حصريا ً :: تقرير قنبلة عن صيانة 40000 كيلو لنيسان صني بأوتوايجيبت

تقرير صيانة 40000 كيلو بتوكيل نيسان اوتوايجيبت

http://img703.imageshack.us/img703/2068/nissano.jpg

توكيل نيسان أوتوايجيبت بأبوراوش
العربية : نيسان صني موديل 2009 اوتوماتيك

http://img651.imageshack.us/img651/1...ntation1wr.jpg

فكرة عن صيانة الـ 40000 كيلو :

بيتغير في الصيانة :: طقم سيور - بوجيهات - زيت الباور - زيت فتيس - زيت الموتور - فلتر زيت - مياه الردياتير - فلتر الهواء - فلتر تكييف و طبعا ً تربيط العفشة.

عرض خصومات توكيل أوتوايجيبت لقسم نيسان نايل موتورز

الفترة الثانية من 1-6-2012 و حتي 30-11-2012

· 10 % على قطع الغيار
· 15 % على اعمال المصنعية والتركيب
· 20 % على اعمال السمكرة والدهان

@@@@@@@@@@@@@@@@@@@@@@@@

في البداية وصلت توكيل اوتوايجيبت ابورواش في تمام الساعة 9.30 صباحا ً و تم استلام العربية في تمام الساعة 10.00 كما حجزت بإستقبال المهندس الخلوق / محمد رفاعي و شرح لي بما سيفعل بالصيانة بالكامل و قال ان الصيانة هتاخد حوالي 4 ساعات او اقل و حددت للمهندس المشاكل اللي مقبلاني في العربية و هي دربكة في العفشة الامامية و كنت شاكك في كاوتشة الترابة و فعلا طلع شكي في محله .. فقام المهندس باستلام العربية و قدمت له ورقة بملاحظاتي عند الصيانة مع لصقها بالعربية من الداخل لأنتباه الفنيين .

http://img31.imageshack.us/img31/1539/63342129.jpg

ما تم شراؤه من خارج التوكيل

قمت بشراء الزيوت "فالفولين" في اغسطس للاستفادة من خصم 10% بمناسبة شهر رمضان



- زيت موتور فالفولين SYNpower 5w-30 = بـ 243 جنيه عدد 3 عبوات 1 لتر

http://img38.imageshack.us/img38/866...sl500aa300.jpg

- زيت فتيس اوتوماتيك فالفولين MaxLife ATF = بـ 270 جنيه عدد 4 عبوات 1 لتر

http://img24.imageshack.us/img24/991...7912783174.jpg

!! في ناس هتسأل ليه جبت زيت فتيس غالي العبوة بـ 75 جنيه بتاعة العربيات اللي بتعدي 100000 كيلو رغم ان في DEX عامل 45 جنيه ؟؟

هقول لكم اني عملت بالعربية 40000 كيلو في خلال 3 سنين و تسعة اشهر و لاقيت ان خصائص الزيت MaxLife افضل بكثير للحفاظ علي الفتيس و هو بيكون طبقة للحماية في درجات الحرارة العاليه و كمان بيطول عمر الفتيس لأن استخدامي للعربية داخل المدينة اكثر من خارجها




- زيت باور تويوتا ياباني = بـ 60 جنيه عبوة 1 لتر مأخدوش منها غير حوالي ربع ليتر :)

http://img819.imageshack.us/img819/908/dsc01120eg.jpg

قطع غيار لن يتم تغييرها بالصيانة

البوجيهات : تم تغييرها من فترة بسيطة مع تنظيف بوابات البنزين ولا داعي لتغييرهم بالصيانة
فلتر الهواء : تم تركيب فلتر هواء K&N و ده بيبقي مدي الحياه في العربية
فلتر التكييف : تم شراؤه من السعودية "د.يوسف عوض" و تم تركيبه قبل الصيانة

