حد عنده معلومات يفيدنا بيها في الموضوع ده يا جماعه؟
عرض للطباعة
حد عنده معلومات يفيدنا بيها في الموضوع ده يا جماعه؟
ممكن العزل فى الخليجى يبقى احسن و ده اكيد هيخليك تحس ان العربيه اسقع عشان الحراره الخارجية مبتدخلش جوه
لكن المكييف و التبريد فى الغالب واحد
انا معلوماتى مثلا ان الالنترا الجديده تكييفها بيتقفل فى مصر
لكن الخليجى بيجى من كوريا بحالته من المصنع وده عشان الجمارك
وشوف انت بقه الفرق بين ماهو مستخدم فى مصر وماهو مستخدم فى بلد الصنع
ويقال ان اغلب التوكيلا بتعمل كده فى مصر
أنا مش هتكلم كلام نظري ولا هفتي
لكن هحكيلك على ملاحظتي في تجربتين
الأولى كانت مع عربيتي الكورولا رموش موديل 2000
ودي الموتور يتاعها 1300 2E الكومبرسور اللي بينزل مع الموتور دة شغال بنظام rotary fluid compressor
وكنت بشتكي انه في الحر أوي بيسخن ويفصل Thermal ويرجع يشتغل تاني اما يبرد شوية وبعدين باظ خالص وبقى ال output بتاعه قليل جداً وتبريده تعبان
المهم زيدان نصحني نركب بتاع ال 1600 اللي كان بينزل في الخليج وقتها ودة شغال بنظام reciprocating وميزته انه بيتحمل شغل تحت حرارة عالية وبالتالي مفيهوش حساس الحرارة اللي بيخليه يفصل اما يسخن لكنه بيفضل شغال عادي تحت الحرارة العالية وعمره اطول وكفاءته لا تقل كثيراً عن اما بيكون جديد بس عيبع انه ال mechanical efficiency بتاعته اقل من النوع الأول بمعنى انه تقيل شوية على الموتور وعشان كدة بينزل في ال 1600 بس
وفعلاً كان وَحش وتبريده سريع جداً
التجربة التانية كانت مع عربيتين كيا سيراتو 2011 واحدة سعودي والتانية وكيل
الاتنين تكييفهم آداءه واحد
أول جزء من كلامك مش مظبوط للأسف.......بمعنى أن فيه الخليج عربيات تويوتا صناعة تايلاندي أو أندونيسي....يعني مش جايه من بلدها ولا حاجة.
تاني جزء صحيح.
معلش أسمحلى أختلف معاك...........المرجع هو المواصفات القياسية للمنطقة و بناء عليه يتحدد خط الإنتاج.
العربيات فى الخليج علشان تدخل لازم تكون مطابقة للمواصفات القياسية الخليجية للسيارات و دى جزء منها لقيته على النت...........مش متأكد من صحة الكلام كله بس معظم الكلام بشوفه فعلاً فى الواقع
المواصفات القياسية الخليجية التي يشترط توافرها بشكل اساسي (وليس اختياريا) في جميع السيارات الواردة إلى الأسواق الخليجية قاطبة، بغض النظر عن انواعها، وسواء كانت اوروبية او يابانية أو اميركية..إلخ، والتي يمكن استعراض أبرزها في ما يلي:
زجاج أمامي من النوع «as1 » المكون من طبقتين بينهما مادة مسؤولة عن تماسك الزجاج وعدم تناثره عند تهشمه في الحوادث لحماية ركاب السيارة من الاصابة، وتصل نسبة التظليل به للحماية من أشعة الشمس حوالي 30% دون التأثير في مستوى الرؤية الذي يصل إلى 70%. أما الزجاج الخلفي والجانبي فيكون من نوع «as2» طبقة واحدة.
الاطارات تأتي بنظام تصميم يتحمل الحرارة والسرعة العالية من نوع a أو b بحسب نوع المركبة (صالون أو جيب) وسرعة المحرك.
نظام تبريد متطور للمحرك متمثل في «راديتور» كبير لتحمل العمل الثقيل وحرارة الطقس في المنطقة مزود بـ «سينسر» مسؤول عن قراءة درجة حرارة سائل الراديتور بحيث عندما يصل إلى 60 درجة مئوية يعطي على الفور اشارات للكمبيوتر الذي يقوم بإعطاء الامر لمروحة التبريد الكهربائية للعمل على خفض درجة الحرارة (أما في الدول الأخرى فتعمل المروحة عند وصول الحرارة إلى 70 درجة مئوية).
