الموضوع: شركة ((اتصالات مصر)) بتستهبل على الشعب المصرى

المشاركة الأصلية كتبت بواسطة mahmoudselim

والله يا باشا احنا اصلا من ارخص الدول العربية ان ماكنش ارخصهم في اسعار خدمات الموبيل.
وبالمناسبة شركات الاتصالات بتدفع ضرائب بالهبل والدولة بتكسب منهم كتير سواء كان في منح
الرخصة من الاول او من الضرائب وغيرة بعد كدا. يعني في النهاية بيعود علي الدولة " المواطن"
جزء مش بطال من ارباح الشركات دي. دا غير طبعا الشباب الكتير جدا ال بيشتغلوا في الشركات دي
ومرتباتهم محترمة أوي. يعني القرش دا مش هيفرق معاك في حاجة , دا انت لو دفعت قرش كل يوم
لمدة سنة هتعمل 360 قرش يعني كلام تافة. الاولي نشوف حل لمشكلة بلطجية الشوارع (السايس)
ال لو حسبت انت بتدفعلة كام في السنة مش هيقل عن 500 جنية!! ولا البقشيش الاجباري بتاع عامل
البنزينة, ولا ولا ولا. في حاجات كتير في البلد بيدفع فيها اكتر بكتييير بغير وجه حق. علي الاقل القرش
ال بتدفعة دا بتاخد بية خدمة ملموسة ومفيدة.

هههههه
كده صعبوا عليا داحنا نحاول نجمع من بعض مبلغ شهرى ونحولهم المبلغ ده كمساعدة
يا باشا لو عاوز تعرف حجم المكاسب الى بتكسبها شركات المحمول شوف السعر الى ادفع فى ثمن الرخصة بتاعة اتصالات - الرخصة بس يعنى حتة ورقه تصرح بمزاولة النشاط -
احنا ملناش دعوة بسعر المكالمة كام
الموضوع مش بيتحسب كده
الموضوع بيبقى عائد الشركة او ارباحها كام على استثمارات بكام ؟

طيب ممكن نبدا من نايل موتورز

ايييييييييه الحل؟؟؟؟؟؟؟؟
تفتكروا المقاطعة ممكن تجيب نتيجة

لو نقارن مثلا بين فودافون مصر وفودافون الكويت كم عدد المشتركين هنا وهناك

فودافون مصر تقريبا 30 مليون مشترك

فودافون الكويت كام مشترك لو الدوله كلها بقت فودافون 5 مليون مثلا؟
يبقى لازم تكون الكويت أغلى صح ولا إيه

ده لو كل مشترك في فودافون بيستهلك جنيه يوميا ب 30 مليون جنيه في اليوم

بياخدوا فلوس ومفيش جديد مسمعتش عن شركه منهم قالت انها بتطور شبكتها استعدادا للجيل الرابع

التطوير اللي انا شايفه فقط في الاعلانات زي اعلان 12 قرش بتاع فودافون
ياترى محمد منير خد كام مليون ولا سامي العدل ولا سمير غانم ولا رجاء الجداوي ولا سوسن بدر ولا كريمه مختار ولا فاروق الفيشاوي وابنه ياترى اعلان زي ده اتكلف كام مليون

ولا اعلان محمد منير اللي كان مع اتصالات اتكلف كام.

ده غير نظام منجز المعجزه من اتصالات اللي لازم يسرقك يعني هايسرقك

تشحن ب 25 تلاقي اتخصم منك 51 قرش تشبك نت تلاقي نفسك بتتحاسب الميجا ب25 قرش
طيب بتقول ماتشجن ب 30 والباقي خليه للشهر الجاي يخصم منه لا منجز بياكل اي رصيد بعد ماتخلص ال 200 ميجا مقابل 25 قرش لكل ميجا