أنا قصدى ال ECU
عرض للطباعة
السلام عليكم جميعا
شكرا أستاذ توت وأستاذ مرموش على اهتمامكم وردكم ولكن أنا هزهأكم شويتين,
دلوقتى أنا مندهش من كم الأعطال المختلفه والعبيطه فى نفس الوقت وتقريبا معظم كماليات العربيه ظهر فيها مشاكل مع ناس مختلفه يعنى معنى كده ان مفيش ستاندرد معين لكل شيء ولا إختبارات جوده , انا مازلت عند حبى للعربيه بس انا خايف اجيبها من هنا وكل يومين أضطر أروح التوكيل عشان عطل عبيط لحد ما العربيه تتظبط, يمكن ملكمش ذنب فى حيرتى بس ياريت تفيدونى بأرائكم وشكرا لمساعدتكم.
الف مبروك اخى مرموش ويا ريت تقولنا انطباعك عن الاتوماتيك بتاعها
ربنا يديك خيرها ويكفيك شرها يارب
بص ياسيدى هوه عادى مش سريع ولا بطيء و ميضايقش جوه البلد لوسواقتك عاديه مش غاوى شد وجرى. طبعا مفهمتنيش :confused::confused:
حقارنها بعربيه تانيه عشان تبقى متخيل لأن الموضوع ده نسبى
جوه البلد على سرعات لغاية 70-80 مع التكييف
أحسن من اللانسر 1300 بكتيير و تقريبا زى الكورولا 1300 (الأتنين أوتوماتيك)
بره البلد على سرعات فوق اال 100 (مش فارقه بتكييف و لا لأ)
أحسن بكتييييييير من اللانسر 1300 (مفيش مقارنه) و أحسن من الكورولا خصوصا بعد ال120
بالنسبه للشد و القرص على الموتور فراجع الموضوع السابق الخاص بالشد مع اللانسر 1600
الف شكر يا استاذ مرموش وجزاك الله خيرا على الاجابه بس هتعبك فى سؤال تانى
ممكن طيب تكلمنا بقا على الاتساع الداخلى بتاعها والشنطه كمان وهل ببتاثر بالحموله الكامله فى مشيها
يعنى لما يكون راكب ثلاثه وراه وواحد بجوار السائق هل بتتاثر فى وسط البلد او على السريع بالاحمال
وكمان معدل استهلاك الاتوماتيك للبنزين جوه البلد وعلى السريع فى ظروف السواقه المختلفه الهادئه والقرص وكدة يعنى بالتكييف ومن غير التكييف
وانا اسف بتعبك معايا
الف شكر
شنطتها 370 لتر زى الأفيو و النيو أكسنت بالظبط ومعقوله (يعنى مش صغيره خالص زى الهاتشباك)
أكيد بتتأثر بالحموله بس زى ماقولت ده موضوع نسبى بس لو قيتها تقيله وللا حاجه أبقى سقط نقله يا سيدى و حتلاقيها طيران (نادرا ماتحاج كده لو سواقتك عاديه- أنا حاسس أن الكلام عايم لأنه نسبى)
أستهلاكها بعد 4000كم فرق عن قبل كده مش عارف بسبب البنزين ولا حاجه تانيه (اتحسن طبعا)
حوالى 220من غير تكييف-190 بالتكييف جوه البلد و على السريع 280
الف شكر وربنا يباركلك فيها يارب
لوتس و بروتون فقط
سؤال لوسمحتوا اعذروني فيه
مش جين 2 ماليزي
وبروتون ماليزي
ولوتس دي ايه
ياريت تصصحوا ليا معلوماتي
لوتس شركة انجليزية لسيارات رياضية بحتة ومتخصصة فى هندسة المواتير الرياضية ..بروتون اشترت الاول حصة فيها اقل من 50% وبعد كدة كملتها لتصل فوق 90 % فصبحت تملكها ومن هنا تعاونو فى انتاج الوجا والجين 2 والماتور الكامبرو
:surprise:
ارجو ان اكون افدت
سبحان الذى سخر لنا هذا وماكنا لة مقرنين وانا الى ربنا لمنقلبون
:3gears:
كنت عايز أضيف أن الباور بتاعها مش ناعم زى الكورولا بس مش عايز حد يفهم من كده أنه وحش :huh:
