الموضوع: ماستر الفرامل

المشاركة الأصلية كتبت بواسطة yassersaky

السلام عليكم جميعا

دلوقتي يا جماعة انا في مشكلة عندي في عربيتي الدايو لانوس موديل 99
المشكلة اني بحس ان العربية مكلبشة قوي ولما انزل بيها الصبح تمشي كويس شوية وبعد شوية بحس ان العربية بتكلبش والفرامل بتحجر وبحس اني بذق جبل اروح مبطلها دقيقة وابدا اتحرك تكون فكت الكلبشة شوية رحت لميكانيكي راح قالي ماستر الفرامل والسيرفو عايزين تغيير بواحد تاني استيراد فهل الكلام دة صحيح ولا ممكن يكون تيل الفرامل هو اللي قافش بس

بص ياباشا انا هقولك اللي اعرفة

الاعراض دي حصل عندي حاجات اقل منها و اهملتها شوية و هوووووووووب في يوم الفرامل فكت مني و انا علي الدائري و كنت هعمل حادثة

بالنسبة للفرامل المكلبشة فأظن بنسبة 90% ان ده ماستر فرامل عمومي و انا غيرته بواحد جديد اصلي من عند ابوالحسن و مجبتش بتاع الانوس انا جبت بتاع النوبيرا و فعلا الفرامل بقت احسن

نصيحة اخوية والله انا مجرب و عارف انا بقول ايه : اوعي تهمل في الفرامل غير الماستر فورا هو ب 475 جنية بس ده ميجيش ثمن خبطة بسيطة

و موضوع ان الفرامل محجرة ده ممكن يكون سيرفوا بس دي بقي مقدرشي افتي فيها لاني مش متأكد

و ربنا يعملك اللي فيه الخير

راجع الموضوع ده
http://www.nilemotors.net/Nile/304160-a.html

انا اسف يا جماع علي التاخير في الرد
بس متشكرين علي كل اللي رد عليا
بالنسبة لانها بتحدف شمال او يمين ( لا هي ما بتحدفش )

وسؤال هل لو جبت الماستر والسيرفو استيراد يكون فية مشكلة ولا اجيب ماستر جديد احسن