-
اختبار تصادم جالينا (فضيحة الصينى ثانى مرة)
-
عارف لو هى دى مشكلة الصينى الوحيدة انا معنديش مشكلة اركب صينى لأنى مش بجرى ونشاء الله مفيش حاجة وحشة..لكن المصيبة العيوب الفنية والمشاكل الميكانيكية الوجودة فى الصينى ودى صعب الواحد يتغاضى عنها...........
-
صينى صينى يعنى ........... :D
-
thank GOD we didn't even think about buying this car while we were choosing between cars..
Mohamed yousry: it is not a mater of running or not, any thing could happen even if you are driving at 80, and i would prefer to buy a safe car even if im not going to take it out of the garage, better than driving with it fearing on my self and my family
-
ههههههههه انا اللي صعبان عليا يا عيني الدميه اللي بتركب العربيات الصيني ذنبها ايه يعني يحصلها دا كله :mrgreen: :mrgreen:
و علي رايي اخويا و حبيبي شريف المصري صيني صيني يعني :lol: :lol:
-
اقتباس:
انا اللي صعبان عليا يا عيني الدميه اللي بتركب العربيات الصيني ذنبها ايه يعني يحصلها دا كله
هههههههههههههههههههههه
والله فعلا ملهاش زنب بس يوم و يوم و ساعات بتركب مرسيدس و BMW برضة هههههههههههه
و شكرا على الموضوع الجامد دة و انا الى كنت فاكر البريليانس احسن الصينى :| :| :| :| :| :| :|
-
فعلا الواحد كان فاكرها حاجة تانية علشان تجميع البافارية
بس الظاهر ان الصينى صينى و لو عملوا فيه ايه
-
الصينى اللى بينزل مصر اخره فانوس رمضان اللى بيغنى و يقول : رمضان جانا و فرحنا به بعد غيابه اهلا رمضان و طبعا ماحدش هايعمل حادثه بالفانوس الا لو اللمبه محروقه و مش شايف قدامك هههههههههه ما هو برده الفانوس ممكن يبقى فيه عيوب ...الأغنيه بتقطع او اللمبه محروقه او البطاريه خلصانه ههههههههههه
و هو يا دوبك اول اسبوع من رضان و هب تلاقى الفانوس ساكت لأخر السنه :wink:
-
شىء غريب فعلا ولما هما عارفين ان ع8ربياتهم ضعيفة كدة ايه الى بيخليهم يدخلوا اختبارات امان ؟؟؟
-
اقتباس:
شىء غريب فعلا ولما هما عارفين ان ع8ربياتهم ضعيفة كدة ايه الى بيخليهم يدخلوا اختبارات امان ؟؟؟
مش بمزاجهم يا باشمهندس العربيات دي علشان تخش اوربا لازم تخضع للاختبارات دي و هما تلاقيهم ما يعرفوش حاجه عنها او فاكرينها زي الاختبارات اللي بتتعمل عندهم هههههههه
-
اقتباس:
المشاركة الأصلية كتبت بواسطة Abdallah
ايه الى بيخليهم يدخلوا اختبارات امان ؟؟؟
they dont!
these test are made as a response to their request for entering the european Markets, failing these tests or getteing a score below the minimum required disapproves the car and prevent it from entering the market, this is how they protect their people agianst unsafe products
-
هذا يوضح مدى استهتار هذه الشركة بحياة الانسان
يمكن كان أحسن لو ساق الموتور لوحده بدون جسم السيارة الذى يصبح أداة للقتل عند الحوادث
-
اقتباس:
فاكرينها زي الاختبارات اللي بتتعمل عندهم
فاكرين الفيلم بتاع الحاسة السباعه
كان أحمد الفيشاوى بأول ان الراجل الى هيلاعبة بيفكر بالصينى علشان كده مش بيفهمو
تأريبا هم برده فاكرين ان محدش هيفهمهم عشان بيفكروا بالصينى
:shock: :shock: :shock:
-
اقتباس:
الصينى اللى بينزل مصر اخره فانوس رمضان اللى بيغنى و يقول : رمضان جانا و فرحنا به بعد غيابه اهلا رمضان و طبعا ماحدش هايعمل حادثه بالفانوس الا لو اللمبه محروقه و مش شايف قدامك هههههههههه ما هو برده الفانوس ممكن يبقى فيه عيوب ...الأغنيه بتقطع او اللمبه محروقه او البطاريه خلصانه ههههههههههه
و هو يا دوبك اول اسبوع من رضان و هب تلاقى الفانوس ساكت لأخر السنه
:lol: :lol: :lol:
هما فى تحسن كل مدى واتوقع انهم بعد خمس سنين هاتجتاح العالم كلة كل مصانع السيارات بتفتح فى الصين دة فى جرنان النهاردة كاتبين وضع اساسا لثانى مصنع هيونداى فى الصين وكلة رايح هناك لرخص العمالة الصينية
-
المشكلة مش فى المصنع اللى فى الصين
المشكلة ان الصينيين مالهمش فى تصميم الجديد ولا فى الجوده الا لو الرقابة عليهم من برة.
