انا كنت بفكر اعزل الصالون احسن السخونية مولعة العرببية من جوه كنت عايز اعرف في نوع كويس من اللباد الحراري يعزل كويس وكنت عايز اعرف ايه الاماكن اللي اركز على عزلها كويس والعملية دي كاها بتكلف كام ياترى؟
شكرا
عرض للطباعة
انا كنت بفكر اعزل الصالون احسن السخونية مولعة العرببية من جوه كنت عايز اعرف في نوع كويس من اللباد الحراري يعزل كويس وكنت عايز اعرف ايه الاماكن اللي اركز على عزلها كويس والعملية دي كاها بتكلف كام ياترى؟
شكرا
هو السؤال صعب اوي كدة
ياباشا في حل بسيط جدا ؛ جيب اي عازل حراري لفرن البوتاجاز من اي محل قطع غيار بوتاجازات في شارع كلوت بك بالقاهرة حيعزل الحرارة اجدع من اي عازل
يا عم انت تروح عند سروجي كويس ,
بس علشان تبقى عارف فيه نوعين من اللباد :
واحد بيبقى طبقة لباد و طبقة ألومنيوم ,
و الآخر طبقتين من الألومنيوم و بينهم طبقة من اللباد ,
أما بالنسبة لمكان تركيب اللباد فيمكن تركيبه تحت التابلوه , و لازم يتفك التابلوه علشان يتركب صح و يخللي باله من الأماكن اللي بيعدي منها السلك من الحوض , فيفضل تركبي سدادات كاوتش لها قبل تركيب اللباد ,
و يمكن تركيب اللباد في الحوض خلف الموتور بس ده في الغالب ممكن يحتاج فك الموتور لكي يمكن تركيبه.
أنصحك باللباد المكون من طبقتين ألومنيوم و طبقة لباد في الوسط و تركيبهم خلف التابلوه ,
بالنسبة للتكلفة انا مش متأكد لكن أعتقد في حدود 200 ج
و ابقى قولنا إيه الأخبار بعدها.
انا رحت النهارده وركبت العوازل جبت نوعان واحد لباد حراري عادي والتاني لباد مفضض والتوزيع كالاتي اللباد المفضض حطيته في سدر العربية وكمان ففي النص عند عصاية الفتيس واللباد الحراري العادي حطيتوا في الارضيات وركبتو من غير مفك التابلو على حسب كلام السروجي العزل يبقى من برة
على فكره اللعبة كلها اتكلفت 100 جنيه بالحاجات و المصنعية
فعلا ياريت تقول لنا النتيجة والمكان لان انا لسة كنت بسأل على موضوع العزل لان العربية برضه جوة سخنة جدا والتكييف ادائه هايتحسن كتير لما تتعزل العربية المهم سألت سروجى لقيت الموضوع هايتكلف 140 جنيه مع فك التابلوه وده داخل فى السعر
اما من ناحية الوقت هاياخد اليوم كله شغل تقريبا وده ان شايف انه وقت كتير فياريت تفيدنا برضه خد وقت اد ايه فى التركيب؟
النتيجة ايه
النتيجة مش بطالة السخونية الشديدة منعت بس في حاجة زي مايكون دفا عالعوم هي اختلفت عن الاول الحمد للة
ممكن بس سؤال هوا انت بتعرف ازاى ان العزل اللى فى العربية فى غلط مع مراعاة ان الجو الايام دى اصلا حر
لانى فى عربيتى لما كنت جددتها مش فكيت التابلوة ولا التقفيلة اللى تحت التابلوة وفى وصدر العربية
و دلوقتى بعد ما ركبت العربية من تانى وانا ماشى بحس انى بشم سخونة الماتور