استفسار عن طرمبة مياه المساحات
السلام عليكم ورحمة الله وبركاته
ازيكم يا اخوانى يارب تكونوا في اتم صحه وعافية
وكل سنة وانتوا طيبيين بمناسبة دخول العام الدراسى الجديد
انا عملت حادثة بالعربية يعنى كانت جامدة شوية
الاكصدام اتطبق من ناحية اليمين
غطا الكبوت اطبق والمفصلات اتعوجت
والشاسيه اتعوج سنة
الحمد لله على كل حال
المهم الحاجات ديه كلها اتعملت الحمد لله
بس المشكلة ان طرمبة ميه المساحات اتخرمت واطبقت هل فيه حل ليها يعنى ممكن تتلحم
ولو ممكن حد يعرف حد كويس
وعايز كمان اتأكد ان الماتور اللى راكب فيها شغال الا لا قبل ما اصلحها اتأكد من الحكاية ديه ازاى
ولو مش هتنفع اجيبها منين وهتبقى في حدود كام
و جزاكم الله خيرا
وربنا يحفظنا جميعا من كل سوء