حادث غريب ...!!!

**dr_abooody** · 28-09-2012 02:21 AM

ربنا يرحمة و يصبركم

انا ملاحظ ان دايما اختبارات تصادم السيارات الصيني بتكون نتيجتها ان الصدمة بتوصل لكابينة القيادة

لو لاحظت اي عربية امان الصدمة مش بتوصل للكابينة و دة اهم حاجة عشان السواق

ودة مثال للي بقول علية

مع ان الصدمة جامدة و العربية خبطت في الحديدة بس بردة الصدمة ما وصلتش للسواق
Crash Test 2012 - Hyundai Elantra / i35 / Avante (Frontal Impact) NHTSA - YouTube

Hyundai Elantra | Hi Speed Cam | Frontal Crash Test NHTSA | 2012 HD - YouTube

ودة اختبار تصادم لعربية بريليانس اللي في مصر سعرها وصل ل 150 الف

http://www.youtube.com/watch?v=lvhuFvkX688
مفيش امان خالص

و انا مع راي حضرتك ان السيارات الصيني مش امان نهائيا و لازم تتلغي من السوق المصري

**abogogo** · 28-09-2012 02:22 AM

شكراً لشعروكم ولكل من دعى له ان يرحمه الله ...
الحادث مكنش على الطريق السريع كان على الشارع الرئيسي اللى داخل على منطقة المصانع بالعاشر من رمضان الطريق رايح جاي " مٌجوز " الفردة اللى جاي كان بها حفر نتيجة اصلاحات في الطريق ففي بعض الناس بتاخد الطريق عكس في الحتة دي وترد تاني في اتجاهها فبتكون واخده شمال القادم ... الباص كان واخد الطريق عكس وسايقه راجل كبير في السن وكان ماشي براحه عماد كان ماشي على 60 تقريباً ...!!! صدق المثل القائل "ساعة القدر بيعمى البصر" ودي شوفتها من قبل ...!! راجل كان راكب موتوسيكل وخبط في اتوبيس نقل عام وتوفى على الفور الراجل انا كنت باصص لوشه وهو جاي قبل ما يخبط في الاتوبيس فعلاً تحس ان الراجل على عينة غشاوة الانسياق الى قدره المحتوم عمرى ماهنسى شكل الراجل ده الله يرحمه
أما عماد رحمة الله عليه من الناس اللى بتحترم المرور وقواعده ... كذا مرة اكون راكب معها ويقف في اشارة التجمع ويكون لوحده في الشارع عمره مامشي عكس او زود السرعه ولا عمره شد مع حد ولا كان بيحب الشد كان راجل ملتزم الى اقصى الحدود

**misoalex** · 28-09-2012 02:29 AM

ربنا يرحمه ويصبر اهله بجد موضوع العكسى ده زاد عن حده جدا جدا والحكومه ايدها فى الميه البارده وولا كأن حاجه حتتغير فى البلد الزباله دى اللى حياه البنى ادم ارخص من ورقه البفره اللى ممكن تكون ليها تمن عند البلطجيه لكن حياه البنى ادم ملهاش تمن

**medoghaly** · 28-09-2012 02:57 AM

الله يرحمو و يغفرلو ربنا يصبرك
فعلا العربيات الصيني مفهاش امان خالص بشهادة كتير من اللي ركبها

**hossam_elwani** · 28-09-2012 03:10 AM

الله يرحمه ..... والبقاء لله

بس على فكره التصادم ده حاد جدااااااااا لانه فى اقصى طرف السياره والنوع ده من التصادم بيوصل لكابينه القياده حتى فى اعتى الماركات .. كان فيه هنا موضوع فى المنتدى طرح النوع ده من الاختبارات وفشلت فيها اغلب الماركات الشهيره والصدمه وصلت للكابينه وكانت صدمه قاتله

ومع ذلك لا ابرىء السيارات الصينى الفاشله

**Abo.Moazz** · 28-09-2012 03:43 AM

أولاً الله يرحمه ويسكنه فسيح جناته
ثانياً لو تلاحظو حضراتكو إن العربية كان فيها airbag ... واكيد المتوفى كان رابط حزام الأمان لأن حضرتك بتقول إنه راجل ملتزم
والحادث مكنش كمان على سرعة عالية
يبقى أنا شايف إن سبب الوفاة هو إرادة الله وإنتهاء أجله المكتوب له وليس موضوع أمان السيارة .. وإن ربنا كاتبله إنه يموت بالطريقة دى وفى المكان ده وفى الميعاد ده

**S O P H O S** · 28-09-2012 03:59 AM

الله يرحمه ويصبر اهله ..

**K_E** · 28-09-2012 04:09 AM

الله يرحمه ويغفرله
انا شايف ان الخبطه + انه كان رابط الحزام مع الاير باج مش مميته وبشوف ناس العربيه بتتعجن ومبيبانلهاش ملامح وبيطلعوا منها سلام لكن كله قدر ربنا

هو كان في حد قاعد جمبه ! (الاير باج الي جمبه مفتوح)

**semi** · 28-09-2012 04:13 AM

بلاقيهم دايما بيعملوا الحركة القذرة دي على طرق السفر
والمشكلة انهم اغبية غباء السنين
لانهم اولا مش بيقدروا السرعة لان عكس الاتجاه معناها سرعتك+سرعته
وثاني شئ اللي بيمشي على طريق سفر بيبقى درجة انتباهه قليلة نتيجة الملل
وان الطريق مفتوح مش محتاج الانتباه اللازم
فتلاقي فجأة واحد جاي عكس فهو مش واقف اصلا عشان تفاديه المشكلة انه بيتحرك كمان
للاسف الظاهرة دي موجودة وبكثرة والسبب هو غياب الرقابة على الطريق
لان ببساطة الحتت اللي بيمشوا فيها عكس بتبقى معروفة

النقطة التانية عوامل الامان انا شايف العربية فيها ايرباج وهو مفتوح
والخبطة في صدر العربية مش وصلت لكابينة السواق
يمكن يكون مكنش لابس حزام الامان ودي كارثة
يمكن الايرباج زبالة وفتح متأخر
لكن المؤكد ان ده عمره واجله
وربنا يرحمه ويغفر له ذنوبه ويجعل مثواه الجنه