متفق معاك جدااااااااااااااااااااا لازم وقفه بجد مع شركات المحمول لانهم بيستهبلوا بجد
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
[img3]http://img4.imageshack.us/img4/9911/71373497pm3.gif[/img3]
من مميزات اتصالات انك كنت تقدر تعرف الرصيد مجانا فى أى وقت ..
بدون سابق انذار لغوا هذه الميزه وعملوها بـ 5 قروش
من فترة كل شركات المحمول اتفقت علينا وفرضوا ضريبه شهرية 51 قرش
الخدمات المجانية ديه اللى كانت بتميز اتصالات عن باقى شركات المحمول
وشجعت ناس كتير تسيب فودافون وموبينيل ويروحوا لإتصالات متخيلين انها شركة محترمة
بتقدم خدمة محترمه للشعب المصرى
ودلوقتى جاتلى الرسالة الآتية بتاريخ اليوم 25-9-2012
....................
العرض المجاني لخدمة معرفة الرصيد بعد انتهاء المكالمة سينتهي بعد 5 أيام،سيخصم 1 قرش لكل رسالة . لإلغاء الخدمة ابعت SMS مجانية فيها رقم1 لـ 7310
....................
هوه ده عرض مجانى كنت مشترك فيه وانا مش واخد بالى !!!!
المبلغ قد يكون تافه ... بس حاجه تغيظ وتنرفز
الشركات ديه بتكسب ملايين يوميا
ومليارات سنويا من جيوب الشعب المصرى بكل طبقاته بلا استثناء
وتقريبا الشركات الوحيده التى لم تتأثر بسلبيات الثورة
بالعكس الناس هجمت بعد الثورة على خدمات الانترنت موبايل والمحمول
واستهلاكهم زاد
لما ساويرس عمل مشكلة الرسوم المسيئة بقصد أو بدون قصد
وحصلت حملات المقاطعة كلنا شجعنا الناس انها تحول اتصالات وتقاطع موبينيل
هوه ده رد الجميل !!!
ليه بيعملوا كده !!!
ولحد امتى الشركات هتفضل تتعامل مع المستهلك المصرى بالطريقة ديه !!!
رقم العضوية : 49520
تاريخ التسجيل : 11Oct2009
المشاركات : 6,024
النوع : ذكر
الاقامة : 6 اكتوبر
السيارة: كيا سيراتو 2010
السيارة[2]: دايو لانوس 2006
الحالة :
متفق معاك جدااااااااااااااااااااا لازم وقفه بجد مع شركات المحمول لانهم بيستهبلوا بجد
اللهم ارزقنى بر والدى
[SIGPIC][/SIGPIC]
رقم العضوية : 20556
تاريخ التسجيل : 29Sep2008
المشاركات : 1,038
النوع : ذكر
الاقامة : Cairo Sraya al Quba
السيارة: Subaru Impreza 1998
السيارة[2]: Toyota Corolla 2006
دراجة بخارية: SUBARU
الحالة :
والله يا باشا احنا اصلا من ارخص الدول العربية ان ماكنش ارخصهم في اسعار خدمات الموبيل.
وبالمناسبة شركات الاتصالات بتدفع ضرائب بالهبل والدولة بتكسب منهم كتير سواء كان في منح
الرخصة من الاول او من الضرائب وغيرة بعد كدا. يعني في النهاية بيعود علي الدولة " المواطن"
جزء مش بطال من ارباح الشركات دي. دا غير طبعا الشباب الكتير جدا ال بيشتغلوا في الشركات دي
ومرتباتهم محترمة أوي. يعني القرش دا مش هيفرق معاك في حاجة , دا انت لو دفعت قرش كل يوم
لمدة سنة هتعمل 360 قرش يعني كلام تافة. الاولي نشوف حل لمشكلة بلطجية الشوارع (السايس)
ال لو حسبت انت بتدفعلة كام في السنة مش هيقل عن 500 جنية!! ولا البقشيش الاجباري بتاع عامل
البنزينة, ولا ولا ولا. في حاجات كتير في البلد بيدفع فيها اكتر بكتييير بغير وجه حق. علي الاقل القرش
ال بتدفعة دا بتاخد بية خدمة ملموسة ومفيدة.
