لا اعتقد انها ضريبة من الحكومة
كل الحكاية الشركات مستخسرة تدينا اى خدمات مجانية
بيحاولوا يقلبونا فى اى حاجه قليلة أو كتيره
قلة أدب واسلوب غير محترم من شركات المفروض كبيرة ومحترمة
طبعا المصرية للاتصالات شيخ المنصر بتاعهم كلهم
عرض للطباعة
لا اعتقد انها ضريبة من الحكومة
كل الحكاية الشركات مستخسرة تدينا اى خدمات مجانية
بيحاولوا يقلبونا فى اى حاجه قليلة أو كتيره
قلة أدب واسلوب غير محترم من شركات المفروض كبيرة ومحترمة
طبعا المصرية للاتصالات شيخ المنصر بتاعهم كلهم
منقووووووووول من الفيس بوك
[img3]http://sphotos-h.ak.fbcdn.net/hphotos-ak-ash4/2016_422240064500413_1393140152_n.jpg[/img3]
عزيزى المهندس/ صالح عبد الله العبدولى- الرئيس التنفيذى والعضو المنتدب لشركة إتصالات مصر.
رئيس مجلس الإدارة:
المهندس/ جمال أنور السادات
نائب رئيس مجلس الإدارة:
...
المهندس/ علاء الدين محمد فهمى
الرئيس التنفيذى والعضو المنتدب:
المهندس / صلاح العبدولى
تحيه طيبه وبعد
نحيط علم سيادتكم ان الشعب المصرى قد ازال كل قيود العينين التى كانت تغيم عليه قبل ثوره 25 يناير الثوره قامت من اجل التخلص من المستبدين الذين يأخذون اكثر من حقوقهم كما تفعلون الأن مع عملائكم الكرام مرارآ وكنت البدايه بفرض ضريبه شهريه على العملاء وغيرها من غلاء فى التعريفه الخاصه ثم الغاء الخدمه المجانيه لمعرفه الرصيد وتحقيق رسوم 1 قرش عند كل مكالمه حقفلك تليفونى يوم 4|10\2012 علشان اعرفك انت تقدر تكسب منى كام وانا اقدر اخسرك كام
أنتوا عارفين أن أتصالات لحد هذه اللحظة مش بتحقق مكسب خالص !
---------------------------------------------------------
اللي أنا مستغربله رد فعل الناس لما وزير المالية كان يحط واحد قرش على كل مكالمة .
فيها أيه لما ندفع قرش لكل مكالمة لنساعد أقتصاد بلدنا ؟
انا عن نفسي ان كان الموضوع موضوع اقتصاد البلد وكل الكلام ده مش عندي مانع ادفع ويكون الموضوع معلن للكل ان شركات التليفونات تخصم كذا علشان كذا
ولكن عندي مليون مانع لما الاقي الشركات بتستهبل ولما شافتنا سكتنا لما عملوا حكايه ال 51 قرش دي فقعدوا يدوروا على ايه تاني يدخل جيوبهم
هما فعلا ماسكينا من ايدينا لان كلنا اعتمدنا على الموبايل في حياتنا وفي ناس مفيش عندها تليفون ارضي و سايبه خط محمول في البيت بدل منه
وعن نفسي هقفل التليفون بتاعي من بكره ان شاء الله
وهل هم لسه مطبقين الضريبة دي الايام دي؟
هما كانوا بيدفعوا قبل كده من غير ما يخصموا من حد كنوع من الدعايه ليهم
انا مش مقتنع بان كل شوية تظهر مصاريف اضافيه يتم خصمها
متوقع فى الفتره اللي جايه يصدقوا الاشاعه اللي كانت طلعت من زمان ان الرنات كمان هنتحاسب عليها
عايز تعرف لحد إمتى هيعملوا في الشعب كده
أقولك , لحد الشعب ما يبطل هبل ويبطل رغي عمال على بطال في الموبايلات
ولحد ما الشباب والبنات ما يبطلوا هبل ويخفّوا شويه من الرسائل والمكالمات ويجعلوها للضروره
ولحد الشعب كله ما يبطل هبل ويتعلم سياسة الإستهلاك ويتعلم إن الحياه فيها المهم فالأهم
ولحد ما نتعلم نقاطع المستغلين بدل ما ندعمهم بشراء منتجاتهم بهبل وبلا وعي وللأسف كل الكلام ده بينطلق على كل طوائف الشعب
فالله المستعان على كل مستغل وإنتهازي وكل من يتاجر بمقدرات الشعب
من أول الساسه لحد الطبيب والمهندس والمدرس والعامل والفلاح والبقال (حسبنا الله ونعم الوكيل)
كلام حضرتك صحبح بس - أسف - مش دقيق
هى لغاية دلوقتى مش بتوزع ارباح خالص مش ما بتكسبش
يعنى بتكسب وبتكسب كتير بس مش عاوزه توزع ارباح قبل تغطيه رأس المال
يعنى بمعنى بسيط انا عملت محل كلفته مليون جنيه وكل شهر باكسب 10 الاف جنيه صافى بعد كل حاجه بس المكسب ده مش بوزع منه تعريفه كربح لانى عاوز اجمع المليون الى دفعته الاول