@@@@@@@@@@@@@@@@@@@@

ما تم شراؤة للصيانة داخل التوكيل

- مجموعة السيور = 262 جنيه

http://img821.imageshack.us/img821/7852/dsc01137ks.jpg

- مياه الريدياتير توتال 6 لتر = 77جنيه

http://img706.imageshack.us/img706/8974/dsc01138ea.jpg

- فلتر زيت = 50 جنيه
- كاوتشة تراب عدد 2 = 136.50 جنيه
- غسيل العربية و الموتور بالفوم = 40 جنيه

المصنعيـــــــــات

300 جنيه = مصنعيات التركيب لصيانة 40000 كيلو

127.50 جنيه = مصنعية تركيب كاوتشات الترابة

إجمالي المصنعيات و قطع الغيار قبل خصم نايل موتورز = 1110.00 جنيه
إجمالي المصنعيات و قطع الغيار بعد خصم نايل موتورز = 991.00 جنيه

- كده ممكن نقول ان الصيانة عملت حوالي = 1300 جنيه بدون ثمن كاوتشات الترابة بمصنعيتهم ....

------------------------------------------------

طبعا ً في نهاية الصيانة قام المهندس بإعطائي تقرير وافي عن العربية و ما تحتاجه في الصيانة القادمة ..

أرجو يكون التقرير عجبكوا

بيشوي PeaceMan
المنسق المساعد لقسم نيسان
نايل موتورز

@@@@@@@@

الله ينور يا عم الحج ..

حلوة ورقة الملاحظات ديه .. قال ايييييييه هيسمعوووووووو الكلام ههههههههههههه .. يا عم ارحمنا بقى :*

الف مبروك ياباشا وعقبال صيانة المليون

الله ينور. تقرير فوق الممتاز

استفسار سريع، هوا انت ليه قولتلهم ميشغلوش التكيف مهما كان السبب؟

الف مبروك الصيانة يا استاذ بيشوي وعقبال صيانة المليون
وشكرا على التقرير الوافي

خيانـــــــــــــــــــــ ــــــــــة :untitled 1:،
مش انا قلتلك لما تنوى تروح تقولى وابقى اروح معاك انا كمان.
طب بلاش دى، تيجى هنا جنبى ومعرفش حتى اعدى واسلم!:crying2:

الف مبروك
و عقال صيانة ١٠٠.٠٠٠ كم

الف مبروك يا بيشو

يا ريت تقول لي ايه رايك في الصيانه لاني ان شاء الله رايح الاسبوع الجاي وبصراحه ما عجبتنيش اخر صيانه عملوها

الف مبروك الصيانة وعقبال صيانه المليون

مبروك يا بيشوووووووو .. قولى اخبار الزيت القديم كان ايه
انا عرفت من المهندس هناك .. ان مش مهم لون الزيت ايه وانت بتنزله .. المهم ميكنش فى رايش نزل معاه .. عشان التاكل .. لان ده اهم حاجة فى موضوع الزيت

تحياتى

1000 مبروك يا زعيم وعقبال صيانة ال400 الف كم ..
وبينى وبينك انا عملت زيك بالظبط فى اخر صيانة 65.000 وعلقت ورقة على زجاج العربية الامامى وحاسس ان قلتها أحسن على رأى AhmedZong .. والله اعلم
ملاحظات
1. عن زيت الباور .. ليه استخدموا ربع لتر فقط .. عندى استخدموا نصف لتر تقريبا وهو تغيير زيت الخزينة فقط
2. فين انطباعاتك عن العربية بعد الصيانة (اداء العفشة - الفتيس - المحرك - الباور)
3. حالة السيور القديمة اخبارها ايه ؟ لأنى لما غيرتهم فى ال40 الف برضه وبعدها باسبوعين روحت فحص مجانى فى مودرن شبين عندك .. قالى حرام انت غيرتهم ليه وهما سلام اصلا فلوس ع الفاضى مع العلم انى عملت 40 الف كم فى سنة واحدة مش 3 سنين يا بيشو !!!

