السعر الرسـمي لنيسـان صــني الجـديدة

نايل موتورز

كتب أحمد مصطفى منسق نيسان نايل موتورز


وفقا لمصادرنا لقسم نيسان نايل موتورز داخل مصنع نيسان ايجيبت وكل وكلائها وموزعيها الرسميين اسعار السيارة نيسان صنى الشكل الجديد لا تزال ثابتة ولم يطرأ عليها اى زيادة حيث ان سعر المانيوال 95.000 جنبهَا مصريًا وسعر الاوتوماتيك 100.000 جنيهًا مصريًا

http://www.nilemotors.com/wp-content...8475210545.jpg

وأى معلومات غير رسمية عن أى زيادة حالية فهى غير صحيحة وذلك لان نيسان إيجيبت لم تعلن حتى يومنا هذا عن أى زيادة فى الاسعار السيارة.

كما نوضح ان الاسعار التى تم ذكرها من الاعضاء والعملاء من تواصلهم مع المعارض الخاصة او الموزعين 104 ألف أو 105 ألف وأحيانا 106 الف .. هى اسعار غير صحيحة اطلاقا .. وكلها توقعات و”اوفر برايس” وليست اسعار رسمية من الوكيل الرسمى نيسان ايجيبت

تحياتى

شكرا على تأكيد السعر الرسمى

شكرا عالافادة ..

انا حاجز بالسعر الرسمي من 27/6 ولسه مستلمتش وشفتها من يومين في معرض في أسيوط اتوماتيك لون برونزي دخلت وسألت قالي 106 تاني يوم رحتله ملقتش العربيه وسألته عن العربيه قالي اتباعت وعاى فكره هي سعرها زاد رسمي وكلم واحد في التليفون قالوا السعر زاد .... طبعا انا مرضتش عليه ومعلقتش وسيبته ومشيت ... انا كنت رايح اخلص في العربيه على 102 او 103 علشان تأخير الاستلام الي ملوش حل من الشركة وكل شويه بيقولوا هنحل مشكله تأخير الاستلامات ومفيش اي حاجة بتحصل .... والله انا زهقت وبدات اكره العربيه ونفسي وقفت منها وبفكر اشتري مستعمل اي ماركة تانيه لانوا معروض عليا حاجات كتيير .. انا هستنى لأول 10 لاني مقدرش اصبر اكتر من كده من غير عربيه ...

انا كتبت الموضوع ده عشان اطمن الاعضاء اللى بيحجزوا حاليا .. وعشان الاسعار اللى بيسمعوها الاعضاء ومش معلنة رسميا ممكن تعمل بلبلة

وكلامى واضح عن الاسعار الرسمية مش الاوفر برايس ويسلمك حالا والكلام ده

واى حد بيسال عن سعر العربية دلوقتى فى الفترة دى من اى موزع معتمد وقاله اسعار زيادة وقاله دى الاسعار الرسمية وانها زادت ممكن يقدم شكوى فيه



لان زى ما وضحت فى الخبر ولما عرفت من داخل نيسان ايجيبت فى مصنع اكتوبر ان مفيش اى زيادة خالص

واذا فرضنا كاعضاء ان فى زيادة مستقبلا .. يبقا لازم نيسان ايجيبت تعلن عنها .. وكمان استحالة الاسعار توصل للاسعار اللى الاعضاء سمعوها

وبخصوص السوبر صالون عشان لو حد سالنى .. انا زي ما الناس بتسمع .. ان مرة حتنزل فى شهر 10 ومرة فى نص 10

بس خالينا نقول اللى منتظر السوبر صالون حتكون بعد العيد ..

وعشان اللخبطة دى مش بناكد المعلومة الا قبل طرح العربية بيومين .. عشان نيسان بتيجى على اخر لحظة وممكن تغير مواعيد طرح العربية او اى اضافات نازلة فيها

بس اغلب الاضافات اللى ذكرنا وجودها فى السوبر صالون فى هذا الموضوع

http://www.nilemotors.net/Nile/307396-a.html

حتنزل فيها باذن الله مع احتمال وجود كافر اشارات فى المرايا .. انا بقول احتمال .. مش باكد

واسعار السوبر صالون حتكون مفاجاءة بمعنى مفاجاءة باذن الله

واى معلومات اضافية فى الموضوع ده .. سامحونى مش حقدر اصرح بيها .. وفقا للامانة الملاقاة على عاتقى .. ووفقا لتغيرها فى اى لحظة .. عشان انتوا اتعودتوا معانا على المصدقية .. لان فى ناس بتقرا المعلومات وبتنتظر .. ولو انتظرت وفى حاجة من اللى قولنا عليها محصلتش اكيد طبعا وقتها حنفقد مصداقية قسم نيسان

تحياتى للجميع

طيب بدل ما ينتجوا السوبر صالون يوفوا الحجوزات والتسليمات الي متأخره للناس الي حاجزه !!!!!!!