حجزتهاااااااااااااااااااا ااااااااااااااااااااااااا اااااااااااااااااااا
السلام عليكم ورحمة الله وبركاته
إمبارح رحت حجزتها أوتو وان شاء الله هستلم فى الدفعه اللى جايه هما بيقولو على 20/8 كده فربنا يسهل
عايز بقا أعرف هيا بييجى معاها ايه ؟ يعنى طفاية حريق واللا لأ وعده واللا لأ انا لما شفتها ملقيتش فيها غير الإستبن والكوريك
طفاية حريق ......... ده أنت طيب قوي
اللي بييجي معاه هو الآتي
1- كاوتش أحتياطي
2- الكوريك
3- عدد 5 قطع موكيت كدواسات
4- كيس بلاستيك به بعض المفكات و عدة بسيطة
5 - آريال الراديو
6- عدد 4 غطيان عليهم علامة بروتون لتغطية الجنوط
7 - الكتالوج و كتيب الضمان و كتالوج السي دي في شنطة بلاستيك تشبه الأكلاسير و شكلها جيد التصميم و لونها أسود
و لو أفتكرت حاجة تانية هاقولهالك
و ألف مبروك و عقبال الإستلام إن شاء الله
الباور الناعم قوي ده .............. نقمة على السرعات العالية
و باور العربيات الرياضية بيبقى متوسط و ده مقصود لسهولة التحكم في السيارة على السرعات العالية
و الباور مش ناشف و لا حاجة
مناسب جدا
أنا بحس بفرق كبير بينه و بين باور البونتو
البونتو باور ميه
بس مش كويس على السرعات العالية
و محدش يفهم إن باور البونتو وحش
بس بعد مقارنته بالجين 2
يبقى بتاع البونتو ........ أحسن في الركن
بتاع الجين 2 ........ ممتاز على طول
في الركن كويس و معقول و على السرعات العالية
متزن و ممتاز
شكرا يا باشا
تقصد يعنى فوارق الكبوت والشنطه والإكصدام وكده ؟؟
دول ان شاء الله هتمعن فيهم أوى وربنا يستر بس ويكون حظى فى العربيه حلو متكونش فراىداى كار
السلام عليكم إخوانى الأحباء
فى واحد فى التوكيل كلمنى إسمو نذير لو حد يعرفه المهم انو قاللى ان فى عربيه نفس اللون اللى انا حاجزه وقاللى تعالى شوفها , رحت شفتها بس لقيت الشنطه مفارقه من الجنب الشمال عن اليمين.
شفت كل العربيات اللى هناك لقيت عربيات فيها وعربيات لأ, فنا هستنى يومين تلاته كده لما تنزل تانى هوا قاللى بالكتير على الأتنين الجاى بس انا عايز اعرف الفوارق دى عند حد أو التوكيل بيظبطها و لو بتاع يوم الاتنين دى برضو فيها فوارق أستنى تانى والا ايه ؟؟؟؟؟؟؟ بس انا لاحظت ان الدفعه دى من 2008 من جوا أحسن , أحسن حتى من اللى شفتها من شهر لما رحت اتفرج أول مره.
ااااااااااااااااااسف على الإطاله
والله الدفعة ديه أحسن من جوه فعلا بس برضك ممكن تلاقي بعض التركات البسيطة جدا أأنا عارف نذير ده في فرع م.نصر فعلا في أزم في العربيات كلها محجوزة تقريبا أنا برضك لقيت عيب في الباركينك سنسولا بس قال لي ما فييش عربيات تانية أستنه الدفعة الجديدة لو قلقان بس هوه بيقول إن ديه حاجة بسيطة جدا
وأنا بعينها من جوه لقيت كلبس مش متشبط كويس تحت الدركسيون بس أنا أتعملت وشبطة وبقى ذي الفل
وبالنسبة للفوارق أنا ملحظتهاش بس ممكن لما أروح أستلمها تاني هشوفها وأقلك
ربنا يسهلنا الحال
مبروك عليك العربيه
:chef:ياريت يا أستاذ زيزو وانا كمان لما أروح هبقى اقوللك على الأخبار.
شكرا أستاذ M_HaFeZ والله يبارك فيك, والا انت مش بتباركلى :chef: