لو سمحتوا ياجماعة انا رايح المطار الجديد انا جاى من المنصورة بعد ما اوصل قليوب اطلع الدائرى من بعد غبور كده ولا ايه ولو هطلع الدائرى هطلع فى اى اتجاه؟
عرض للطباعة
لو سمحتوا ياجماعة انا رايح المطار الجديد انا جاى من المنصورة بعد ما اوصل قليوب اطلع الدائرى من بعد غبور كده ولا ايه ولو هطلع الدائرى هطلع فى اى اتجاه؟
هتطلع الدائرى من تانى طلعه يعنى اول يمين بعد ما تعدى من تحت الدائرى و تكمل طوالى لحد ما تعدى من نفق السلام .... ٨ كيلو و هتلاقى مدخل للمطار على يمينك تخش و هتمشى ٥ كيلو فى طريق واحد مفيش تفريعات هتوصل لمحطة الرسوم و بعديها المطار و فى يفط
لو عديت مدخل المطار متقلقش انزل النزله اللى بعدها مكتوب عليها الماظه و خلى بالك فى اخرها مطب و هتمشى ٥٠٠ متر تلاقى مدخل للمطار برضه يدخلك على نفس الطريق اللى هتمشى عليه حوالى ٥ كيلو
المهم هتروح الساعه كام مش هتروح ازاى
لان الدائرى بيكون معجون
الوصفه السابقه تمام ولكن اعمل حساب الزحمه بعد نفق السلام انشالله هيكون الطريق فاضى ولكن من طلعه قليوب لحد السلام بيكون مقفول تمام
بس ممكن ييجى ازاى من المنصوره ... لو من المنصوره بتعدى على الزقازيق او بلبيس خد بلبيس الصحراوى هيكون اسهل من الزراعى و هتوصل عند طريق مصر اسماعيليه الصحراوى و تنزل كأنك داخل القاهره ... هتطلع كوبرى مدينة السلام و تكمل هتلاقى كوبرى تانى متطلعوش و تلف من تحته و ترجع و ما تطلعش كوبرى السلام ... من جنبه يمين على الدائرى (كأنك طالع من نفق السلام) و تكمل زى الوصفه اللى فوق ... طبعا ده لو الزقازيق و بلبيس فى طريقك و انت جاى من المنصوره
كلام استاذ محمد سليم مظبوط جدا
بص حضرتك انا من ميت غمر اصلا ولاجئ على الطريق ده ميت غمر-مدينه نصر
حضرتك هتدخل الدخله التانيه بتاعت الدائري مش اللي بعد غبور على طول لاء اللي بعد ماتعدي من تحت الكوبري
وبعدها هتفضل ماشي على طوووووووووووول حوال 25-30 كيلو المهم خليك ماسك شمالك عشان ما تغلطش وتنزل اي نزله يمين غلط هتفضل ماسك شمالك لحد ماهتقابل نفق برده شمال هتنزله ده اسمه نفق السلام بعدها بقه امسك يمين وتوكل على الله المطار هيبقى على يمينك برده امسك يمينك وخليك ماشي 90-100 عشان لو اتفاجئت بالمطار تلحق تهدي وفوكك من الطيارين اللي ماشين جمبكك
بالنسبه للدائري برده خالي بالك عشان في اماكن فيها فواصل الكوبري خربانه جدا والطريق كله بيهدي عندها في كمين مش فاكر اسمه ايه كده وبعده بشويه في فاصل غبي اوي ده كله بيهدي عنده فابقى خالي بالك
وربنا يوصلك بالسلامه ان شاء الله
الدائرى حلو الجمعه ماتقلقش بأذن الله