يعنى ممكن مرسيدس صينى تكون كويسة لأنها اكيد هاتكون تحت اشراف مرسيدس الأم
انما لما تبقى الأم صينى مش هاتبقى احسن من البريليانس والشيرى
على الاقل فى الوقت الحالى او الى ان يثبت العكس
-
المشكلة برده مش في كدة يا جماعة , السيارة دي في الصين تباع كأنها سيارة عادية ذي الأكسنت مثلا عندنا و سعرها بيبتدي من 11 ألف دولار , انما السرقة فعلا ان البافارية تبيعها على انها سيارة فارهة ! بضعف الثمن ! و ممكن تكون الشيري ال qq اكثر امانا اصلا !!!!
والي يغيظك انك لو قلت كدة لواحد راكبها حيبصلك من فوق لب تحت كانه راكب مرسيدس !!
Honda Civic 2008 - 1.6- 140HP - 139,000 LE
Brilliance Galena 2.0 - 128 hp - 146,000 LE
da kalam ye7'osh dema3' ay 7ad ??
انا عارف ان البريليانس مش في فئة السيفيك و انها اكبر بس ده مش مبرر !!
لبلاش !! قارنوها بالشيري A6
لا تعليق !!
-
هو غالبا البريليانس علشان اللى بيسعروها هما نفسهم اللى بيسعروا ال بي ام فشافوا انهم لما يخلوها بنص تمن ال بي ام يبقوا كده بيكرمونا جدا ولازم طبعا تتباع. غالبا مش شايفين اسعار السيارات التانية الصينى اللى فى السوق
هما عالعموم نفس الناس اللى بيسعروا المينى ودى برضه متسعرة غلط :roll:
-
اقتباس:
المشاركة الأصلية كتبت بواسطة fahd_628
اقتباس:
انا اللي صعبان عليا يا عيني الدميه اللي بتركب العربيات الصيني ذنبها ايه يعني يحصلها دا كله
هههههههههههههههههههههه
والله فعلا ملهاش زنب بس يوم و يوم و ساعات بتركب مرسيدس و BMW برضة هههههههههههه
و شكرا على الموضوع الجامد دة و انا الى كنت فاكر البريليانس احسن الصينى :| :| :| :| :| :| :|
للأسف يا جماعه و صلنى الأن خبر أليم إن هذا الأختبار كان نهاية الدميه
حيث إنها أصيبت بكسر فى الجمجمه و تهتك فى الأمعاء و نزيف داخلى حاد
و كسور فى أماكن متفرقه من الجسم
و أعلنت الدمى أقاربها إضراب عام عن أى أختبارات لأى سياره صينيه أخرى
بالأضافه لرفع قضيه تعويض على المصنع
-
اقتباس:
المشاركة الأصلية كتبت بواسطة Mo3taz Selim
اقتباس:
المشاركة الأصلية كتبت بواسطة fahd_628
اقتباس:
انا اللي صعبان عليا يا عيني الدميه اللي بتركب العربيات الصيني ذنبها ايه يعني يحصلها دا كله
هههههههههههههههههههههه
والله فعلا ملهاش زنب بس يوم و يوم و ساعات بتركب مرسيدس و BMW برضة هههههههههههه
و شكرا على الموضوع الجامد دة و انا الى كنت فاكر البريليانس احسن الصينى :| :| :| :| :| :| :|
للأسف يا جماعه و صلنى الأن خبر أليم إن هذا الأختبار كان نهاية الدميه
حيث إنها أصيبت بكسر فى الجمجمه و تهتك فى الأمعاء و نزيف داخلى حاد
و كسور فى أماكن متفرقه من الجسم
و أعلنت الدمى أقاربها إضراب عام عن أى أختبارات لأى سياره صينيه أخرى
بالأضافه لرفع قضيه تعويض على المصنع
