رحله الحيره بين البيكانتو الوكيل و لا الخليجى

السلام عليكم و رحمه الله و بركاته

ان شاء الله ناوى اجيب لزوجتى بيكانتو اوتو بعد الف و الدوران على العربيه

محتار اجيب الوكيل ضمان 5 سنوات بسعر 86000 وكماليات 2 زجاج كهرباء و باور و تكيف مرايات كهرباء و جنط 14و مفتاح ريموت عادى

و فى عند سمير ريان بسعر 86500 مواصفات سعودى 4 زجاج كهرباء و باور و تكيف و مريات كهرباء ضم بأشارات و مفتاح ضم
و جنط 14 احلى من الوكيل و كاسيت اصلى بلت ان و بلوتوث و طارة مالتى و اضائه فى الشماسات و الكنسول
واسبويلر خلفى و مقابض نيكل و عتب

الخليجى تسليم فورى
الوكيل حجز و استلام بعد شهر

سؤال هل فعلا العربيات الخليجى بتفرق عن الوكيل فى التكييف و الدهان و لا ده كلام تجار و خلاص؟؟؟؟

اعمل ايه ارجو المشورة من الأخوة

شوف الميزه في التوكيل حاجة واحده بس هي اذا ليك حق هتاخده بالزوق بالعافية هتاخده

لكن الخليجي وفيه عيب صناعة (انا بسميه بطيخة مقفوله والله) هتروح للتوكيل بعيب الصناعة ده يقول لك ادفع المبلغ كامل للقطعة لانك برا الضمان هتقول له اي حاجة هيقول لك خلاص ارجع لوكيل الدولة اللي اشتريت منها

وده حقه طبعاً قانوني

صلى صلاة استخاره

ان شاء الله استقريت على الخليجى و ربنا يكرم و اعمل تقرير كويس ليها

خليجى طبعا عشان معندناش توكيلات محترمة اصلا .. توكل على الله

انا اشتريت الخليجي من اسبوعين بنفس السعر دة و اشتريتلها ضمان سنة ب 1200 جنيه و كان فيه 3 سنين ب 1800 جنيه. حضرتك ممكن تعمل كدة برضو عشان تبقي مطمن.بس انا بتاعتي مفيهاش مرايات ضم و لا اشارات ف المرايات

اقتباس:

---

المشاركة الأصلية كتبت بواسطة شيماء

انا اشتريت الخليجي من اسبوعين بنفس السعر دة و اشتريتلها ضمان سنة ب 1200 جنيه و كان فيه 3 سنين ب 1800 جنيه. حضرتك ممكن تعمل كدة برضو عشان تبقي مطمن.بس انا بتاعتي مفيهاش مرايات ضم و لا اشارات ف المرايات

---

أخبار التكييف أية ؟؟

انا ميال للخليجى امكانيات اعلى بكتير جدااااااااااااااااااااااا ااااااااااااااااااااااااا اا

اقتباس:

---

المشاركة الأصلية كتبت بواسطة midnightman_74

أخبار التكييف أية ؟؟

---

التكييف كويس.بس الله اعلم في شهر 7 و 8 هيبقي ايه

بالنسبة لسؤالك عن الفرق فى الدهان والتكيف الى الان
لا يوجد ما يثبت ان هناك فرق كله كلام وبيتنقل انما معلومة موثقة مفيش

اقتباس:

---

المشاركة الأصلية كتبت بواسطة temo85

خليجى طبعا عشان معندناش توكيلات محترمة اصلا .. توكل على الله

---

معاك حق فعلا احنا التوكيلان عندنا بيسرقوا فى العربيات بس اشمعنى الكورى بالذات الى فيه الموضوع ده بعكس الأوروبى مفيش فيه فروقات كبيره اووى زى الكورى

اقتباس:

---

المشاركة الأصلية كتبت بواسطة شيماء

انا اشتريت الخليجي من اسبوعين بنفس السعر دة و اشتريتلها ضمان سنة ب 1200 جنيه و كان فيه 3 سنين ب 1800 جنيه. حضرتك ممكن تعمل كدة برضو عشان تبقي مطمن.بس انا بتاعتي مفيهاش مرايات ضم و لا اشارات ف المرايات

---

الف مبرووك يا فندم
الحمد لله اشتريت العربيه لزوجتى لونها فضى مواصفات كويتى بصراحه العربيه ممتازه خصوصا فى البنزين معدلها وصل معايا فى مشوار للأسكندريه 4.5 لكل 100 معدل ممتاز جدا
اسف فعلا العربيه مفهاش و لا مريات ضم و لا اشارة و لا فوانيس شبوره

و الف شكر لكل الى شرفنى بالرد على الموضوع

اقتباس:

---

المشاركة الأصلية كتبت بواسطة ابو ليلى

بالنسبة لسؤالك عن الفرق فى الدهان والتكيف الى الان
لا يوجد ما يثبت ان هناك فرق كله كلام وبيتنقل انما معلومة موثقة مفيش

---

انا فعلا مقتنع بكده بس كل التجار بيقولوا كده
بس الفرق الأهم هو كماليات الخليجى عن الوكيل الوكيل تحس ان العربيه فقيره اوى عن الخليجى

اقتباس:

---

المشاركة الأصلية كتبت بواسطة mohamed1979

معاك حق فعلا احنا التوكيلان عندنا بيسرقوا فى العربيات بس اشمعنى الكورى بالذات الى فيه الموضوع ده بعكس الأوروبى مفيش فيه فروقات كبيره اووى زى الكورى



الف مبرووك يا فندم
الحمد لله اشتريت العربيه لزوجتى لونها فضى مواصفات كويتى بصراحه العربيه ممتازه خصوصا فى البنزين معدلها وصل معايا فى مشوار للأسكندريه 4.5 لكل 100 معدل ممتاز جدا
اسف فعلا العربيه مفهاش و لا مريات ضم و لا اشارة و لا فوانيس شبوره

و الف شكر لكل الى شرفنى بالرد على الموضوع

---

الف مبروك ربنا يسعدكوا بيها و يكفيكوا شرها