استفسارات عن BMW 318i 2005

[COLOR="rgb(0, 100, 0)"]السلام عليكم و رحمة الله و بركاته
[/COLOR]

انا ناوى باذن الله تعالى على شراء الموديل 318 highline موديل 2005

و انا مش عندى خبرة نهائى عن BMW (عربيتى تويوتا كورولا )


فياريت خبرائنا يوضحوا شوية استفسارات عن العربية دى

أولا: متوسط سعر العربية المستعملة كام

ثانيا: شوية معلومات عن اداء العربية (انا كل اللى اعرفه انها 2000cc بس) و متوسط استهلاك البنزين؟؟

كمان قطع الغيار اخبارها ايه (أسعارها و توفرها من الاساس)


و عذرا على الاطالة ,,,,و لكن لجهلى التام عن العربية


تـــحـــيـــاتــى للجميع

بعد التحيه ،
- اسعارها فى رنج 130 الف بشرط الحاله الممتازه ...
- متوسط استهلاك بنزين 7.5 لتر/100 كم بشرط حاله الموتور الجيده ...
- موتور 1996 سى سى - 143 حصان ...
- قطع الغيار متوافره و لكن طبيعى اغلى من التويوتا بنسبه 35-40%
- حتلاقى كتير من مراكز الخدمه شغالين فيها نظرا لقدمها لان الموديل ده من 1999...
- انصحك بالموديل الى بعدها e90/320 مو 2006 - نفس الموتور و لكن 150 حصان و رنجها فى حدود 145 الف بشرط الحاله الممتازه ...
- اهم نقطه عند شراء البى-ام المستعمل الكشف الجيد جدا و العلم بحاله العربيه ...
تحياتى ...

اقتباس:

---

المشاركة الأصلية كتبت بواسطة Batman372

بعد التحيه ،
- اسعارها فى رنج 130 الف بشرط الحاله الممتازه ...
- متوسط استهلاك بنزين 7.5 لتر/100 كم بشرط حاله الموتور الجيده ...
- موتور 1996 سى سى - 143 حصان ...
- قطع الغيار متوافره و لكن طبيعى اغلى من التويوتا بنسبه 35-40%
- حتلاقى كتير من مراكز الخدمه شغالين فيها نظرا لقدمها لان الموديل ده من 1999...
- انصحك بالموديل الى بعدها e90/320 مو 2006 - نفس الموتور و لكن 150 حصان و رنجها فى حدود 145 الف بشرط الحاله الممتازه ...
- اهم نقطه عند شراء البى-ام المستعمل الكشف الجيد جدا و العلم بحاله العربيه ...
تحياتى ...

---

السلام عليكم و رحمة الله و بركاته

ألف الف شكر أخى الكريم على التفاعل و الرد

و الله فعلا انا كنت مش عارف و لا معلومة عن العربية ..ربنا يجازيك خير ان شاء الله

بالنسبة لموضوع ال 320 2006 ,,,,, اعتقد سعرها هيكون أكتر من 145000 بكتير لان ال shape بتاعها متغير للشكل الجديد

كمان انا احيانا بلاقى معارض شغالة فى بى ام دبليو بس عاملة اعلانات فى اللاهرام (لو فيه حاجات زى كده موثوق فيها و معروفة يا ريت تقولى عليها)

اخيرا جزاك الله خيرا و اسف على الاطالة

تحياتى

اقتباس:

---

المشاركة الأصلية كتبت بواسطة mahmoud.sroor

السلام عليكم و رحمة الله و بركاته

ألف الف شكر أخى الكريم على التفاعل و الرد

و الله فعلا انا كنت مش عارف و لا معلومة عن العربية ..ربنا يجازيك خير ان شاء الله

بالنسبة لموضوع ال 320 2006 ,,,,, اعتقد سعرها هيكون أكتر من 145000 بكتير لان ال shape بتاعها متغير للشكل الجديد

كمان انا احيانا بلاقى معارض شغالة فى بى ام دبليو بس عاملة اعلانات فى اللاهرام (لو فيه حاجات زى كده موثوق فيها و معروفة يا ريت تقولى عليها)

اخيرا جزاك الله خيرا و اسف على الاطالة

تحياتى

---

- الشكر لك
بالنسبه لل 320 مو 2006 هذا هو سعرها السوقى من شهور بشرط الحاله الجيده.
يفضل الشراء من البائع مباشره لأن اى معرض بيحط ربح مش أقل من 10/15 ألف
تحياتي ...

