مقابلة قسم السيات بتاريخ 6-10-2012

**SYD** · 26-09-2012 05:01 PM

السلام عليكم ورحمة الله وبركاته

أخواني واحبائي اعضاء قسم سيات نايل موتورز

تحية طيبة وبعد

في الفترة الأخيرة اتكلمنا كتير عن مقابلة والنهاردة انا عملت الموضوع دة عشان نتفق مع بعض علي المقابلة
بالنسبة للميعاد - ان شاء الله هنتقابل يوم السبت الموافق 6 أكتوبر 2012 ودة طبعا هيبقي يوم اجازة رسمية ان شاء الله

المقابلة هتم في أطار اجتماعي - ثقافي - ميكانيكي
هنتناقش ان شاء الله في كل حاجة - سواء مواضيع تخص عربياتنا ومشاكلها او موضوعات اجتماعية
عايزين نتعرف علي بعض بشكل اقرب من كدة
احنا بنتكلم كلنا من وراء شاشة الكمبيوتر ولو اتقابلنا في الشارع يمكن مانعرفش بعض

ياريت يا جماعة نتفق سوا علي مكان عشان دة بالذات مش هينفع يكون محدد زي الميعاد

المرة اللي فاتت اتقابلنا في مدينة نصر

انا هقترح اماكن نتقابل فيها وانتم تختارو
1- الهرم
2- مدينة نصر
3- 6 أكتوبر (عشان يبقي الميعاد والمكان 6 اكتوبر)

اختارو واحدة من ال3 وبعدها نتفق علي مكان محدد في اي موقع تختاروه

انا عملت استطلاع للرأي والأستطلاع مدته اسبوع ان شاء الله من النهاردة

مستني ارائكم واقتراحتكم علشان نتفق علي المكان ان شاء الله

والله المستعان
،
،

**ehab_mansour** · 27-09-2012 09:56 AM

للأسف يا هندسة عندي شغل تركيبات في اكتوبر و العمرانية خلال اسبوعين من بكرة و معايا ايطاليين في التركيبات و مش هينفع اسيبهم نهائيا و هيمشو يوم 12 اكتوبر

علي العموم بالتوفيق للجميع

**SYD** · 04-10-2012 11:09 AM

انا متأسف جدا يا جماعة
المقابلة هتتأجل نظراً لأنشغال اعضاء كتير جدا في هذا اليوم بجانب عدم اقتراح اي مكان حتي الأن وباقي علي ميعاد المقابلة يومين فقط
شكرا لكل الأعضاء سواء اللي شاركوا او اللي اكتفي بالتصويت او اللي كلمني في التليفون علشان يعتذر

وبناء عليه تم تأجيل المقابلة لحين الأتفاق علي يوم اخر وفي مكان مناسب للجميع

تحياتي