الاقى نوبيرا 2 بريميوم اوتوماتيك فين ؟؟
عرض للطباعة
الاقى نوبيرا 2 بريميوم اوتوماتيك فين ؟؟
معاقين تقريبا
لو قصدك على المعوقين مرميه فى سوق مدينه نصر وانظف عربيه فيهم مش بتعدى ال40 الف
انا عايز فعلا الموديل ده بس خالص ورقها تماما وغير مربوطه بأى معاق
وهو إيه الفرق بين نوبيرا لذوى الاحتياجات الخاصة ونوبيرا العادية
40...!!!دى كدة فكت حظر واللا لسةاقتباس:
المشاركة الأصلية كتبت بواسطة haissam24h
اعتقد لسه مافكتش حظر.....اقتباس:
المشاركة الأصلية كتبت بواسطة mo3tazanas
لا 40 كده بتكون فكت حظر هى من 40 الى 45
وحاليا اصلا مفيش فك حظر لان الحوار اتقفل بعد لما عرفو من الناس بتجبها وتفك وتبيع فى الحظر بقا 5 سنين
انا كنت جايب النترا 97 معاقين من 4 سنين ب49 الف
العربيه اصلا كانت ب25 الف و5 للمعوق و9600 فكيت بيهم الحظر
وكانت ماشيه 120 الف كليو العربيه حاليا معايا عملت 400 الف وسقطت ليها مكنه وشغاله تمام
النوبيرة نفس الحوار
كل الى هتلاقيه الوقتى بيبع لازم يبقى فاكك حظر لانه مش هيعرف يعمل توكيل بيع غير لما يكون فاكك الحظر
نيجى نرد على الفرق بنها وبين العاديه
التقفيل محترم خامات جيده جدا ثبات وساج احسن من العاديه
كلام حضرتك مظبوط 100% عدا بس حتة انها بتتباع ب40 الف دى الا لو كانت داخلة فى حيطة وحالتها سيئة غير كدة لا تقل عن 45 الفاقتباس:
المشاركة الأصلية كتبت بواسطة haissam24h
والى بلسعر ده نوبيرا 2 ولا 1 ؟؟ وطبعا بريميوماقتباس:
المشاركة الأصلية كتبت بواسطة mo3tazanas
وابتداً من موديل كام ؟؟
واللهى ياباشا 40 الف يجبلك لانوس انما نوبيرا 2 واللا حتى 1 بحالة كويسة لا اعتقداقتباس:
المشاركة الأصلية كتبت بواسطة hossam_elwani
علشان تجيب نوبيرا 2 بيريميم بحالة كويسة مش متبهدلة اعتقد لا تقل عن 45 الف
على فكرة البريميم دى فى النوبيرا 2 بس مش 1
45 مش مشكله ولو اكتر الف ولا اتنين ولا تلاته بس حاجه نضيفه جدا مش مشكله بس فين ؟؟اقتباس:
المشاركة الأصلية كتبت بواسطة mo3tazanas
سوق مدينه نصر
وسوق العاشر
مرميه صدقنى كنت لسه هناك من شهر وكان فى بتاع 40 او 50 عربيه هو الالنترا ال97 و98
كله بيتكلم فى 40 الى 45
السلام عليكم الاول
عن تجربة شخصية مع صديقي الاستاذ احمد امين رحنا سويا الى سوق مدينة نصر وعجبتة نوبيرا بريميم موديل 1999 (2) twoوخلصت ب 48000 جنية بالعافية وطبعا فاكة حظر العربية كانت عاملة 90000 كلم فى العداد والعربية لم ارى لها مثيل والمفاجأة انى انا معايا نوبيرا 2 عاملة 55000 كلم عداد 2007 ولكن الى جبناها من السوق الى موديل 1999 برقبتها عربية صح الصح ممتازة تسوى فلوووس انما الاستاذ الى بيقول 40000 جنية دا كلامة غير مضبوط اطلاقا مطلقا وبعدين السوق نادر تلاقي فية بريميم ( هاتلى ب 42000)
طيب السؤال اشمعنى سوق مدينة نصر او العاشر بلذات
يعنى هل المعوق مباشراً هو الى بيبيع ولا تالت يد مثلا
وليه مش موجود على المواقع او فى معارض المستعمل ؟؟؟؟
هيا النوبيرا 2 موجوده من 99 !!!! عجبىاقتباس:
المشاركة الأصلية كتبت بواسطة modyficg
والبريميوم اعلى موديل فيها سنة كام ؟؟
وهو نوبيرا 1 كان اخرها سن كام ؟؟؟
وياريت تقولى الخطوات الى تممتم بيها الشراء وهل قابلتم تجار ولا ملاك للعربيات بيع مباشر بدون سمسره ؟؟؟
اللة يكرمك
انت بتقول فعلا الكلام المظبوط مش اللى بيقلك 40 الف
ثانيا فعلا النوبيرا البريميم افضل مليون مرة من النوبيرا المصرى
المعاق ممنوع انة يبيع العربية الا بعد فك الحظربعد 5سنين واللى بيبيع العربية وعليها حظر محدش بيشتريها غير ضباط الشرطة والجيش ووكلاء النيابة .....الخ علشان يعرف يمشى بيها
النوبيرا 2 البريميم تبدا من 99 خارج مصراقتباس:
المشاركة الأصلية كتبت بواسطة hossam_elwani
والبريميم دى مانزلتش مصر الا عن طريق المعاقين
والنوبيرا 1 اخرها 98
