كساء التابلوه جلد

**وائل شويخ** · 28-09-2012 12:35 AM

من يومين تقريبا وضعت موضوع بأسم أعمل التعديل ده فين

وده رابطة http://www.nilemotors.net/Nile/310046-a.html

وبعد سماع أراء الخبراء والمشرفين

قررت أنفذ الفكرة لوحدى

روحت سالت على أنواع الجلود والنضيف منها ولقيت أنواع كتير وبأسعار مختلفة
وأشتريت نوع صناعة تايلندى ستاندرد كواليتى

وقولت اجرب نفسى فى حاجة صغيرة واشتريت متر واحد فقط وعلبة كلة ربع كيلو

المتر ب22 والكلة ب4 جنية

وفكيت القطعه إلى موجوده فوق حزام الامان علشان اجرب واتعلم فى قطع صغيرة وسهل

علاج عيوبها فى حاله تلفها

دى صورة القطعة قبل اللزق

وأبتديت فى فرش الكلة على القطعة وتركتها تشد شوية وقصيت الجلد على قدها

المهارة هنا تكمن فى طريقة اللزق وبئيت أسحب أيدى فوق الجلد بحيث أنى متركش أى هواء

تحتيه وكانت النتيجة فوق مكنت أتوقع من نفسى

وأتجرئت شويه وفكيت العتبة والزاوية الى موجوده تحت التابلوه

ودى صورهم قبل وبعد اللزق

وأن شاء الله نويت أكمل العربية كلها من الداخل وصولأ للتابلوه بس كل يوم كده قطعة أو أتنين

وان شاء الله سأكتب تقرير عن كل قطعه فى هذا الموضوع

أرجو منكم كتابة أرائكم ومقترحاتكم

وشكرا

**pop man** · 28-09-2012 02:55 AM

تمام اوى وكويس انك بتشتغل بأيدك وياريت تقولنا جبت الجلد منين ومستنن التقرير الكامل ياباشا

**SunSet** · 28-09-2012 12:58 PM

ربنا يوفقك

**Amr Axel** · 28-09-2012 01:50 PM

ما شاء الله الله اكبر
ايوة كده احب انا التقارير دي ههههههه
تسلم ايديك يا أ \ وائل ع الشغل ده
بس عايز تدي فخامة بقي للجلد بحيث اللي يحط ايديه يحس بشغل تاني طبقة سفنج رفييييعة جدااااااااااااااا تحتيه لو تقدر تظبطها اتفرج ع الشغل مقدرتش برده شغال تمام
و اهم حاجة فعلا تفرغ الهوا
و ممكن تخلص كل القطع الصغيرة في العربية و تسيب التابلوه للأخر خالص لحد ما ايديك تاخد مع الشغل ممكن تكتشف حاجة تتعمل فالشغل يبقي طلع التبلوه احلي و احلي :)
و لو عايز تطلع اللون زي الصورة اللي شوفناها هتجيب جلد من اللون الفاتح و الغامق و تخيطهم عند اي حد و بعدين تلزق و تشد بلاش تلزق كل لون لوحده بدون خياطة عشان مش هيطلع مظبوط
و في انتظار باقي التقارير و يا ريت تكون الصور اكبر شوية لأنه هيكون فعلا موضوع حصري
و ده مركز رفع الصور للمنتدي
http://www.nileup.com/

**وائل شويخ** · 29-09-2012 08:29 AM

شكرا لكم جميعا على أثنئكم وأقراحاتكم وأعدكم بالجديد أن شاء الله

**وائل شويخ** · 30-09-2012 10:02 PM

المشاركة الأصلية كتبت بواسطة pop man

تمام اوى وكويس انك بتشتغل بأيدك وياريت تقولنا جبت الجلد منين ومستنن التقرير الكامل ياباشا

شوف ياباشا انا سألت على كل أنواع الجلود وأفضل نوع هو الفرنساوى وده بيكون أرضية فقط ودايما تلاقية فى الميكروباسات والاوتوبيسات الى هى المركبات ألى عليها ضغط وده بيتراوح سعرة من 150 ألى 180

يليه التايلندى وده شبهنا وده بيتراوح أسعارة بكافة أنواعه من 20 ألى 40

وفيه اللباد والعاذل ألى هو فيه وجه سلفلا واللباد إبلى شبه بطاطين الجيش

ودى أسعارهم من 10 حتى 25 حسب النوع والخامة

وبخصوص التقرير أنا بدأت أشتغل فى بعض القطع لكن طبعا على أيام طويلة هيكون التقرير جاهز
وده لأنى بشتغل فيها كل يوم ساعة أو أتنين لأنى مشغول باقى اليوم

أرجوا أن أكون أفدتك

وشكرا

**alking_2006** · 01-10-2012 11:33 AM

شغل عالى و الله ينور فعلا

ما شاء الله دمياط ببقى مبسوط قوى لما انزلها علشان مبدووورة ماروتى

**waelgam2005** · 04-10-2012 01:10 PM

معلش انا عاوز اسال بخصوص انك هتحط على التابلوه كله وهتلزق فا لو حبيت تشيل الجلد ده تانى مش كدا التابلوه يعتبر باظ والكله هتبقى لزقت فيه ومش هيطلع ولا هيبقى ازاى؟