مش عارف انزل العاب على ال s3

**hany63** · 27-09-2012 11:24 AM

صباح الخير
بصراحه هبتدي اتخنق من الاندرويد
انا جايب ال s3 بعد ما سمعت اشعار و رغم اني كنت لسه شاري الايباد 3 من شهرين قلت يا واد هات ال s3 و تبقى جمعت النظامين رغم انك مش هتقدر توصلهم ببعض
المشكله تنحصر ان الالعاب الحلوه بفلوس قلنا ماشي تييجي تجيبها يقول لك اللعبه مش مخصصه تتباع في مصر و ده عشان احنا ولاد الغساله
تنزل اللعبه مكركه من موقع 4shared.com بعد ما تتستب و تعمل داون لود بالجيجا تدي error وما تشتغلش
ياريت ياجماعه تفيدوني بخبراتكم زي ما عملتوا معاي في الايباد 3 و شغال عليه كل الالعاب تحفه و ببلاش

**MohssenRashed** · 27-09-2012 11:46 AM

متابع

**ahmedfd** · 27-09-2012 12:20 PM

أولاً مبروك على الـ S3.
ثانياً يا راجل دا الأندرويد أسهل حاجة في الدنيا.. إنت ممكن تنزل Application إسمه Market Enabler للتغلب على قصة التطبيقات اللي مش شغالة في مصر، و فكرته بكل بساطه إنك بتخدع الماركت إنه بيفتكر إنك في بلد تانية و ده بصورة مؤقته لحد متنزل التطبيقات اللي إنت عايزها.
بالنسبة للتطبيقات بفلوس طبعاً مش هتعرف تدفع بـ paypal لإنه مش شغال في مصر فأنا دايماً بنزلها .apk من أي موقع و منها apkmania و مفيش مشكلة.
على كل إستنى محترفي الأندرويد في المنتدى لمعلومات أكثر إن شاء الله.

**speed demon666** · 27-09-2012 12:51 PM

دور على البلاك ماركت ده بيجيبلك كل البرامج و الألعاب اللي بفلوس ببلاش

**hany63** · 27-09-2012 12:53 PM

المشاركة الأصلية كتبت بواسطة ahmedfd

أولاً مبروك على الـ S3.
ثانياً يا راجل دا الأندرويد أسهل حاجة في الدنيا.. إنت ممكن تنزل Application إسمه Market Enabler للتغلب على قصة التطبيقات اللي مش شغالة في مصر، و فكرته بكل بساطه إنك بتخدع الماركت إنه بيفتكر إنك في بلد تانية و ده بصورة مؤقته لحد متنزل التطبيقات اللي إنت عايزها.
بالنسبة للتطبيقات بفلوس طبعاً مش هتعرف تدفع بـ paypal لإنه مش شغال في مصر فأنا دايماً بنزلها .apk من أي موقع و منها apkmania و مفيش مشكلة.
على كل إستنى محترفي الأندرويد في المنتدى لمعلومات أكثر إن شاء الله.

الله يبارك فيك
البرنامج بتاع تغيير البلد بينزل من الماركت و لا منين؟
وبالنسبه لموقع apkmania كل ما اجي اعمل داونلود يقوم فاتح سايت مالوش لزمه اسمه adf.ly