مشكلتى مع التوكيل غبور و مهازل التوكيل و التحضير لشكوه اليابان الثانيه
السلام عليكم على ملاك المازدا
[justify]طبعا بسلم على صحابى و الناس الشركوا معانا فى الشكوه الاولى وكانت السبب فى تخفيض بعض قطع الغيار الاكثر استهلاك اكيد فى ناس فى المنتدى جداد احب ينضموا لينا علشان حاجه من اتنين اما التوكيل يشتغل كويس زاى اى توكيل محترام او يتسحب التوكيل و يروح لحد يقدر العربيه و ملاك السيارة.
مش هطول عليكم انا معايا مازدا 3 موديل 2009 معايا من الزيروا المهم ربنا نجانى من حادث غريب شويه انا كونت وقف على كورنيش الاسماعليه و رايح اركب يدوب فتحت الباب و لقيت عربيه خبطتنى من ورا و سمعت صوت تكسير متخيلتش ان يكون التكسير ده عندى بصيت لقيت الباب مدمر المهم طبعا العربيه مكانش فيها اى دهان قبل كده قولت اروح التوكيل اجيب الحاجه بتاعتها كلها جديده و اصليه و اريح دماغى ممكن هادفع 3 اضعاف تمن الحادث بس المهم انها تتعمل صح العربيه ماشيه 50000 كيلو بس المهم خدت العربيه و رحت التوكيل فى ابو رواش دخلت لمهندس الاستقبال قولتله انا عربيتى فى حادث و هاغير باب كامل بكل مشتملاته الكلام ده قبل عيد الفطر بأسبوع المهندس مينا بتاع الاستقبال قال مش هتستلم العربيه قبل شهر ونص مش اقل قولتله ليه ده باب قال عندنا ضغط فى الهياكل المهم قال ماتشوف فرع قليوب ممكن يسلموك بدرى الضغط عندهم اقل و ادانى رقم مهندس الاستقبال هناك كلمته قال اسبوعين و تستلم قولت كويس خدت العربيه و رحت سلمت العربيه بعد ماستلموا العربيه قال اسأل عنها بعد العيد واحنا اول مايجى مهندس شركة التامين ياعين العربيه هنقول على تمن المقايسه و هانغير ايه وانت توافق او لا المهم المهندس نزل و عاين العربيه و محدش اتصل بيا انا عرفت من مهندس شركه التامين انه عاين العربيه كلمتهم قالوا اسأل عليها بعد العيدلسه متحددش السعر بالكامل
قولتله طيب انت هتغير ايه قاعد يقول على مكونات الداخليه للباب بس طبعا دى مكونات اى باب غير المازدا ياعنى كان نقص مكونات بالهبل من سمعات و سنسور نور الباب و حجات تانيه مش فكرها المهم انا سالت فى الهوت لاين فى باب مازدا 3 2009 قال موجود ب 3070 فاضى و لما روحت التوكيل قالوا موجود و قبل كده و كده كلمت المهندس/عمرو الخشاب مسؤل قطع الغيار فى ابو رواش قال نفس الكلام موجود و 3070 المهم عدى العيد و يوم الاحد البعد العيد بسأل على العربيه قالوا اه المقايسه موجوده تعالى شوفها و قولت اروح اخد قطع الغيار التالفه من عندهم لانهم ماضونى على ورقه انى لازم استلم قطع الغيار التالفه فى خلال يومين من تاريخ الموافقه على المقايسه او مش هتلاقى الحاجه دى اصلا ده غير ان فى نفس الورقه مكتوب انى لو سحبت العربيه من التوكيل هدفع 10% من قيمه المقايسه و دفع 20 جنيه عن كل يوم العربيه قعدتها فى التوكيل جراج فا طبعا روحت علشان اخد الحاجه اسلمها لشركه التامين خدت عربيه و رحت لقيت العربيه مفكوكه الرفرف الشمال و الاكصدام الامامى و الفانوس الشمال طيب ايه ياجماعه عدى اسبوعين و نص و متعملش حاجه فى العربيه قالوا الباب مش موجود قولت ازاى انا سأل عليه و قالوا موجود قالوا روح شوف مع محل قطع الغيار (داخل التوكيل) روحت قالوا لا مش موجود كلمت المهندس/ عمرو الخشاب قال انا كونت فاكرها الشكل الجديد مع انه كان طلب رقم شاسبه العربيه علشان يقدر يعرف القطعه موجوده او لا قولته طيب مين الغلطان دلوقتى قال ممكن اكون احنا غلطانين بس هنحل المشكله ازاى قال انا لو استورادت الباب هايجى بعد شهر قولتله لا طبعا ايه ده كله قولت الباب موجود عند العالميه فى شارع دمشق انا كونت سالت موجود اصلى فاضى ب 2000 جنيه قال مينفعش نشترى حاجه من محل داخل مصر قولتله خلاص انا هاروح اشتريه وانت ركبه قال خلاص هنعمل اسثناء و نوافق على ادخال قطع الغيار روحت للمهندس بتاع التوكيل قليوب قولتله طيب الحجات الجوه الباب موجوده قال لا !!!!!!![/justify]
يستكمل