بيشوى
مبروك الصيانة
مياة الرديايتير عايز اعرف بس التوتال لونها احمر واللى كان عندك لون تانى

الف مبروك على الصيانه يا باشا. اعتقد مدى التزامهم بالورقة بيعتمد على عدد العملاء. لو العدد قليل فى امل لكن لو الدنيا زحمه بيبقوا عايزين ينجزوا بس انا باشجع الفكره بصراحه اهو على الاقل الواحد يبقى عمل اللى عليه :Copy of m-s5:

مبروك على صيانة 40000 وعقبال 400000

الف مبروك و عقبال صيانة المليون
بالنسبه لفلتر الهوا الكى اند ان لازم ايدك فيه باستمرار يعني تصونه كل ٥٠٠٠ كم بالكتير بالسوايل المخصوصه بتاعته عشان فيه ناس بتغسله بالصابون و تعمله بزيت باور و الاداء بيضعف

على ما اعتقد انك كنت بتحط ليكوي مولي ياترى ايه اللي خلاك تغير لفالفولين ؟
وهل فيه فرق في الاداء؟

اقتباس:

---

المشاركة الأصلية كتبت بواسطة ahmazong

الله ينور يا عم الحج ..

حلوة ورقة الملاحظات ديه .. قال ايييييييه هيسمعوووووووو الكلام ههههههههههههه .. يا عم ارحمنا بقى :*

---

هو انت ياض لازم مشاركتك تبقي فيها شوية لزاجة .. مفيش فايدة فيك :))))))))
علي فكرة سمعوا الكلام و مشيوا زي ما الورقة مكتوبة p:

اقتباس:

---

المشاركة الأصلية كتبت بواسطة m.a.h

الله ينور. تقرير فوق الممتاز

استفسار سريع، هوا انت ليه قولتلهم ميشغلوش التكيف مهما كان السبب؟

---

متشكر يا باشا
انا قولتلهم كده لأن ساعات بلاقي الفنيين في بعض التوكيلات يقوم مشغل التكييف طول ماهم في العربية لما بيجي ينقلها بين الورش و كمان لما يجي يسلمها للمهندس و بعرف ده من مؤشر البنزين لما بلاقيه قل عن الوضع الطبيعي بعرف ان التكييف اشتغل فترة كبيرة و غير كده مش بحب اللعب في التكييف خصوصا انه مظبوط علي ظبطة المصنع و انا طلبت كده عشان يكون تشغيله في فترة الصيانة للتكييف فقط لا غير و المهندس فعلا كمل علي الملحوظة انه يشتغل فترة الصياة فقط

اقتباس:

---

المشاركة الأصلية كتبت بواسطة ahmed_rahem

خيانـــــــــــــــــــــ ــــــــــة :untitled 1:،
مش انا قلتلك لما تنوى تروح تقولى وابقى اروح معاك انا كمان.
طب بلاش دى، تيجى هنا جنبى ومعرفش حتى اعدى واسلم!:crying2:

---

معلش يا احمد دي كده عندك حق و ليك حق عرب كمان :))))) و علي العموم ياريت اشوفك في مقابلة رأس سدر ان شاء الله .. متشكر يا جميل علي محبتك الغالية

اقتباس:

---

المشاركة الأصلية كتبت بواسطة bassamhafez

الف مبروك يا بيشو

يا ريت تقول لي ايه رايك في الصيانه لاني ان شاء الله رايح الاسبوع الجاي وبصراحه ما عجبتنيش اخر صيانه عملوها

---

الله يبارك فيك يا جميل ..
لأ الصيانة تمام يا بسام و فعلا اتعملت 100%

اقتباس:

---

المشاركة الأصلية كتبت بواسطة ahmed.tv

مبروك يا بيشوووووووو .. قولى اخبار الزيت القديم كان ايه
انا عرفت من المهندس هناك .. ان مش مهم لون الزيت ايه وانت بتنزله .. المهم ميكنش فى رايش نزل معاه .. عشان التاكل .. لان ده اهم حاجة فى موضوع الزيت

