الموضوع: ايه رايكم فى الريو الهاى لاين

بص يا باشا
سعرها 113000
و ديه الفئه الى قبل الهاى لاين من الأوتوماتيك وكيل
1 air bag
فوج لايت ,بلوتوث,جنط 15 (و الستبن كمان جنط 15) ,مرايات كهرباء ظبط فقط,درج الطابلوه فى مخرج للتكييف (ثلاجه),
طبعا تكييف,سنتر,ريموت و فتح الشنطه من الريموت

العربيه أستلمتها من السبع ألى فى شارع النزهه
و أخدت دواسات , فواحه , مج وعلبه مناديل و كمان عقد صيانه مجانى لحد 20000km أو سنه

لو عايز تعرف كماليات الهاى لاين أدخل على موقع كيا حتلاقى مواصفات كل الفئات

بالنسبه لرأيى فيها

الريوعربيه بسم الله ما شاء الله ناعمه و الباور ناعم و جميل جدا و بيتقل مع السرعات الأعلى
عزم العربيه كويس مش حاسس أن فى مشكله فى السحب أو التسارع (طبعا أنا لسه فى الأول لما أمشى بيها شويه حتبان أكتر)
العربيه واسعه و الأضائه الداخليه كويسه
وضع زراير رفع الزجاج الى على الشمال مش مريح شويه
موضوع الرؤيه الأماميه فعلن أنتا أخرك شايف الطابلوه بس ده عادى فى العربيات الجديده
حلو أن المرايات الجانبيه مثبته فى الابواب بيديها مدى أكبر و كمان عملوا زجاج شفاف فى المكان القديم لتسهيل الرؤيه الجانبيه من الأمام ( عند العجل يعنى)

أنطباعى العام :الحمد لله مبسوط جدا و حاسس أنى أخترت صح

نصبحه أخيره لو مش فارق معاك موضوع الضمان هات خليجى
أنا جبت الوكيل علشان كنت خايف من مشاكل العربيه و خصوصا أن العربيه لسه جديده و ممكن يكون فيها مشاكل (زى الزملاء الأفاضل أتكلموا عنها هنا فى المنتدى)

(على فكره أنا أخدت جزء من كلامى فى موضوع سابق ) و دور كمان حتلاقى كتير من الأعضاء كاتبين تقييمهم للعربيه

أرخم حاجه فى العربيه أستهلاكها للبنزين أستهلاك 1600 cc
بمعنى أصح دواسه البنزين حساسه أوى ,لو رجلك خفيفه على البنزين معتقدش حتلاقى مشكله فى البنزين

شوف العربية دي انا ركبت كتير قبل ما اشتريها كنت عايز اقرر وبجد دي اعلى عربية ركبتها من كل الاتي : سيراتو - النترا - سونك - اكسنت - كروز وغيره من اللي كنت بجرب فيهم مع اصحابي لغاية ما قررت في الريو

ببساطة شديدة كفاية ان معاك فرامل abs و ebd و 2 ايرباج في الهاي لاين

نصيحتي لوجه الله اشتري توكيل العربية جديدة ومحدش فاهم لها اي حاجة في اي حاجة غير التوكيل لغاية ما العربية تكون مع ناس كتيره لانها لغاية دلوقتي نادرة لان الشركة بتنزل منها قليل

والتوكيل هيقول لك حجز واستيلام بعد 3 شهور لانها فعلاً عربية نادرة في مصر والمحلات بره هتقول لك اوفر برايس او الخليجي تستلمه وانت واقف