-
سيارة مستعملة مناسبة
انا عاوز اشترى سيارة مستعملة فى حدود من 40الع الى 60الف بس تكون اوتوماتيك
لعائلة 3افراد مشوار متوسط اكتوبر المهندسين
يا ريت تكون هاتشباك واستهلاك مناسب للبنزين
ونسيت اقولكم انها اول سيارة ليا وانا لسه متعلم السواقة جديد
افيدونى ايه ممكن اجيبه بالمبلغ ده من واقع خبرتكم وسسكرا
-
بصراحه يا فندم الرينج اللي سيادتك حطه كبير شويه
يعني فرق 20 الف جنيه
وفي رأيي كل سعر ليه عربياته المناسبه
مثلا لو حضرتك عاوز تدفع حوالي 42-43 الف ممكن تجيب كيا سيفيا (ولكن لا يحبذ الاوتو في الكوري مع ان السيفيا الفتيس الاوتو بتاعها جيد جدا ولكن لطول مده استخدامه )
لوعاوز تدفع 50 ممكن تجيب اوبل فيكترا او لانسر كريستاله
لو عاوز تدفع 60 ممكن تجيب هيونداي النترا 2005
ولسا في عربيات تانيه الاخوه حيشورو عليك بيها
-
-
وممكن تفكر فى الاسكوداالفليشيا او الفيبيا موديل حديث بجد عربيه حتسعدك ....
-
-
lanser عربية ياباني محترمة
-
طيب يا شباب محدش بيتكلم عن قطع الغيار غالية ولا مناسبة
وأيه رأيكم ابتدى بمستعمل ولا جديد
-
لانسر
انا رايي لانسر طبعا عربيه اعتمادية وقطع غيار كويسة ومعمرة وعربية يبانى لو 50 الف يبقى كريستاله لو 60 الف تبقى مكوة
-
بص ياعزيزي على حسب كلامك ومواصفاتك والسعر الي معاك وطريق بيتك الي من اكتوبر للمهندسين يعني محور. ومحتاج عربية مكيفة وموفرة. وتستحمل سرعات وتستحمل الزحمة. .... وعجبني في كلامك انك حددت عدد افراد اسرتك .... وجديد في السواقه او مش جديد. فانتا محتاج عربية توفر مع في البانزين وتستحمل. طريق السفر اليومي ده. وانا عن تجربة احب انصحك. بديهاتسوا سيريون. هاتش باك وممكن تجيبها كمان اتوماتيك وقزاز كهربا. العربية الجديد منها ب ١٠٣.٠٠٠ جنية. بس موديل ٢٠٠٩ او ٢٠٠٨ ممكن تلاقية في حدود الفلوس الي معاك
وفوق ماهيا يباني في اتنين ايرباج علشان حوداث المحور
http://t3.gstatic.com/images?q=tbn:A...nfqP57FP3XBfEQ وبالنسبة لوسع الكبينة وراحة الكراسي مقولكش حدث ولا حرج ومن حيث الشياكة والبرستيج فهيا ضخمه وصغيره عربية حققت المعادلة الصعبة ومن حيث قطع غيارها الي مش هتحتاجها اصلاً فموجودة وتوكيلها على نفس طريقك ورى كارفور ابو رواش يعني جمب منك ومعاملة فايف استار
ومن حيث عيوبها الي مش هتحيس بيها. عيبين فقط ان في ناس بتقولك اصل شنطتها صغيرة تقلش رايحين جايين بكراتين. وشنط ليل نهار. وفي ناس بتشتكي من علبة الدريكسيون بس بيتغير كل خمسين الف كيلو او اكتر ... بخلاف عيوب العربيات التانيه الي كلها عيوب ومشاكل . غير كده فهي عربية مريحة وناعمة ثابتة على الارض اقتصادية في بانزينها حتى ال ١٠٠٠ سي سي عليها متور ممتاز. هيا بتنزل بتلات محركات في الالف سي سي وفي ١٣٠٠ وفي ال ١٥٠٠. بس انتا خليك في ال ١٠٠٠ او ١٣٠٠ متور يباني ١٠٠٪
وال ١٠٠٠ سي سي يوازي متور ١٤٠٠ كوري او فرنساوي
وال ١٣٠٠ سي سي يباني يوازي متور كوري. ١٦٠٠ سي سي
ومع التكيف طبعاً. متشيلش هم التكنولوجيا اليابانيه وما ادراك ما الياباني ملهوش تاني
ده حل. وانا بنصح ييه بشده .... الحل التاني لو بتحب الهتش باك السعر ده يجبلك كمان كيا بيكانتو نفس الموديل بس دي صناعتها كوري بس شوف الياباني الاول واذا ملقيتش. شوف الكوري وربنا يوفقك
-
تسلم يا باشا على التقرير الجامد ده وانا هتفرج عليها وأشوفها
Content Relevant URLs by
vBSEO 3.6.0 PL2