اللهم صلى على محمد وعلى آله وصحبه أجمعين
رقم العضوية : 128488
تاريخ التسجيل : 05Aug2012
المشاركات : 3,988
النوع : ذكر
الاقامة : ★ قسم تويوتا.★
السيارة: ♠ وشيخ الياباني حالياً ♠
السيارة[2]: ♥ عمدة تويوتا ♥ سابقاً
دراجة بخارية: ♥♥♥♥♥♥♥♥ ♡ ☜
الحالة :
بصراحة يابوحميد الموضوع مش قرش ولا قرشين ولا حتى ٥١ قرش الموضوع هو احساسي ان كل عروض التالت شركات وهمية ووهم بوهم ... ده حتى كان في رمضان صدعونا بعرض فودفون ١٢ قرش. وادمه ماماااااااا وقعت عليها اليفطة. وهوبا نطتت شركة اتصالات. وقالت الدقيقه ب ١١ قرش وفي النهاية اكتشف انو عرض رمضاني فققققققققط
انا مشترك في خدمت المحمول من ايام مكانت مصر فون. ايام مكان الخط ب ١٥٠٠ جنية .... ومع ذاك مش شايف اي خير في ولا شركة وكلوا. بيشفط وكلوا بيلهف .... ومن كتر نصبهم وسرقتهم خلوا الناس تمشي بتالت موبايلات وتيجي تكلم صاحبك تبتدي تنقي اه انا اتصالات خليني اكلم زميلي على نمرتوا اتصالات. وواحد فودافون يكلموا على خطوا الفودافون علشان يستفيد من العرض وهيا دي مهزلة بحد ذاتها.
في اكتر من انك تلاقي موبايلك صوتو بيقطع. تروح عند شركة الضمان بتاع المحمول يقلك ده شبكة وحشه .... تروح لشركة الاتصالات يقولك لا ده عيب محمول هههههه ويفضلوا يشحططوك من هنا ومن هنا. وفي النهاية العيب عيب مواطن ..
وعروض كلها سكلانس. بسكلانس .... والفساد وصل حد النخااااااااااااااااع
وباين زي الشمس. تقدر تقولي ليه. بيحطو شروط احتكاااااااار ولعب من ورى الطربيزة في مصر وتلاقي شركة تدفع للحكومة مبلغ ًكبيررررررر علشان تفتح في مصر وتيجي الحكومة تحط شروط انك ماتفتحيش غير في اليوم الفلاني فتقوم الشركة تحتكر خاصية ليها وتقول على شرط محدش يعمل الخاصية دي غيري وبعدين هما بعدي .... يعني من الاخر لعب بالتالت. ورقات وفلوس بتترمي من تحت الطربيزة ... كان نفسي الجهاز القومي لتنظيم الاتصالات في مصر. يحمي المواطن المصري. بس يخسارة اكتشفت ان وجودوا لحماية الشركات انهم ميقطعوش على بعض وسلملي على المواطن ...
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
يا أخى الحكاية مش حكاية قرش ولا مليم
أنا اشتريت خط اتصالات وتعاقدت معاهم على اساس انهم شركة محترمة وكان فيه مميزات كتير بيقدموها مجاناً وده اللى شجعنى اضحى بخط فودافون واروح لإتصالات
والخدمة كانت ممتازه والشبكة كانت قوية فى بيتى فى كل وقت
واحده واحده الخدمة ساءت جداً
لما بتجيلى مكالمة بقيت لازم اطلع فى البلكونة وايما انا سامع والطرف التانى مش سامع أو العكس
تكلمهم لا حياة لمن تنادى
وعلشان تقول كلمتين تضطر تعمل كذا مكالمه على ما الطرفين يسمعوا بعض كويس وطبعا كل مره هندفع قرش !!!