تحياتى

---

الله يبارك فيك يا ابوحميد ..
بص انا بحب امشي زي ما الكتاب بيقول بالظبط يعني الزيت يقعد في العربية 10000 كيلو او سنة واحدة فقط يبقي هو ده الصواب حتي لو ممشيتش بالعربية السنة ديه لأن بصراحة ده بيحافظ علي العربية بقدر الامكان
زي بالظبط لما لاقيت عربية في التوكيل موديل 2008 و عامله 400000 كيلو و لما سالتهم قالوا لي ان العربية ديه منتظمة في جميع صيانات الـ 10000 كيلو و لم يفتح الموتور بتاتا ً .. فأنا بعمل زي الكتاب ما بيقول

اقتباس:

---

المشاركة الأصلية كتبت بواسطة youssef.awad

1000 مبروك يا زعيم وعقبال صيانة ال400 الف كم ..
وبينى وبينك انا عملت زيك بالظبط فى اخر صيانة 65.000 وعلقت ورقة على زجاج العربية الامامى وحاسس ان قلتها أحسن على رأى ahmedzong .. والله اعلم

لأ يا يوسف .. الورقة مهمة و فعلا التزموا بيها لأني بعرف اذا كان فعلا عملوا بيها من عدمه

ملاحظات
1. عن زيت الباور .. ليه استخدموا ربع لتر فقط .. عندى استخدموا نصف لتر تقريبا وهو تغيير زيت الخزينة فقط

صدقني مش عارف يا يوسف هو انا شيلت العلبة و حاسس انهم مأخدوش منها كتير لكن يمكن يكون عدي الربع

2. فين انطباعاتك عن العربية بعد الصيانة (اداء العفشة - الفتيس - المحرك - الباور)

العفشة ادئها بقي افضل طبعا و انعم
اما الفتيس و المحرك .. كان صوت الموتور عالي شوية لما جيت ادورها في التوكيل انما لما وصلت البيت بعد سفر من التوكيل لاقيت صوت الموتور بقي ناعم و هادي و بالنسبة للفتيس النقلات بقت معقولة جدا عن الاول
بالنسبة للباور محسيتش بفرق جوهري

3. حالة السيور القديمة اخبارها ايه ؟ لأنى لما غيرتهم فى ال40 الف برضه وبعدها باسبوعين روحت فحص مجانى فى مودرن شبين عندك .. قالى حرام انت غيرتهم ليه وهما سلام اصلا فلوس ع الفاضى مع العلم انى عملت 40 الف كم فى سنة واحدة مش 3 سنين يا بيشو !!!

دي الصيانة ديه بعد 3 سنين و 8 شهور كمان يا يوسف :)))))
بالنسبة للسيور انا مصورها في التقرير بس انا مش عارف الحالة لكن هما شكلهم فيهم زي شبه تأكل بسيط بالملي في مناطق كتير

---

اقتباس:

---

المشاركة الأصلية كتبت بواسطة a.saad

بيشوى
مبروك الصيانة
مياة الرديايتير عايز اعرف بس التوتال لونها احمر واللى كان عندك لون تانى

---

الله يبارك فيك يا احمد متشكر :)
مياه الردياتير توتال لونه معايا برتقالي مش احمر و انا شايفه علي النت برده برتقالي

اقتباس:

---

المشاركة الأصلية كتبت بواسطة land_cruiser

الف مبروك على الصيانه يا باشا. اعتقد مدى التزامهم بالورقة بيعتمد على عدد العملاء. لو العدد قليل فى امل لكن لو الدنيا زحمه بيبقوا عايزين ينجزوا بس انا باشجع الفكره بصراحه اهو على الاقل الواحد يبقى عمل اللى عليه :copy of m-s5:

---

الله يبارك فيك .. متشكر يا باشا :))
انا موضوع الورقة ده بعمله كل صيانة و شايف انها مهمة خصوصا ان الملاحظات عن الكاوتش بالنيتروجين و غلق النوافذ مش حاجه هتقلقهم يعني :))

اقتباس:

---

المشاركة الأصلية كتبت بواسطة hany63

الف مبروك و عقبال صيانة المليون
بالنسبه لفلتر الهوا الكى اند ان لازم ايدك فيه باستمرار يعني تصونه كل ٥٠٠٠ كم بالكتير بالسوايل المخصوصه بتاعته عشان فيه ناس بتغسله بالصابون و تعمله بزيت باور و الاداء بيضعف

