عاندي تيدا 2011 و معا السواقه لفترة طويله بلاقي في سخونيه جامده من عند دواسة السواق جايه من ناحية الموتور و البلاستيك اللي حولين و تحت الفتيس سخن
انا مش عارفه ده ممكن يكون سببه ايه
ارجوكم افيدوني و لو حد عندو نفس المشكله يقولي عمل فيها ايه
عرض للطباعة
عاندي تيدا 2011 و معا السواقه لفترة طويله بلاقي في سخونيه جامده من عند دواسة السواق جايه من ناحية الموتور و البلاستيك اللي حولين و تحت الفتيس سخن
انا مش عارفه ده ممكن يكون سببه ايه
ارجوكم افيدوني و لو حد عندو نفس المشكله يقولي عمل فيها ايه
متابع باهتمام
بإذن الله دي مش مشكلة نهائي
دي حاجة طبيعية جدا .. لأنك مش قافلة فتحة دخول الهواء من الخارج
في زرار عند التكييف عليه سهم ملفوف .. لو ضغطي عليه هيقفل فتحة التهوية الخارجية وهيخلي التكييف يعيد استخدام الهواء الداخلي مرة أخرى .. ويمنع دخول الهواء اللي بيبقى سخن لأنه جاي من عند الموتور وخصوصا مع السواقة الطويلة
جربي وطمنينا
انا فعلا عملت كده و كل اللي حصل ان الدواسه اللي جنب السواق بقت كويسه بس لسه من عند السواق في سخونيه لدرجة ان البلاستيك اللي حول الفتيس و تحته سجن
كده تبقى عايزة زيارة للتوكيل للاطمئنان
اتعرض لنفس المشكله للاسف الشديد
سخونه غير طبيعيه بالمره من عند منطقه صدر العربيه
والكونسول اسفل الفتيس و الهاند
سخونه غير طبيعيه لا تحتمل
سألت كذا مره بره التوكيل , الناس اجمعوا ان المشكله فى الغالب سببها علبه البيئه او علبه الفرن ف الشكمان
ممكن يكونوا مكتومين ومحتاجين تنظيف وف ناس قالتلى لازم يتغيروا
مستنى اعمل زياره التوكيل علشان اشوف ايه الحل السليم
تحياتى لك
لو سخونيه البلاستيك اللي حوالين الفتيس مش جامده قوي
يعني البلاستيك بيكون دافي بس مش سخن يبقى عادي
والسخونيه اللي من تحت الدواسه برضو عادي
لانها كانت عندي ولما روحت التوكيل قالوا ده عادي ولما ابديت اعتراضي كل اللي عملوه انهم فكوا البلاستيك ده وحطوا وراه لباد عازل للحراره لكن ما فرقش كتير
وانا كل اللي عملته اني بعد ما رجعت من التوكيل فكيت البلاستيك ده ووزعت اللباد بشكل مختلف شويه عشان احاول امنع اكبر قدر من الحراره
والموضوع ما لوش دعوة بهوايات التكييف
الفكرة ان العزل الحراري في المنطقه دي مش كويس