يا اخوانا الدمية دى شغالة دلوقت فى صيدناوى الخازندار و اشترطت ميلبسوهاش هدوم صينى :D :D :D :D
-
يا جماعة زمن تتطور الصناعه انك تعرف تصنع عربيه ده زمن كان من زمان وراح خلاص ......... انا مش عارف الناس ليه مش قدره تفهم كده هو علشان مصر مش عارفه تصنع عربيه يبقى اللي يصنع عربيه يبقى ميه ميه
المشكله اللي الشركات بتحارب فيها دلوقتي مش انك تصنع عربيه الشركات بتصنع عربيات من 100 سنه خلاص الصناعه دي مبقتشي مشكله ومش المشكله اني أحطلك كاسيت وشاشه ومش عارف ايه جوه العربيه حضرتك لو اشترتهم لوحدهم هتركبهم بنفسك
الصناعه دلوقتي بقت حربها في حاجات تانيه زي مثلا في الامان نقاط الانهيار اللي بتبقى في العربيه يعني لما يحصل تصادم زي ده يحصل ان الكابينه ميوصلشي لها حاجه علشان في نقاط انهيار في الحديد اللي موجود في الكبوت بتاع العربيه مما يؤدي لتقليل قوة الصدمه وامتصاصها لكي لا تصل الى الكابينه ..................
وهقولكم على حاجه مشاكل الصيني في ايه ..............
مشاكل الصيني في الحاجات اللي بيحصل فيها احتكاك جامد وشغل شديد ودرجات حراره عاليه لأني هي دي الصناعه وهي جي الخامات
مشاكل الصيني مثلا في الفتيس .... في العفشه ....... في التكييف ........... في قوة اداء الماتور
والحاجات دي العربيات المحترمه عمرك ما تتكلم في الحاجات دي ولا تبصلها أصلا لأنها خلاص مبقتشي مشكله عندهم لنهم طوروها خلاص من زمان وبيشوفوا حاجات تانيه يحدثوها
وعلى فكره كان في موضوع الناس كانت بتتكلم عن الأسبرنزا وبتقول انك لو حطيت بنزين 95 هيبقى سحبها حلو .......... والله لو حطيت بنزين 100 سحبها مش هيبقى زي باقي العربيات الناس اللي دخلت على موقع شيري بتاع الشركة المالكة للعربيه بتقول ان العربيه 85 حصان فقط وكمان شوف في الجدول اللي مكتوب فيه مواصفات العربيه مكتوب انها بتجيب 100 ك متر في 16 ثانيه
-
إيه اللي دخل الاسبيرانزا هنا دلوقتي يا حاج اقتباس:
وعلى فكره كان في موضوع الناس كانت بتتكلم عن الأسبرنزا وبتقول انك لو حطيت بنزين 95 هيبقى سحبها حلو .......... والله لو حطيت بنزين 100 سحبها مش هيبقى زي باقي العربيات الناس اللي دخلت على موقع شيري بتاع الشركة المالكة للعربيه بتقول ان العربيه 85 حصان فقط وكمان شوف في الجدول اللي مكتوب فيه مواصفات العربيه مكتوب انها بتجيب 100 ك متر في 16 ثانيه
منور يا أبو عبدالله :wink:
-
اقتباس:
العربيه مكتوب انها بتجيب 100 ك متر في 16 ثانيه
اة ما انا لاحظت الحكاية دية
يعنى لو جيت تشد مع شيفرولية سبارك الشيفرولية حتطلع منها :shock: :shock: :shock: :shock: :shock: :shock:
* السبارك بتجيب من 0-100 فى 14,1 ثانية
و انا مش مهاجم للأسبرانزا ولا حاجة بس انا بقول حقيقة !
