ايه انسب زيت لماتور لانوس 99 وبكام
عرض للطباعة
ايه انسب زيت لماتور لانوس 99 وبكام
استعمل زيت تخليقى
الزيوت التخليقية فى حدود 250 الى 300 جنية للجركن حسب الشركة
MMamdouh
طيب واللزوجة الموصاة ؟
معظم الزيوت التخليقية المتوفرة فى السوق دلوقتى درجتها الصغرى اما 0 او 5 و دة كويس للعربيات اللى فيها كستبانات هيدروليك بالذات فى الشتاء
الزيوت المعدنية درجتها الصغرى 20 و بالتالى بتبقى لزجة جدا فى الشتا اول ما تدور الموتور و الزيت مش بيوصل بشكل كافى للكستبانات و دة سبب ارتفاع صوت الكستبانات فى اول الدوارة خاصة فى الشتاء عشان كدة بينصح دايما بالزيوت التخليقية بشكل عام و للمواتير اللى فيها كستبانات خصوصا
MMamdouh
الزيت المعدنى هو زيت مشتق من البترول المستخرج من باطن الارض... الزيت التخليقى هو مركب كميائى تم تصنيعة فى معامل خاصة
شل الاصفر زيت معدنى... شل هيلكس الترا (الجركن الرمادى) تخليقى
الزيت التخليقى زى اى زيت له فترة صلاحية بس صلاحيتة اطول بشكل ملحوظ مقارنة بالزيت المعدنى يعنى عادى خالص ان زيت تخليقى يستمر فى الخدمة 10 الاف كيلو بدون مشاكل بالتالى استعمال الزيوت دى ارخص على المدى الطويل خصوصا لو بتقطع مسافات كبيرة
من واقع تجربتى الشخصية انا شايف ان افضل زيت تخليقى هو فيسكو 5000
MMamdouh
معلش طيب ولو إنها تقالة هو ينفع تغير مرة بزيت تخليقى ومرة زيت معدنى ولا لأ ؟
انا كنت بحط شل الأصفر ال 5000 وبعد ماغيرت وش السلندر حطيت موبيل السوبر ال 1500 كيلو قلت انظف بيه الموتور بس
بس دلوقتي ملاحظ ان اداء العربيه احسن بكتيير بس مش عارف عشان الزيت ولا عشان غيرت وش السلندر
بس معلش يا باشا بس فيه ناس بتقول ابعد عن الزيت الخليقي غالي وبيتغير عن 7000 كيلو بالكتير لاأيك ايه واعزر جهلي ومعلوماتي البسيطة عن العربيات
اللى قالك كدة بيهجس
هو فعلا التخليقى غالى... زى اى حاجة نضيفة و محترمة فى الدنيا
و الزيت التخليقى بيقعد 10 الاف اقل واجب... يعنى الفسكو اللى بستعملة ممكن يقعد 15 الف سهل اوى و انا مرة فضل ماشى بية 13 الف كيلو بدون اى مشاكل و كان نازل كويس لما غيرتة
MMamdouh
سيدي الفاضل MMamdouh لا أختلف مع حضرتك في كون التخليقي افضل بلا منازع ولكن....
كل شركات الزيوت اما تدخل على مواقعها هتلاقي اولا سؤال... هل انت الموتور عدى 100000 كيلو وللا لأ... فاذا كان عداهم بيتم توجيهك لاستخدام زيوت نصف تخليقية زي شيل الاصفر (اللي هو بالمناسبة مش معدني... لأن المعدني في شيل علبته حمراء)
شيل الأصفر هوا زيت معدنى
هو ايه اللى بيحصل للمكنة بعد 100 الف يخلليها مينفعش معاها الزيت التخليقى؟؟
و لو واحد حاطت زيت تخليقى و هو عامل 97 الف لازم ينزلة اول ما يوصل 100 و يحط معدنى؟؟
انا معايا عربيتين معديين 100 الف و بستعمل زيت تخليقى... و موبيل لما اختربت موبيل 1 حطتة فى عربية BMW و لمسافة مليون ميل اللى هما مليون و 600 الف كيلو يبقى على كلامك العربية مشيت مليون و نص كيلو بزيت غير مناسب للموتور
Mobil 1™ Performance Record - Million Miles
و اخيرا و ليس اخر... شيل الاصفر زيت معدنى
MMamdouh