الالزام بأن يأخذ الإطار الاحتياطي مواصفات وحجم الإطارات الاساسية نفسها للسيارة (حيث إنه في الدول الأخرى يأتي اصغر من الاساسي).
يشترط في الجهة المصنعة انتاج اطارات من نوع «برن فلات تايرز» الذي يحافظ على مستوى نفخ الاطار في حالة البنشر (بالنسبة للسيارات الرياضية التي لا تحتوي على اماكن مخصصة للاطار الاحتياطي).
تزويد «الاكزوز» بقطعتين معدنيتين احداهما لمعالجة الملوثات الغازية الناجمة عن عملية الاحتراق في المحرك، والاخرى مسؤولة عن كتم الصوت منعا للتلوث الضوضائي.
إلزام المصانع بتزويد السيارة بأحزمة الأمان ومطفأة حريق ومرايا جانبية يذكر عليها باللغة العربية عبارة «مقاسات وبعد الصورة في المرآه غير حقيقية».
تزويد السيارة بحواجب شمس امامية عليها تعليمات تحذيرية باللغة العربية بعدم جلوس الاطفال على المقعد الامامي وضرورة ربط حزام الامان.
معظم الاجزاء الداخلية للسيارات، وبخاصة الارضية والمقاعد مصنعة من مادة مقاومة للاشتعال.
متانة متميزة في الهيكل الخارجي للسيارة لتحمل الصدمات وذلك لتوفير أكبر قدر ممكن من الحماية للركاب عند الحوادث.
مجموعة تعليق تعمل على تحقيق التوازن والسلامة في القيادة ومزودة بماصات للاهتزاز وملائمة للطرق الوعرة لتفادي الحوادث.
اشارات انذار صوتية وضوئية تعمل تلقائيا عند انخفاض منسوب سائل الفرامل أو حدوث انخفاض للضغط فيه أو عند زيادة السرعة على 120 كلم في الساعة.
عمود «السكان» ماص للصدمات يتداخل في بعضه البعض ليمنع اصابة السائق عند الارتطام به في حالة وقوع حادث.
جميع أبواب السيارة مزودة بوسائل أمان تمنع انفتاحها تلقائيا عند التوقف اللحظي المفاجئ أو انقلابها.
مكبح طوارئ «فرملة» لاستعماله عند تعطيل المكبح الرئيسي في السيارة لتوفير أكبر قدر من الامان للسائق.
مع أن الكلام مش مذكور فيه التكييف خالص بس هو بيوضح الفكرة اللى أنا أقصدها بخصوص إختلاف المواصفات من منطقة لأخرى.
الفرق موش فى التكييف الفرق فى المواصفات القياسيه اللى بتنزل فى الخليج
يعنى العربيه لازم يكون متوفر فيها مواصفات معينه عشان يقدر الوكيل ينزلها فى الخليج
عكس المصرى اللى بيستورد اسوء حاجه اهم شئ انها تكون رحيصه وللاسف بيبعها غاليه وطبعا الفرق بيكون مكسبه
وده كله على حساب المواطن الغلبان من مواصفات وامان وطبعا مابينساش يضحك علينا بشوية اوبشن عشان يحلى البضاعه بتاعتة
هو انا بفضل الخليجي عموما كمواصفات
ولكن اعتقد في تشابه فالتكيف فمعظم العربيات ولكن مش كلها
والله اعلم ..
موضوع جميل وتعليقات لطيفه
افتكر كله بيكون واحد المصنع واحد مش معقوله هينزل نوع كويس و نوع ردي
يا شباب انا سافرت الخليج و كنت بصلح مكيف عربية الراجل قال لى
فية فريون ممتاز صينى ب 100 ريال شحن و فريون ممتاز امريكانى ب 700 ريال شحن فقولت له اى الفرق قال كبير بينهم و يستحق فرق المبلغ
و قالى لى ان غاز الفريون المستخدم فى الخليج ليه درجة مختلفة خالص عن الى بيستخدم فى الدول متوسطة الحرارة
لانه بيستغل فى درجات حرارة عاليه جدا تصل ل 60 درجة فى الظل فطبعا دى مش اقل من 80 درجة فى الشمس