عزيزى من 40 الى 45 الف اخرها وانا ركبتها معا احترامى الشديد من 5 سنين ولا حاجه اول ما نزل موضوع المعوقين
ولسه جايبها من سنه لقريب ليه من السوق ب40 الف وكان فكه حظرها لكن الاسف السوق عرض وطلب
وفيه ب40 و50 و60 و30 حسب ما تعجبك السلعه لكن الى هيخليجى ادفع مثلا 48 فى عربيه موديل 99 او 98
لان انا اكمل عليها 8 ولا حاجه اجيب النترا 2004 او 2003 برقبتها واسبها عربيه وموديل وقطع غيار متوافره
عشان مش ابقى تحت رحمه كم تاجر هما بس الى بيشتغلو فى حاجه المعوقين او مش الاقى اكسوسرات وقطع غيار جديده غير محدود ذى منا معايا اخيرا 97 النترا معوقين بعد ما الحمد الله ركبت عربيات لانى انا كنت بتاجر فيهم وعارف كويس السعر الى بقوله ايه لو عاوز العربيه ب40 و43 انزل معارض امبابه وشبرا والساحل هيجبولك العربيه واتفرج عليها
بالنسبه لموضوع الشراء
كان عربيه عاديه جدا
الى فكه حظر
بتبقى الرخصه مش مكتوب فيها حاجه
وبتروح تعمل توكيل او عقد مسجل بس يفضل عقد مسجل عشان تلغى كل الاوراق الى قبلها
لو محظرة يبقى انسى بقا تشتريها غير لما يفك حظرها وهو ونصيبه لو معدا فك الحظر عده ومش فكه
يبقى بتخصم ثمن الحظر من العربيه وتاخده من ايده وتروح تفك الحظر وبعدها يعملك العقد المسجل فى الشهر العقارى بس قبل ما تديله ا ى شى يمضى على ايصالات وعقد مبدئى لو هتفط انته الحظر لو معاده عدى
لكن لو الحظر لسه قدامه
سنه او 2 يبقى اصرف نظر عنها لانها غير مصرح بسواقه غير صاحب الرخصه اى شخص اخر بيتحبس حتى لو معمولك توكيل
وشكرا
اقتباس:
المشاركة الأصلية كتبت بواسطة haissam24h
شكرا جزيلا على المعلومات القيمه دى
سؤال اخير هيا كل البريميوم موتورها 1500 ولا فيه منها 1500 وفى منها 1600
الى كانت معايا والى جبتها ماتور 1600
شى
بس هقولك معلومة حلوة الوقتى لو المكنه 1300 سى سى مثبوته فى الرخصه كده
وسقطت الماتور وركبت ماتور 1600 العربيه لما تيجى ترخصها
هترخص 1300 سى سى لان ورقها الاصلى بيقول كده وحتى لما تودى ورق الماتور والافراج الجمركى مش بيبقى مكتوب فيه الماتور الى انته مركبه كم سى سى
حلصت معايا الايام الى فاتت ودفعت ضريبه 1600 سى سى وانا الماتور الى ركبته 1800 ونفس الشكل ونفس كل
معنى كلام حضرتك انك كنت جايبها مغيره موتور لانها مابتنزلش بموتور 1600 بريميموم صح ولا ايه ؟؟اقتباس:
المشاركة الأصلية كتبت بواسطة haissam24h
شوف الخليجى او المعوقين
انسى الكلام ده عموما مفيش حاجه اسمها فى العربيات بتنزل بماتور كذا وابس مثال الكارينزل اساسا ماتورها 2000 سى سى بنزل اوربا ومصر 1600 وامريكا الجنوبيه واستراليا مثلا 2000 سى سى
وابسط مثال عربيى النترا 97 تمام انا مانيوال جى ال اس
فى من عربيتى ب1800 سى سى و1600 سى سى و2000 سى سى تمام
غير بقا تغيرات فظيعه فى الاوبنش يعنى انا عندى مثلا مكان لتعليه وتوطيه نور التابلوه مقفول فى عربهي تانيه شوفتها فيها الزرار وكمان عندى اماكنى اى بى اس ومش موجود ولقيته فى عربيه تانيه
فى مجال العربيات تتوقع اى حاجه
وال2 الى احنا جبناهم وحده كانت من السوق
والتانيه من المنطقه الحرة ببورسعيد ومخلصين ورقها خطوة خطوة لقريبى لانه عنده اعاقه فى رجله الشمال فجبناها ب27 الف بالظبط من سنتين وشهر اللون الذهبى فابريقه بالكامل برة وجوة وعامله 38 الف عداد كنت تخطب الباب تسمع رنته من كثر ما هو فابريقه ولو عاوزها نظيفه قوى قوى تقدر تسافر بورسعيد هتلاقى مكاتب مخلصها وجاهزة للبيع بدون حظر وفى كمان اكسينت معوقين وفى النترا 2003 و2004 معوقين
يعنى المكاتب دى فين بلتحديد فى بور سعيد ؟؟اقتباس:
المشاركة الأصلية كتبت بواسطة haissam24h
ودى بتكون معلقه نمر ولا لسه يادوب مخلصه اجراءات فك الحظر ولسه ماعلقتش نمر ؟؟
مع العلم انى اعرف ان مبقاش فيه فك حظر اطلاقا الا بعد مرور خمس سنوات صح ولا ايه ؟؟
ياريت الافاده سريعا ياشباب بورسعيد