هغير لنيتروجين ومحتاج نصيحتكم

**temo85** · 27-09-2012 03:53 PM

جربه و شوف النتيجة ولو معجبكش ارجع للهوا

**mas0h** · 27-09-2012 04:37 PM

المشاركة الأصلية كتبت بواسطة 2code

صحيح انا سمعت برضه ان تسريبه بيكون اقل من الهوا ودي ميزه تانية برضه

يعني رأيكم خلاص اعمل نيتروجين على بركة الله ؟ هيكون احلى من الهوا ؟ لاني بركن العربية احيانا كتير في الجراج عندي فيه بلاط مش اسمنت والبلاط بيسرب الهوا من الاطارات طبعاً لما تتركن فتره فيه وانا خروجي بالعربية قليل

فقلت النيتروجين تسريبه اقل من الهوا الكلام ده صحيح ؟

العملية مش مرتبطة بالتسريب, دي مرتبطة بنسبة تمدد الغاز نفسه مع ارتفاع درجة الحرارة او انخفاضها يعني مش محتاج تغير المقاس فى الصيف او الشتاء زي مابنعمل مع الهوا العادي انا جربته فى عربيتي ومحستش بأي فرق يمكن زى ما الاخوة هنا قالوا علشان مقاس الكاوتس عندي صغير.

**sabregas2010** · 27-09-2012 09:09 PM

المشاركة الأصلية كتبت بواسطة temo85

جربه و شوف النتيجة ولو معجبكش ارجع للهوا

**2CODE** · 28-09-2012 03:34 AM

مكتوب 220 وبين قوسين 32 معني كده اني اعمل الضغط 32 ؟

**m2nmsn** · 28-09-2012 01:47 PM

المشاركة الأصلية كتبت بواسطة hosam_optrawy

اظبط على نفس المقاس بتاع الهوا عادى

ميزة النيتروجين انه بيحافظ على ضغطه اكتر من الهوا , وفى ناس بتحس ان العفشه بقت انعم وناس لأ

بس انت المفروض 32 ياباشا :)

المفروض منا هروح اضبطها تاني بس على 32 ان شاءالله

**m2nmsn** · 28-09-2012 01:48 PM

المشاركة الأصلية كتبت بواسطة 2CODE

مكتوب 220 وبين قوسين 32 معني كده اني اعمل الضغط 32 ؟

ايـــــــــــــــــوه بالضبط كده

**salodas** · 29-09-2012 04:25 AM

يا ريت أعرف التكلفة كام للتغيير من الهوا للنيتروجين ويا ريت أعرف أقرب مكان أقدر أغير فيه يكون قريب من المعراج - المعادى - خلف كارفور

**2CODE** · 29-09-2012 05:35 AM

والله هو بخمسة للفرده يعني بعشرين جنية ده عند الراجل اللي هعمل عنده يوم الاحد بأذن الله

**moha4tec** · 29-09-2012 06:58 PM

مميزات النيتروجين :
1-لا يتاثر بالحراره مثل خليط الهواء العادى .و لذلك فهو يحافظ على عمر الاطارات .
2- يحافظ على ضغط الاطارات صيفا و شتاءا حتى مع تغيير الحراره .
3-يطول عمر الكاوتش نظرا لعدم وجود بخار ماء به (بخار الماء مع الحراره و البروده ,يتبخر و يتكسف بكثره مما يسبب تشققات مع مرور الوقت فى الكوتش و يؤدى الى ان يصبح الكوتش ناشف و غير مرن )على عكس الهواء العادى به نسبة بخار ماء طبعا .
4- احساس وهمى بكتم اصوات الطريق و الارتطام بالمطبات (نظرا لعدم زياده الضغط مع المشاوير الطويله و زياده الحراره عكس الهواء العادى الذى ممكن ان يزيد ضغط الكوتش درجه او درجتين . مما يسبب اصوات ترزيع مع المطبات و الحفر و لا يحدث مع النيتروجين .

و الله اعلم
كل ده استنتاج و بعضه حقائق