اقتباس:

---

المشاركة الأصلية كتبت بواسطة batman372

- الشكر لك
بالنسبه لل 320 مو 2006 هذا هو سعرها السوقى من شهور بشرط الحاله الجيده.
يفضل الشراء من البائع مباشره لأن اى معرض بيحط ربح مش أقل من 10/15 ألف
تحياتي ...

---

شكرا جزيلا أخى الكريم

انا لاحظت ان متوسط سعر ال 320 2006 حوالى 150000: 160000 تقريبا

عموما هو الفرق بينها و بين ال 2005 فى السعر مش كبير أوى

بس السؤال الأهم هل سعر قطع غيارها فى نفس مستوى السعر و لا أغلى بكتير


و مرة تانية شكرا على معلوماتك المفيدة و جزاك الله خيرا

اقتباس:

---

المشاركة الأصلية كتبت بواسطة mahmoud.sroor

شكرا جزيلا أخى الكريم
انا لاحظت ان متوسط سعر ال 320 2006 حوالى 150000: 160000 تقريبا
عموما هو الفرق بينها و بين ال 2005 فى السعر مش كبير أوى
بس السؤال الأهم هل سعر قطع غيارها فى نفس مستوى السعر و لا أغلى بكتير
و مرة تانية شكرا على معلوماتك المفيدة و جزاك الله خيرا

---

بعد التحيه ،
- الاسعار ديه لو العربيه فى رنج 100 الف كم و تكون بحاله ممتازه - يعنى مش مطلوب اى صيانات .... لان لو صاحبها مهمل فيها و عايزه شويه صيانات بقطع غيارها ممكن تكلفك 10/15 الف جم .... فأكشف كويس جدا فى التوكيل ...
- قطع الغيار لل e90 متوفره خارج التوكيل لانها من 2006 و هى اغلى حوالى 20% من ال e46 ...
تحياتى ...

شكرا على المتابعة و الافادة,,,جزاك الله خيرا

بس انا لاقيت مشاركة من عضو كريم عنده ال e90

اقتباس:

---

المشاركة الأصلية كتبت بواسطة mohamed_elhawa

السلام عليكم جميعا حد عندو فكره عن فتيس ال٣٢٠ e90 2006 لما بتيجي تهدي بتحس بالغيارات و بالزات من الغيار التاني للاول فيه نطره جامده اللي عنده فكره عن الموضوع ده ياريت يفهمني

---

و ده رد لاقيته من احد الاعضاء عنده نفس العربية

اقتباس:

---

المشاركة الأصلية كتبت بواسطة adolf

الموضوع ده منتشر جدا من موديل ٢٠٠٦ حتى ٢٠٠٨.....انا عندي نفس المشكلة بس بحس بيها اكتر لما العربية تقف!!! بحس كأن حد خبطنى من ورا.......فيه ناس بتقول ان دي مشكلة سوفت وير و فى الحالة دي بتروح تنزل السوفت وير الجديد و ده بيتكلف حوالى الف جنية عند منصور او الشيخ طارق

---

هل ده فعلا عيب شائع فى الموديل ده ؟
و هل فيه حاجات تانية فى الموديل ده (انت عارف دايما لما موديل بيتغير أول version منه بيبقى فيه شوية مشاكل و بتتحل فى السنين اللى بعدها)

اقتباس:

---

المشاركة الأصلية كتبت بواسطة mahmoud.sroor

شكرا على المتابعة و الافادة,,,جزاك الله خيرا
بس انا لاقيت مشاركة من عضو كريم عنده ال e90
و ده رد لاقيته من احد الاعضاء عنده نفس العربية
هل ده فعلا عيب شائع فى الموديل ده ؟
و هل فيه حاجات تانية فى الموديل ده (انت عارف دايما لما موديل بيتغير أول version منه بيبقى فيه شوية مشاكل و بتتحل فى السنين اللى بعدها)

---

لا مش عيب شائع ... و فى عالم و قاموس بى-ام عاما مفيش حكايه "شويه المشاكل و تتحل فى السنين اللى بعدها " لان كل شيب/موديل يتم عليه كل التجارب الممكنه حتى يتم اعلانه كل 7 سنوات ..... و كل حاله من الى ذكرتهم اكيد لها سبب مختلف يؤدى الى ذلك خصوصا تعدد عدد ملاكها ...و غالبا كما ذكروا اعاده لبرمجه السوفت وير ... و انا عن نفسى اعرف حوالى 15 صديق امتلكوا e90 من الزيرو و بدون ادنى مشكله من اى نوع ... تحياتى ...