اقتباس:

---

المشاركة الأصلية كتبت بواسطة ahmed452003

طيب بدل ما ينتجوا السوبر صالون يوفوا الحجوزات والتسليمات الي متأخره للناس الي حاجزه !!!!!!!

---

+111111111111
معاك جداً

وشكرا ع الافاده يا أ/أحمد

ويا ريت لو فيه أخبار عن التأخير فى تسليم الناس اللى حاجزه من زماااااااااااان وباعت عربياتها القديمه وصااااااااابره

شكرًا علي الإفادة يا باشا
انا شخصيا حاجز و واخد دور و مستني السوبر صالون علي احر من الجمر

يعنى ينفع احجز من دلوتى على السوبر صالون ولا لسه ؟

اقتباس:

---

المشاركة الأصلية كتبت بواسطة ahmed.tv

انا كتبت الموضوع ده عشان اطمن الاعضاء اللى بيحجزوا حاليا .. وعشان الاسعار اللى بيسمعوها الاعضاء ومش معلنة رسميا ممكن تعمل بلبلة

وكلامى واضح عن الاسعار الرسمية مش الاوفر برايس ويسلمك حالا والكلام ده

واى حد بيسال عن سعر العربية دلوقتى فى الفترة دى من اى موزع معتمد وقاله اسعار زيادة وقاله دى الاسعار الرسمية وانها زادت ممكن يقدم شكوى فيه



لان زى ما وضحت فى الخبر ولما عرفت من داخل نيسان ايجيبت فى مصنع اكتوبر ان مفيش اى زيادة خالص

واذا فرضنا كاعضاء ان فى زيادة مستقبلا .. يبقا لازم نيسان ايجيبت تعلن عنها .. وكمان استحالة الاسعار توصل للاسعار اللى الاعضاء سمعوها

وبخصوص السوبر صالون عشان لو حد سالنى .. انا زي ما الناس بتسمع .. ان مرة حتنزل فى شهر 10 ومرة فى نص 10

بس خالينا نقول اللى منتظر السوبر صالون حتكون بعد العيد ..

وعشان اللخبطة دى مش بناكد المعلومة الا قبل طرح العربية بيومين .. عشان نيسان بتيجى على اخر لحظة وممكن تغير مواعيد طرح العربية او اى اضافات نازلة فيها

بس اغلب الاضافات اللى ذكرنا وجودها فى السوبر صالون فى هذا الموضوع

http://www.nilemotors.net/nile/307396-a.html

حتنزل فيها باذن الله مع احتمال وجود كافر اشارات فى المرايا .. انا بقول احتمال .. مش باكد

واسعار السوبر صالون حتكون مفاجاءة بمعنى مفاجاءة باذن الله

واى معلومات اضافية فى الموضوع ده .. سامحونى مش حقدر اصرح بيها .. وفقا للامانة الملاقاة على عاتقى .. ووفقا لتغيرها فى اى لحظة .. عشان انتوا اتعودتوا معانا على المصدقية .. لان فى ناس بتقرا المعلومات وبتنتظر .. ولو انتظرت وفى حاجة من اللى قولنا عليها محصلتش اكيد طبعا وقتها حنفقد مصداقية قسم نيسان

تحياتى للجميع

---

برنس والله جبت من الاخر

بس العيب مش علي المعارض اللي بتبيع ب اوفر برايس العيب علي بعض المصريين للاسف اللي بيساعدوهم و بيشتروا بالسعر الزيادة !!!

جزاك الله خيرا ..

شاكر تقدير الاعضاء
ان شاء الله ميمكنش فى تاخير فى استلام العربيات الاى اكس
ويمكن عشان كدا بياخوا طرح السوبر صالون عشان يكونوا غطوا الحجوزات المتاخرة
وكمان تانى وتالت ومليون وقولته قبل كدا . . كل تاخيرة وفيها خيرة .. ولازم الناس تصبر ده خط انتاج جديد
بدل ما السرعة تيجى بتقفيل مش كويس ويجى العميل يزعل

اهم ابتدوا يحطوا ايدهم على العربية والتقفيل والدفعات الجديدة ميكنش فيها تزيق ولا مشكلة
وكمان بردوا مع التاخير جاب خير والبطاريات اتغيرت الى جافة .. يعنى خير .. فكل تاخيرة وفيها خيرة يا شباب
وقلبى معاكم .. وبقولكم ده لمصلحتكم والله

الله ينور يا احمد علي اخبارك الحصرية .. شكرا يا جميل