-
اقتباس:
وعلى فكره كان في موضوع الناس كانت بتتكلم عن الأسبرنزا وبتقول انك لو حطيت بنزين 95 هيبقى سحبها حلو .......... والله لو حطيت بنزين 100 سحبها مش هيبقى زي باقي العربيات الناس اللي دخلت على موقع شيري بتاع الشركة المالكة للعربيه بتقول ان العربيه 85 حصان فقط وكمان شوف في الجدول اللي مكتوب فيه مواصفات العربيه مكتوب انها بتجيب 100 ك متر في 16 ثانيه
على رأى اللمبى يا نهار اسوس هههههههه فين الأستاذ اللى كان عايز يشد يشوف اللى مكتوب ده ههههه هو مش باين ليه بقاله فتره من ساعت ما قولتله انا و اسلام المصرى مستعدين نشد معاك .... انا بسأل عليه بجد ليكون شد مع حد تانى و رايح بايعها ههههههههه
-
أزيك يا وائل
انت اللي منور
اللي دخل الأسبرنزا انها صيني وصناعه صيني يعني مش توكيل فاتح وبينتج في الصين
يعني هي دي أخر الصناعه الصيني
هما يعرفوا يقلدوا بس
اما انهم يصنعوا لوحدهم لأ
هما بيصنعوا الحاجات الكويسة بتاعتهم مش بتبقى بتاعتهم بتبقى توكيلات معروفه ومشهورة في العالم وبتنتج داخل الصين علشان العمالة
غير كده هما لما بيقلدوا عمرهم ميعرفوا يعملوا خامات زي هنا في مصر كده
لما عملنا طنابير استثماري بتشتريها علشان تمشي معاك كام يوم وتبوظ ومتستحملشي علشان تشتري تاني
وده من ايه ما الطنبورة بتبقى جديده وزي الفل ولكن الخامة بتاعتها مبتستحملشي حرارة وشغل
وهي دي الصناعه يا جدعان
-
إللي هايجننيhttp://www3.0zz0.com/2007/06/20/04/71671217.gif في الجالينا أنها بـ 156 ألف جنيه
وكنت معترض جدا جدا على قرار عمي بشرائها
وفضل يقوللي يا بني دي BMW يا بني دي معرفش أيه تعالو شوفوه دلوقتي وهو بيشتكي من حاجات مايصحش أبدا أنه يشتكي منها وهو دافع مبلغ محترم زي ده http://www3.0zz0.com/2007/06/20/04/27387433.gifكان ممكن يجيب أوكتافيا A5 أو بيجو بانوراما 307 أو أي حاجه في الرينج ده بس تقولوا أيه بقى في ناس تحب دايما تغامر وترجع تزعلhttp://www4.0zz0.com/2007/06/20/04/12065061.gif
http://www4.0zz0.com/2007/06/20/04/76051474.gif
-
والله يا عزيزى بايو سيبك انت من الجالينا والصينى والكلام دة
اجمل حاجة فى الموضوع الاشكال الجبارة والمعبرة جدااااا
الى انت منزلها دية ياريت تقولنا جايبها منين ومنزلها ازاى
-
- يا ابو عبدالله لما الاسبرانزا ال1600 سى سى 85 حصان
امل السيارات الجديدة الصينى اللى نازلة 1300 سى سى هتبقا كام حصان :shock:
-
ده ايه الشاسيه المهلبيه ده
المصيبه ان المصريين بيتخدعو فى المظاهر بس دى ارواح بنى ادمين زنبهم ايه :evil:
-
اقتباس:
المشاركة الأصلية كتبت بواسطة عزوز
ده ايه الشاسيه المهلبيه ده
المصيبه ان المصريين بيتخدعو فى المظاهر بس دى ارواح بنى ادمين زنبهم ايه :evil:
- على رايك ده مش مهلبية بس ده بسيسة خااااااااالص
اتفعص فى بعضو خاااااااالص
-
الحقيقة انا لقيت الأختبار الجديد ده (مش جديد أوى يعنى) و قلت لما اعرضوا عليكم علشان نسمع الأراء بعد تعديل النتيجة :
http://www.autoblog.com/2007/09/14/v...ar-crash-test/
الLink ده فيه فيديو الأختبار الأول :cry: و فيديو الأختبار الثانى ..
ما رأيكم .. دام فضلكم ..
