استفسار هام للسادة المهندسين في المنتدي و اللي مش المهندسين برضه عادي يعني :)

السلام عليكم

بأختصار انا بشتغل دلوقتي Quality control Engineer في اكبر شركة بمجالها في مصر، انا بقالي شهر بالظبط في الشركة بس بصراحة صدمت من طبيعة العمل اللي مفيهوش اي نوع من انواع الهندسة ولا ليه علاقة باللي درسته من قريب او من بعيد، فالمطلوب مني حاليا الوقوف علي خط الأنتاج ومتابعة اي شيء مخل بجودة المنتج وبعدين احاول مع الفنيين علي الخط يصلحوه معرفتش ببلغ مديري وهو يقلي اعمل ايه ..فبصراحة انا مصدوم لأن كنت راسم في دماغي حاجة تانية..فياريت من السادة المهندسين اللي في المنتدي واللي عندهم خبرة في الشغل يقولولي هل دي هي طبيعة عمل الوظيفة دي ولا في حاجات تانية ممكن تتعمل الله اعلم ايه هي..

بصراحة انا مصدوم وبصراحة برضه الشغل ده جالي بعد لف وبهدلة كتيرة والشغل الحمد لله مميزاته المادية ممتازة بس طبيعة الشغل اللي مش عاجبني واكيد لو طلبت اتنقل ادارة تانية زي التصميم هيدوني شلوت ويقولوي بالسلامة ده انت لسه جاي اول امبارح وعايز تتنقل النهاردة.

مستني ردودكم

أنا اللى أعرفه من خلال شغلى ان مجال quality control انه كويس.......وليه علاقة بالهندسة ......بالعكس....دا متخصص أكتر لأنه بيتكلم على مدى تطبيق ال Code (المراجع العالمية) فى أرض الواقع......هو بس ممكن يكون بتظهر قيمته أكتر فى المشاكل......لكن هو مجال كويس.....ولو اتملكت منه كويس ......هتظهر أكتر من أى مهندس مشروع او مهندس موقع

كود ومراجع عالمية :) ...لأ عندنا مفيش الكلام ده ..احنا عندنا الموضوع محدود اوي ..بمعني انك لو في حاجة مش صح في المنتج علي الخط اتشقلب وحلها ..وفي ساعات بتبقي حاجات خارجة عن ارادتك لأنها بتبقي عيب من المورد اللي بيورد الجزء ده ..ومتقدرش تقول غيروا المورد لأن دي سياسة الشركة وانت ملكش انك تقول غيروا ده ومتغيروش ده ..هو ده الشغل بالظبط ..لأ فيه اكواد ولا يحزنون

انا بشتغل فى البترول.....وعندنا الجودة والتفتيش مهم ومطلوب الرجوع للكود والمراجع
زى حاجة اسمها api و asme
فا من ناحية الهندسة.....فيها هندسة......لكن للأسف مش فى كل المجالات

Your task is important! You're considered as a process quality engineer and you're the eye of the customer inside your plant.

حب ماتعمل حتي تعمل ماتحب .... بس كدة..

اقتباس:

---

المشاركة الأصلية كتبت بواسطة Mohamed_Rashad

Your task is important! You're considered as a process quality engineer and you're the eye of the customer inside your plant.

---

Is it important only for that reason?,, am talking about the job responsibilities which i didn't find it have an relationship with my engineering degree, simply i discovered that any one have any qualification can do this job.

اقتباس:

---

المشاركة الأصلية كتبت بواسطة hazemhany

Is it important only for that reason?,, am talking about the job responsibilities which i didn't find it have an relationship with my engineering degree, simply i discovered that any one have any qualification can do this job.

---

مش ممكن تكون الوظيفة دي أول درجة في السلم! ممكن في خلال 5 سنين مثلاً تبقى Quality Manager!
على ما فهمت من كلامك! العيب مش في الوظيفة! العيب في الشركة! < ده رأيي الشخصي>
سؤال: أنتم في الشركة كفريق العمل في الجودة, بتشتغلوا بنظام PPAP و لا لأ؟!

من خلال خبرتى حوالى 18 سنة فى الهندسة . أقولك بمنتهى الصراحة لا يوجد qc فى الوطن العربى بالمعنى الحقيقى كما هو بالخارج ....إلا ما رحم ربى

اقتباس:

---

المشاركة الأصلية كتبت بواسطة ahmedwagdy03

من خلال خبرتى حوالى 18 سنة فى الهندسة . أقولك بمنتهى الصراحة لا يوجد qc فى الوطن العربى بالمعنى الحقيقى كما هو بالخارج ....إلا ما رحم ربى

---

فيه في الشريكات الملتي ناشونال بس
وده الي شفته بعيني خلال تدريبي في المصانع اما المصانع المصري :C_laugh[1]: