عرض للطباعة
باسمع صوت زى الصوصوه كده .. وهو مش مستمر لكن باسمعه بعد التحرك بالعربيه وعلى فترات وانا ماشى وعلى السرعات البطيئه وهو من العجله الأماميه اليمين ؟ صوت زى صوصوه عصفوره وهل يكون بلى العجله ... حد حصل معاه ده وياريت ايه كان السبب ولا فيه حاجه تانيه ... ياريت الرد للأهميه . :whtauwant:
نسيت اوضح ان العربيه سبرانزا 620 وعامله 50000 كم وشكرا .
حاول تركب حد فى المين وتخليه يبص على العجله ولو فيها رفرفه شمال ويمين وتيجى تاخد مصلا ملفات وتسمع الصوت ده وخشونه فى الجنب على السرعات العاليه تبقى احتمال كبير بليه
والبليه حاول تجبها من توكيل رومان بلى لان الاسف كل الى فى السوق مضروب غيرتها 4 مرات وكل مرة ب100 و120 وتططلع مش تقعد 4 شهور وفى الاخر جتب سورة كامله لعربيتى استيراد
هو صوت فقط دون اى تاثير سلبى اخر وبيكون واضح لى على السرعات الخفيفه ومش دايما يغنى ييجى ويختفى ... وشكرا لردك الكريم
اغسل العربيه كويس واغشل العجل بس خلى بالك من غير مسدس ميه لانى بيقضى على الاي بى اس بتاع الفرامل ورش اسبراى دبليو 4 وشوف ايه اللى هيحصل
شكرا لرد حضرتك ... وجارى التجربه فى اقرب وقت .
متابع علشان عندى نفس المشكلة بس العجلة الشمال 0
بالصدفه وانا بحط بنزين لقيت تاكسى اسبرنزا ورايه سالته على المشكله ديه قالى بتحصل كثير واوقات بتكون ان ماستر الفرامل مش مربوطه كويس او الحديده بتاعته معوضه بتحط بسيط تعمل صوت قولته شكرا فقولت اقولك الى قاله يمكن يفيد
شكرا جزيلا لاهتمام حضرتك وبرضوا جايز وعلى العموم حشوف ولما ا للسبب الحقيقى حشرحه للمعرفه .....
بص حضرتك غالبا هو كالاتى لانه حصل معايا مرتين وكان السبب معروف فى التوكيل وتم حله ببساطة جدا جدا (انا عربيتى ام11 جايز يكون ده يسرى على عربيتك ال 620)
صوت الصوصوة ده بيطلع من جرابات واير فرامل اليد (اللى انا لحد دلوقتى مش فاهم يعنى ايه بالظبط) لكن اشتكيت منه عند حوالى 3500 كم وتم التشحيم وراح الصوت ورجع تانى على حوالى 17000 كم وتم التشحيم وراح بردو
هو صوت بالظبط زى صوصوة العصفورة بيحصل على فترات وعلى السرعات البطيئة بس لكن متعرفش تحدد هو طالع منين بالظبط
اعتقد لو روحت التوكيل باذن الله يكون ده السبب ويتم حله بسهولة وللعلم هى شكوى معروفة لدى مهندسى التوكيل
شكرا لأهتمام حضرتك .
شكرا لرد حضرتك .
لسه ................. :top_posters:
مع خالص تحياتى .. وكل عام وحضراتكم بخير وعيد سعيد على الجميع بالفعل انا رحت للميكانيكى وكشف على العجل الأمامى وفك التيل ونظفه وخشنه بالسنفره على خفيف واعاد التركيب مره اخرى وانتهى الصوت المزعج وفضلت انتظر فتره من الإستخدام يمكن الصوت بتاع الصوصوه يرجع تانى قبل ماارد على الأعضاء والحمد لله الصوت مرجعش تانى ... يعنى هى كانت المشكله فى التيل بتاع الفرامل ... وشكرا لكل من قام بالرد على المشكله .