكانت معقولة للى ورا والله اعلم