اقتباس:

---

المشاركة الأصلية كتبت بواسطة Batman372

لا مش عيب شائع ... و فى عالم و قاموس بى-ام عاما مفيش حكايه "شويه المشاكل و تتحل فى السنين اللى بعدها " لان كل شيب/موديل يتم عليه كل التجارب الممكنه حتى يتم اعلانه كل 7 سنوات ..... و كل حاله من الى ذكرتهم اكيد لها سبب مختلف يؤدى الى ذلك خصوصا تعدد عدد ملاكها ...و غالبا كما ذكروا اعاده لبرمجه السوفت وير ... و انا عن نفسى اعرف حوالى 15 صديق امتلكوا e90 من الزيرو و بدون ادنى مشكله من اى نوع ... تحياتى ...

---

شكرا مرة تانية على الردود المفيدة و المتابعة


و الله انت اللى خلتنى افكر فى موضوع ال e90 عشان انا كنت فاكرها ب 200000 و لا حاجة

بس ما دام ان فرق السعر بين الاتنين 20000,,يبقى اصبر كام شهر لما ادبر الفرق و اكون كسبت موديل احدث

بس بينى و بينك,,انا لما دورت على اسعا قطع الغيار اكتشفت ان التويوتا فى متناول الجميع فعلا :grinder::grinder::grinder:

فروق الاسعار احيانا فى بعض القطع بتكون 3 اضعاف و 4,,,,بس طبعا الموضوع مختلف و المقارنة ظالمة

مرة تانية شكرا جدا و اكيد استفدت جدا من خبرتك ...السلام عليكم و رحمة الله و بركاته

يخصوص قطع الغيار والمقارنه مع تيوتا هى مش ثابته...

يعنى القطع الاستهلاكيه (فلاتر, بوجيهات, سيور, تيل, الخ) البى ام تقريبا مره ونص التويوتا
القطع المتوسطه العمر (طنابير, مساعدين, مقصات, رادياتير, طلمبات) البى ام ضعف التويوتا
القطع التقيله بقى (علبة دريكسيون, فتيس, الخ) فعلا 3 و4 اضعاف

عشان كده الكشف على الاساسيات مهم جدا....اى حاجه تانيه هاتتلم ب 8-10 الاف جنيه وترجع حاله ممتازه

اقتباس:

---

المشاركة الأصلية كتبت بواسطة maskeen

يخصوص قطع الغيار والمقارنه مع تيوتا هى مش ثابته...

يعنى القطع الاستهلاكيه (فلاتر, بوجيهات, سيور, تيل, الخ) البى ام تقريبا مره ونص التويوتا
القطع المتوسطه العمر (طنابير, مساعدين, مقصات, رادياتير, طلمبات) البى ام ضعف التويوتا
القطع التقيله بقى (علبة دريكسيون, فتيس, الخ) فعلا 3 و4 اضعاف

عشان كده الكشف على الاساسيات مهم جدا....اى حاجه تانيه هاتتلم ب 8-10 الاف جنيه وترجع حاله ممتازه

---

شكرا اخى الكريم على المعلومات المفيدة

لو الفروق الضعف بس تبقى مقبولة جدا

و أكيد ان شاء الله قبل الشراء مباشرة هاخد رأيكم و افضل الاماكن اللى بتعمل الكشف


مرة تانية شكرا جدا

اقتباس:

---

المشاركة الأصلية كتبت بواسطة mahmoud.sroor

شكرا مرة تانية على الردود المفيدة و المتابعة - و الله انت اللى خلتنى افكر فى موضوع ال e90 عشان انا كنت فاكرها ب 200000 و لا حاجة - بس ما دام ان فرق السعر بين الاتنين 20000,,يبقى اصبر كام شهر لما ادبر الفرق و اكون كسبت موديل احدث - بس بينى و بينك,,انا لما دورت على اسعا قطع الغيار اكتشفت ان التويوتا فى متناول الجميع فعلا :grinder::grinder::grinder:
فروق الاسعار احيانا فى بعض القطع بتكون 3 اضعاف و 4,,,,بس طبعا الموضوع مختلف و المقارنة ظالمة - مرة تانية شكرا جدا و اكيد استفدت جدا من خبرتك ...السلام عليكم و رحمة الله و بركاته

---

لا شكر على واجب و انا تحت امرك فى اى استفسار ...
تاكد ان e90 غير e46 تماما للافضل ... لكن العثور على بى-ام مستعمل 6 سنوات بحاله ممتازه ليس بالسهل و محتاج صبر و تأنى شديد حتى العثور على الحاله الممتازه بالسعر الواقعى/المناسب ...
تحياتى ...