عايز اشتري جوز مساعدين

**ziours** · 04-07-2008 01:31 AM

في نوع مساعدين ايطاالي معرفش اسمهم ايه ب 220 جنية الواحد يشتريهم وخلاص و لا في انواع تانية العربية فيات 132
شكرا

**sherif_84** · 04-07-2008 07:15 AM

انت قصدك على البوما ده مساعد ايطالى معروف فى السوق زى المونرو برضه
شوف المونرو كده ده مساعد ممتاز بس ناشف شوية عشان بيديك ثبات كويس والبوما برضو كويس بس أنا مركب فى الشاهين مونرو

**ziours** · 05-07-2008 01:32 AM

هو البوما هو النوع الوحيد الموجود في السوق ايطالي و لا في حاجة تانية اصلي بصراحة انا افضل
اجيب الايطالي وهل البوما دي ايطالي اصلي و لا في مضروب
شكرا

**sherif_84** · 05-07-2008 03:13 AM

أعتقد ان البوما هو المساعد الايطالى المعروف فى السوق انما لو لقيت مساعد ايطالى غير البوما ممكن يكون مضروب

**ziours** · 09-07-2008 12:44 AM

انا رحت لبتاع العفشوة وقالي اجيبلك واحد اسيراد نضيف ب 50جنيه على ان الناحية الشمال عندي هي اللي بايظة و جايبة زيت انما الناحية اليمين كويسه و بتاعة بلدها كنت عايز اسال حد جرب موضوع الاستيراد ده قبل كده وايه رايكو؟
شكرا

**ziours** · 09-07-2008 12:45 AM

انا رحت لبتاع العفشةوقالي اجيبلك واحد اسيراد نضيف ب 50جنيه على ان الناحية الشمال عندي هي اللي بايظة و جايبة زيت انما الناحية اليمين كويسه و بتاعة بلدها كنت عايز اسال حد جرب موضوع الاستيراد ده قبل كده وايه رايكو؟
شكرا

**sherif_84** · 09-07-2008 02:46 AM

سيبك من المساعدين الاستيراد مش هيكملوا معاك شهور وهتلاقيهم ضربوا
شوف بلاش تفكر أصلا فى اى حاجة استيراد لأجزاء العفشة زى المساعدين او علبة الدريكسيون او المقصات لان الحاجات دى لازم تبقى جديدة

**Adham** · 09-07-2008 11:19 AM

ايوة ولا بتبقى استيراد ولا حاجة بيبقى العفشجي عندة مساعد سايبهولة زبون جة غير المساعدين عندة يقوم يبيعه لزبون تاني و يقولة استيراد

و برضة حاياخد مساعدينك لما تغيرهم و يبيع الصالح فيهم او يملاة و يبيعه لزبون تاني

لما باغير مساعدين او طنابير او اي قطع غيار في العربية دايما اخد القديم معايا و ارميهم بمعرفتي برة علشان العفشجي مايشتغلش بيهم زبون تاني على انهم استيراد

**SHLD** · 09-07-2008 11:49 AM

هات جديد أفضل عن تجربة إبعد عن الكلام الفاضي ده الغالي تمنه فيه

**ziours** · 13-07-2008 02:23 AM

,انا متشكر ياجماعة على اهتمامكم اجميل ده وكده هافكر اشتري جديد احسن بدل اشتغلات اولاد العوريف دول اصلهم ملوا البلد
كنت عايز اعرف هل المساعدين دول ممكن يتملوا زي ماالاستاذ ادهم بيقول؟
شكرا