اختبار تصادم جالينا (فضيحة الصينى ثانى مرة)

**وائل عطية** · 26-06-2007 02:35 PM

إيه اللي دخل الاسبيرانزا هنا دلوقتي يا حاج

وعلى فكره كان في موضوع الناس كانت بتتكلم عن الأسبرنزا وبتقول انك لو حطيت بنزين 95 هيبقى سحبها حلو .......... والله لو حطيت بنزين 100 سحبها مش هيبقى زي باقي العربيات الناس اللي دخلت على موقع شيري بتاع الشركة المالكة للعربيه بتقول ان العربيه 85 حصان فقط وكمان شوف في الجدول اللي مكتوب فيه مواصفات العربيه مكتوب انها بتجيب 100 ك متر في 16 ثانيه

منور يا أبو عبدالله

**fahd_628** · 26-06-2007 02:36 PM

العربيه مكتوب انها بتجيب 100 ك متر في 16 ثانيه

اة ما انا لاحظت الحكاية دية

يعنى لو جيت تشد مع شيفرولية سبارك الشيفرولية حتطلع منها :shock: :shock: :shock: :shock: :shock: :shock:

* السبارك بتجيب من 0-100 فى 14,1 ثانية

و انا مش مهاجم للأسبرانزا ولا حاجة بس انا بقول حقيقة !

**sh_masry** · 26-06-2007 03:08 PM

وعلى فكره كان في موضوع الناس كانت بتتكلم عن الأسبرنزا وبتقول انك لو حطيت بنزين 95 هيبقى سحبها حلو .......... والله لو حطيت بنزين 100 سحبها مش هيبقى زي باقي العربيات الناس اللي دخلت على موقع شيري بتاع الشركة المالكة للعربيه بتقول ان العربيه 85 حصان فقط وكمان شوف في الجدول اللي مكتوب فيه مواصفات العربيه مكتوب انها بتجيب 100 ك متر في 16 ثانيه

على رأى اللمبى يا نهار اسوس هههههههه فين الأستاذ اللى كان عايز يشد يشوف اللى مكتوب ده ههههه هو مش باين ليه بقاله فتره من ساعت ما قولتله انا و اسلام المصرى مستعدين نشد معاك .... انا بسأل عليه بجد ليكون شد مع حد تانى و رايح بايعها ههههههههه

**أبو عبدالله** · 27-06-2007 11:39 AM

أزيك يا وائل
انت اللي منور
اللي دخل الأسبرنزا انها صيني وصناعه صيني يعني مش توكيل فاتح وبينتج في الصين

يعني هي دي أخر الصناعه الصيني
هما يعرفوا يقلدوا بس
اما انهم يصنعوا لوحدهم لأ
هما بيصنعوا الحاجات الكويسة بتاعتهم مش بتبقى بتاعتهم بتبقى توكيلات معروفه ومشهورة في العالم وبتنتج داخل الصين علشان العمالة

غير كده هما لما بيقلدوا عمرهم ميعرفوا يعملوا خامات زي هنا في مصر كده

لما عملنا طنابير استثماري بتشتريها علشان تمشي معاك كام يوم وتبوظ ومتستحملشي علشان تشتري تاني

وده من ايه ما الطنبورة بتبقى جديده وزي الفل ولكن الخامة بتاعتها مبتستحملشي حرارة وشغل

وهي دي الصناعه يا جدعان

**PAYOO** · 03-07-2007 08:17 AM

إللي هايجنني في الجالينا أنها بـ 156 ألف جنيه

وكنت معترض جدا جدا على قرار عمي بشرائها
وفضل يقوللي يا بني دي BMW يا بني دي معرفش أيه تعالو شوفوه دلوقتي وهو بيشتكي من حاجات مايصحش أبدا أنه يشتكي منها وهو دافع مبلغ محترم زي ده كان ممكن يجيب أوكتافيا A5 أو بيجو بانوراما 307 أو أي حاجه في الرينج ده بس تقولوا أيه بقى في ناس تحب دايما تغامر وترجع تزعل

**حسام كرم** · 03-07-2007 08:26 AM

والله يا عزيزى بايو سيبك انت من الجالينا والصينى والكلام دة
اجمل حاجة فى الموضوع الاشكال الجبارة والمعبرة جدااااا
الى انت منزلها دية ياريت تقولنا جايبها منين ومنزلها ازاى

**sokasoon** · 22-08-2007 06:00 PM

يا ابو عبدالله لما الاسبرانزا ال1600 سى سى 85 حصان

امل السيارات الجديدة الصينى اللى نازلة 1300 سى سى هتبقا كام حصان :shock:

**عزوز** · 22-08-2007 07:18 PM

ده ايه الشاسيه المهلبيه ده
المصيبه ان المصريين بيتخدعو فى المظاهر بس دى ارواح بنى ادمين زنبهم ايه

**sokasoon** · 23-08-2007 03:47 AM

المشاركة الأصلية كتبت بواسطة عزوز

ده ايه الشاسيه المهلبيه ده
المصيبه ان المصريين بيتخدعو فى المظاهر بس دى ارواح بنى ادمين زنبهم ايه

على رايك ده مش مهلبية بس ده بسيسة خااااااااالص

اتفعص فى بعضو خاااااااالص

**MrTooFast** · 16-09-2007 08:29 PM

الحقيقة انا لقيت الأختبار الجديد ده (مش جديد أوى يعنى) و قلت لما اعرضوا عليكم علشان نسمع الأراء بعد تعديل النتيجة :
http://www.autoblog.com/2007/09/14/v...ar-crash-test/

الLink ده فيه فيديو الأختبار الأول و فيديو الأختبار الثانى ..

ما رأيكم .. دام فضلكم ..
وكل سنه وانتم بخير و رمضان كريم .

الموضوع: اختبار تصادم جالينا (فضيحة الصينى ثانى مرة)

LinkBack

أدوات الموضوع

عرض

-

-

-

-

-

-

-

-

المواضيع المتشابهه

اختبار تصادم برليانس جالينا الجميله

اختبار تصادم ماتيريا

اختبار تصادم بريليانس جالينا......مهزله بكل المقايييس

اختبار تصادم الA213

اختبار تصادم جالينا (فضيحة الصينى ثانى مرة)

الكلمات الدلالية لهذا الموضوع

المفضلات

المفضلات

ضوابط المشاركة