الموضوع: عايز عربية حلوة ان شاء الله فى حدود 30 الف

اولا اهلا بيك في قسم سيات

اعتقد حضرتك بتقارن بناء علي السعر وليس كركوبة العربية
الثلاثة بعاد عن بعض تماما ومفيش اي وجه مقارنة بينهم
الأولي ياباني وليها ركيبها (اللي حابب العربية الواطية والتجميع السريع وبيحب عموما ركوبة الياباني)
الثانية عربية اوروبي ليها مواصفات العربية الأوروبي واللي بتختلف عن الياباني علي الأقل في سعر قطع غيارها
الثالثة عربية هاتشباك فيها روح الشباب والأنطلاق وحجمها وتصنيفها مختلف كتير عن التمبرا واللانسر

حدد حضرتك اختياراتك بناء علي استخدامك وعلي اسلوب حياتك وعدد افراد اسرتك وامكانياتك في الصيانة وقطع الغيار

القاسم المشترك بينهم كلهم انهم عربيات اعتمادية وقليل الصيانة والمشاكل وقطع غياره بتعيش

تحياتي لحضرتك
ونورت قسم سيات

المشاركة الأصلية كتبت بواسطة drahmed80

شكرا لحضرتك .. دة نورك

انا عايز عربية تكون فى حدود السعر دة ... وممكن ازود 5 كمان
بس تكون قوية تستحمل السفر .... قطع غيارها متوفرة واعتمادية ومعمرة ... صالونها مريح ... قليلة الاعطال ... وطبعا موفرة فى البنزين

اهو شوفت بقي حضرتك ازاي دلوقتي كتبت احتياجاتك من العربية وامكانياتك وانت عايزها تعمل بيها ايه

بص يا سيدي

انا طبعا هتكلم عن السيات الأبيزا باعتبار ان حضرتك في قسم سيات
أما لو حضرتك عايز مقارنة فممكن حضرتك تعمل الموضوع دة في قسم المقارنات

بالنسبة للسيات الأبيزا كعربية
1- كمظهر عام - العربية شبابية وبتخطف العين للوهلة الأولي - بمعني ادق ليها طلة اول لما تمر من جمبك
2- قطع الغيار - متوفرة بفضل الله جديد ومستعمل وبأسعار متناسبة جدا مع كونها اصلية سواء الماني او اسباني ومعمرة بفضل الله
3- الصيانة - طول ما ايدك في العربية هتلاقي اعطالها قليلة جدا ان شاء الله - وبالنسبة للميكانيكية فهي عايزة الميكانيكي بتاعها اللي يفهمها
4- الأستهلاك - سواء كان الموتور 1000 انجيكشن او 1300 كربراتير او 1400 انجيكشن - الثلاثة موفرين جدا في البنزين والحمد لله ومعدلات استهلاكهم اقل بكثير من مثيلاتهم
5- القدرة علي السفر - انا هتكلم عن المحرك ال1000 - المحرك كقدرة حصانية فهو 50 حصان ولما تمشي بيه علي الطريق ماتحسش ابدا انه 1000 كسرعة وكمسافات ويفرق عن ال1300 في 5 حصان فقط وعن ال1400 في 10 حصان فقط وكان في احد الزملاء هنا في القسم قطع بيها مسافة 1300 متر في يوم واحد فقط سفر من والي الصعيد في نفس اليوم وبسرعة قصوي 160 كم/ساعة
6- المساحات الداخلية - العربية كصالون تستوعب 4 اشخاص بالغين وانا شخصيا ركبت فيها 8 منهم 3 اطفال و5 بالغين - بس يعيبها صغر حجم شنطتها

لو عندك اي استفسار اخر انا تحت امرك
لا تتردد في السؤال عن اي شئ

والله المستعان
،
،