---

الله يبارك فيك يا هاني ..
متشكر جدا علي النصيحة و فعلا انا بلتزم بتنظيفه كل 5000 كيلو .. و بغسله بسائل و زيت مخصص له من k&n

اقتباس:

---

المشاركة الأصلية كتبت بواسطة hany63

على ما اعتقد انك كنت بتحط ليكوي مولي ياترى ايه اللي خلاك تغير لفالفولين ؟
وهل فيه فرق في الاداء؟

---

لن و لم اتنازل عن فالفولين :))))) .. انا علي طول بحط فالفولين حتي كمان زيت الفتيس حطيته فالفولين

مبارك عليك الصيانة يا بيشو
وتعيش وتصيّن

الف مبروك و عقبال صيانه ال 1000000 كم

مبروووووووووووووووووووووو وووووووووك و عقبال صيانه المليوووون

اقتباس:

---

المشاركة الأصلية كتبت بواسطة sedyrohy

مبروووووووووووووووووووووو وووووووووك و عقبال صيانه المليوووون

---

الله يبارك فيك يا محمد .. فينك يا عم و فين تقاريرك الجامدة

الف مبروك علي الصيانه بس لو سمحت كنت عايز اسأل اوتوايجيبت فيها ضبط زوايا ولا لا ولو فيها اخبارها ايه عندهم

مبروووووووووووووووووووك وعقبال صيانه 10000000000000000 الف ..... فى ملحوظه كدة هو الزيت الفتيس الى التوكيل بيستخدمه نوعه ايه

الف مبروك يا باشا ..

اقتباس:

---

المشاركة الأصلية كتبت بواسطة ahmedya1976

الف مبروك علي الصيانه بس لو سمحت كنت عايز اسأل اوتوايجيبت فيها ضبط زوايا ولا لا ولو فيها اخبارها ايه عندهم

---

الله يبارك فيك يا باشا ... متشكر ... انا مش عارف .. بس هسأل لك اذا كان في ضبط زوايا من عدمه

اقتباس:

---

المشاركة الأصلية كتبت بواسطة masterzmind

مبروووووووووووووووووووك وعقبال صيانه 10000000000000000 الف ..... فى ملحوظه كدة هو الزيت الفتيس الى التوكيل بيستخدمه نوعه ايه

---

الله يبارك فيك يا باشا .. شكرا جزيلا .. زيت الفتيس اللي بيستخدمه اوتوايجيبت هو توتال

اقتباس:

---

المشاركة الأصلية كتبت بواسطة s o p h o s

الف مبروك يا باشا ..

---

الله يبارك فيك يا باشا .. شكرا جزيلا

ربنا يباركلك فى العربية يا بيشو
تقرير جميل كالعادة

سؤال كنت ناسيه و الحمد لله افتكرته !

جاوب بقى يا سيدي !

صحيح أنت لييه مغيرتش زيت الفرامل مش المفروض كل 40 ألف أو سنتين ايهما اقرب !

ولا أنا غلطان :)

اقتباس:

---

المشاركة الأصلية كتبت بواسطة tiger76

ربنا يباركلك فى العربية يا بيشو
تقرير جميل كالعادة

---

متشكر يا جميل .. علي محبتك الغالية

اقتباس:

---

المشاركة الأصلية كتبت بواسطة ahmazong

سؤال كنت ناسيه و الحمد لله افتكرته !

جاوب بقى يا سيدي !

صحيح أنت لييه مغيرتش زيت الفرامل مش المفروض كل 40 ألف أو سنتين ايهما اقرب !

ولا أنا غلطان :)

---

يا واد يا لماح انت .. فعلا تم تغيير زيت الفرامل و الاداء افضل كتييييييييييييييييييير و علي فكرة خليت زيت الفرامل من التوكيل عادي

العربية خدت قد ايييييييه زيت فرامل يا بيشو ؟؟؟؟

أصل أنا عرفت انهم بيغيروا اللي في العلبة بس ! ولا أنا غلطان ؟؟؟