الموضوع: تكة فتيس أوتوماتيك سيراتو

المشاركة الأصلية كتبت بواسطة احمد المصرى

طيب وهل فك الكونسول دا فلم ولا فكه بسيط

ممسكوك ب 6 مسامير 2 فى جنب الكونسول من قدام عند الدواسات و 2 زيهم ورا فى اخر الكونسول و اتنين جوه العلبه اللى بين الكرسيين هتفتحها و تفضيها هتلاقى زى حته موكيت فيها من تحت هتشيلها هتلاقى فى صامولتين تفك ال 6 دول و تشد الكونسول للخلف و ترفع لفوق هتلاقيه بيطلع معاك و تعمل زى ما قلت لحضرتك قبل كده
فى التوكيل هيفكوه لكن مظنش انهم هيرضوا يعملوا كده هيقولوك هنشحمه و خلاص هتمشى بيه كام اسبوع و الصوت هيرجع تانى

متقلقش حضرتك من القصة دى لان انا عندى نفس الحوار ده وسألت ناس كتير اوى وقالولى عادى مافيهاش اى مشكلة
وان السيراتو اغلبها كده

المشاركة الأصلية كتبت بواسطة mido elsakkar

متقلقش حضرتك من القصة دى لان انا عندى نفس الحوار ده وسألت ناس كتير اوى وقالولى عادى مافيهاش اى مشكلة
وان السيراتو اغلبها كده

هى مفيهاش اى مشاكل لكن هى صوت رخم وبس وكل شوية اللى جنبك يقولك هى ايه التكه دى :)

المشاركة الأصلية كتبت بواسطة temo85

هى مفيهاش اى مشاكل لكن هى صوت رخم وبس وكل شوية اللى جنبك يقولك هى ايه التكه دى :)

صح كلامك

هو فعلا الصوت رخم، بس الحمد الله انه مجرد صوت، في حد في الموضوع قال انه كوبلن داخلي، استر يا رب ومايكونش زي ما قال، ديه مشكلة، علشان كده الحمد لله انه مجرد صوت.

أنا لسه عند وعدي لما اروح اعمل صيانة الــ 40000 هاشوف ايه النظام، وعلى فكرة انا مش بعمل الصيانة في التوكيل، أنا بعملها في مركز خدمة معتمد لصيانة الكيا الخليجي، ومحترمين قوي.

المشاركة الأصلية كتبت بواسطة baby_koko

هو فعلا الصوت رخم، بس الحمد الله انه مجرد صوت، في حد في الموضوع قال انه كوبلن داخلي، استر يا رب ومايكونش زي ما قال، ديه مشكلة، علشان كده الحمد لله انه مجرد صوت.

أنا لسه عند وعدي لما اروح اعمل صيانة الــ 40000 هاشوف ايه النظام، وعلى فكرة انا مش بعمل الصيانة في التوكيل، أنا بعملها في مركز خدمة معتمد لصيانة الكيا الخليجي، ومحترمين قوي.

مركز ايه ده ياباشا ؟

انا عندي نفس الصوت دا بس بدأ يظهر من شهرين بس والعربيه بقالها 3 سنين وناوي ان شاء الله اقولهم في الصيانه اللي جايه ..... اللطيف بقى اني عندي معاه صوت كمان تزييق فظيع طالع من الكونسول مع المطبات ..
ربنا يسهل والتوكيل يحلها

المشاركة الأصلية كتبت بواسطة temo85

مركز ايه ده ياباشا ؟

هوا فين المركز ده علشان انا عندى الخليجى برده