وكل سنه وانتم بخير و رمضان كريم .
-
يا اخي ده مش جديد ده في اسبانيا والقديم كان في المانيا
فانا لا اعرف الأسس المبني عليها كلتا الأختباريين والاختلاف ما بينهم
-
شوافوا السرعات كانت كام هنا و كام هناك :wink:
-
اقتباس:
شوافوا السرعات كانت كام هنا و كام هناك
برافو نقطة هايله. بالرغم من انك ممكن تكون أثرتها على أساس ان الأختبار الأسبانى كان بسرعه أبطاء و لكن فى أعتقادى انه بالعكس الأختبار الألمانى كان على سرعه أكبر من المعلنه. وبعدين لو لاحظتم اخر صورتين فى أول الموضوع (اختبار التصادم الجانبى) هما فى الحقيقة مش لنفس الأختبار, مع أن التانية توحى بأنها بعد انتهاء أختبار التصادم الجانبى , لكن الحقيقة ده مش صح لأن فى الصوره الأولى(من اخر صورتين) السياره فيها دمية واحدة و بدون فتحة سقف, فى حين الصورة الأخيرة فيها دميتين و فتحة سقف(الحقيقة دى صورة فى المواجهة بعد أختبار التصادم الأمامى). على فكرة نفس الترتيب موجود على كل ال websites اللى شفتها لحد دلوقت.
أنا مش بدافع عن ماركه معينة و لكن بحاول اعرض الأمور بموضوعية.
-
على فكرة و للأمانة و الموضوعية أنا كنت اليومين اللى فاتوا دول مع قريب لى بأتابع اصلاح سيارته (الانترا 2006) عند سمكرى ... و زيارة السمكرى عامةً هى نوع من العظة و التذكرة أنصح كل واحد انه يقوم بها بين الحين و الآخر :)
المهم ... السمكرى كان عنده عربية اسبرانزا 2000 سى سى كانت عاملة اصطدام أمامى قوى جداً لأن كل حاجة تحت الكابوت كانت ضايعة ... لكن العربية نفسها من جوة الصالون كانت الأضرار فيها بسيطة جداً ... الاير باجين اتفتحوا .. البربريز ماتكسرش .. و بعض التلفيات البسيطة فى التابلوه ... و اللى راكبين العربية محصلهمش حاجة على كلام السمكرى ...
الحاجة الوحيدة اللى لفتت نظرى و مكانش المفروض تحصل ان العتب انفصل و اتعوج تماماً رغم انه بعيد عن مكان الاصطدام ... و طبعاً المشكلة الأكبر ان السمكرى قال ان اكتر من نصف الحاجات اللى عايزين يغيروها للعربية مش موجودة عند التوكيل (طبعاً هو بيتكلم عن ما يخص السمكرة انما لسة الموتور الله أعلم فيه ايه .. هى محتاجة محرك كامل جديد أصلاً) و طبعاً العربية مركونة بقالها فترة صاحبها مش عارف يبدأ شغل فيها ولا يبيعها حوادث لأنه مش عارف اذا كان التوكيل حيجيبله قطع غيارها أم لا ... لو رحت للسمكرى تانى حأحاول أصورها و أحط الصور هنا باذن الله
-
اقتباس:
الحاجة الوحيدة اللى لفتت نظرى و مكانش المفروض تحصل ان العتب انفصل و اتعوج تماماً رغم انه بعيد عن مكان الاصطدام ... و طبعاً المشكلة الأكبر ان السمكرى قال ان اكتر من نصف الحاجات اللى عايزين يغيروها للعربية مش موجودة عند التوكيل (طبعاً هو بيتكلم عن ما يخص السمكرة انما لسة الموتور الله أعلم فيه ايه .. هى محتاجة محرك كامل جديد أصلاً) و طبعاً العربية مركونة بقالها فترة صاحبها مش عارف يبدأ شغل فيها ولا يبيعها حوادث لأنه مش عارف اذا كان التوكيل حيجيبله قطع غيارها أم لا ... لو رحت للسمكرى تانى حأحاول أصورها و أحط الصور هنا باذن الله
لا حول ولا قوة الا بالله
ياريت الناس كلها تشوف علشان تعرف العربيات دي ممكن تعمل في صاحبها ايه