قرش هنا وقرش هناك وقرش فى موبايل المدام وقرش فى موبايل الواد
و 51 قرش فى كل موبايل
ولسه بكره هيخترعولنا اختراعات جديدة
كده عيب والله
خدمة النت كانت مميزه جدا فى اتصالات دلوقتى خابت
يعنى الخدمات بتسوء وأرباحهم بتزيد وفى نفس الوقت بيسحبوا مننا اى امتيازات ويفرضوا عليها رسوم بمزاجهم !!!!
وبيكسبوا مننا مليارات من الهوا
لحد امتى هنفضل نتلطع على قفانا ... من عقود الإذعان اللى بينا وبين اى جهة مقدمة خدمة
موضوع ان المكالمات فى مصر رخيصه
عليها مليون تحفظ
ولازم كل حاجه تقارن بمستوى الدخول فى مصر
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
معاكم حق والله
السبب فى جهاز النصب اللى اسمه جهاز تنظيم الاتصالات
وهو فى الأصل جهاز لتقسم السرقات من الشعب المصرى على الجهاز وعلى وزارة الاتصالات وعلى شركات المحمول
وملهوش اى دور ايجابى فى حماية المستهلك المصرى
عمالين نتسرق من المصرية للاتصالات
ومن شركات المحمول
ومن شركات النت
وغيرهم
ويبقى كل شيئ على ما هو عليه من فساد وسرقة واستهبال واستنطاع
وعليه العوض ومنه العوض
رقم العضوية : 25599
تاريخ التسجيل : 19Nov2008
المشاركات : 479
النوع : ذكر
الاقامة : cairo
السيارة: bmw ان شاء الله
السيارة[2]: Citroen xsara
دراجة بخارية: gh d,[]
الحالة :
نفس الرسالة جاتلي بس من موبينيل (عزيزنا العميل ابتداء من 28-9 تكلفة رسالة معرفة الرصيد 1 قرش للرسالة لمزيد من المعلومات كلم 300 مجانا) واضح انهم متفقين علينا
رقم العضوية : 33438
تاريخ التسجيل : 19Feb2009
المشاركات : 14,563
النوع : ذكر
الاقامة : استراليا
السيارة: None
السيارة[2]: Toyota Camry
دراجة بخارية: Harley-Davidson
الحالة :
رقم العضوية : 83574
تاريخ التسجيل : 15Dec2010
المشاركات : 1,534
النوع : ذكر
الاقامة : cairo
السيارة: O.VectraC- P.406II
السيارة[2]: S.Felicia- L.Dedra
دراجة بخارية: no
الحالة :
لا ضابط ولا رابط ولا مرفق قومي للإتصالات ولا غيره، واللي مكانش في دماغه حاجة يعملها بقى يعملها، وجميع الشركات مش الاتصالاات بس وتوكيلات العربيات وشركات الاستهبال العقاري قصدي الاستثمار العقاري، كلهم اتحدو على المواطن، والاستنزاف حتى آخر قطرة دم
ألا كل شئ ماخلا الله باطل وكل نعيم لا محالة زائل
رقم العضوية : 22704
تاريخ التسجيل : 20Oct2008
المشاركات : 6,911
النوع : ذكر
الاقامة : Alexandria-Sidi Bishr
السيارة: ربنا يسهل
السيارة[2]: Daweoo Lanos 1 model 99
دراجة بخارية: لا
الحالة :
كل الشركات عملت كده وغالبا السبب عشان رخامة كثير من الشعب المصري اللي بيحب يعمل الحاجه لمجرد انها ببلاش وده بيسبب ضغط كبير علي الشبكه من غير لزوم وقرشين مش هيعملو مشكله لكن بس عشان محدش يعملها الا اذا كان محتاجها فعلا
المفضلات