لما تشتري عربية جديدة وتلاقي الشارع غرقان مجاري هتعمل ايه !!!

لمن تشتري عربية جديدة ولسه طالع بيها من التوكيل او المعرض ومعلقتش نمرررر
!!!!!!

http://t1.gstatic.com/images?q=tbn:A...vSkzvewvKZNAqA

وانتا مروح بيها وفرحان. ... وجي تخاودها علشان تفرجها للمدام وبكره الصبح تروح ترخصها وانتا ماشي لابيك ولا عليك. وفجئة تبص وتتفاجئ ان الشارع الي قدامك. بالمنظرررررر ده !!!


http://3.bp.blogspot.com/_xRNunXAqR4...0/srf_fysl.jpg

ياترى هتعمل ايه !!!
١- هتقف وانتا متردد اعدي ولا معديش ومتسمر في مكانك من هول الموقف
٢- هترجع مارشدير لغايت اول الشارع او تمشي عكس
٣- هتمشي وتسب وتلعن في البلد هههههههههه
@@@@@@@@@@
في انتظار مشاركاتكم وتجاربكم
مع تحياتي

همشي ومن غير شتيمة في البلد (جالي تبلد خلاص)
وبعد 3 أو 4 خبطه بتخبط مش بنزل ولا أبص حتى لحد ما أوصل البيت لدرجة ميكروباص لبس فيا ولف حوالين نفسه وركب الرصيف وإتقلب وموقفتش وروحت البيت ولا كإن فيه حاجة (وسمكرت الباب والرفرف بعدها بمده)

1هنزل اشلها علي كتفي واعدي بيها :-)
2 هسبها في المعرض 4-5 ايام
3 همشي بيها وعلي المغسله عدل وامري لله

ياااااه يا يوكو. ... تصدق معاك حق .... فعلاً يا اخي بقيت اتخبط وارجع الاقي العربية فنوسها مكسور ولا اكصدمها مخلوع. ولا رفرفها مطبق. ببص كده واركب العربية واقول عليه العوض ومنو العوض .... لدرجة مره واقف في اشارة. والاشارة حمره وانا واقف والدنيا واقفه فجئة لقيت العربية الي ورايا قام طالع فجئة وخبطني حتت خبطة من ورى فنزلت ببص في ايه لقيت واد قد اللوح كده قاعد. ومجعوص وبيقولي متخفش مفهاش حاجة دي بوسة صغيرة .... كان نفسي اشتمو واقولوا بوسة صغيرة ايه ونيلة ايه حد قالك عربيتي لسه جيه من السفر علشان تبوسها ههههههههههه

هرجع العربية المعرض واقول خسارة الواحد يجيب عربية زي دي في الشوارع الزبالة دي
واروح اجيب عربية جربانة عدوة شرسة للبيئة واحط فيها بنزين 80 وامشي اسلم على مطبات الشارع كلها
واحد واحد واعدي من فوق الميه والمجاري بقلب جامد غير تبلد المشاعر لما العربية تتخبط او حد يدخل افيه معاك
وبعدها اروح البيت وانا مرتاح البال والضمير

لو ينفع ارجع والطريق يسمح هرجعه حتي لو طويل
مش علشان احافظ علي العربية لانها كده كده هتتبدهل علشان احنا فمصر
ولكن علشان فرحة العربية الي بتبقي فالاول مترحش ودي اهم حاجة
مجرد راي ..

هلف واشوف طريق تاني

2-هرجع مارشيدير على طوووووول أو همشي عكس الطريق

اقتباس:

---

المشاركة الأصلية كتبت بواسطة semi

هرجع العربية المعرض واقول خسارة الواحد يجيب عربية زي دي في الشوارع الزبالة دي
واروح اجيب عربية جربانة عدوة شرسة للبيئة واحط فيها بنزين 80 وامشي اسلم على مطبات الشارع كلها
واحد واحد واعدي من فوق الميه والمجاري بقلب جامد غير تبلد المشاعر لما العربية تتخبط او حد يدخل افيه معاك
وبعدها اروح البيت وانا مرتاح البال والضمير

---

طيب والله أحسن حل..فعلا الشوراع الزبالة دي مينفعش حرام يتركب فيها عربية جديدة والله :120146b

ههههههههههه الواحد اول ما بيجيب العربية بيبقى خايف عليها من الهوا و اول حكة دى بتزعل جدا و بتنكد الواحد و بيفضل زعلان فترة بس مع كل حكة و خربوش بعد كدا الواحد بياخد مناعة ضد الزعل و بعد ما الاول كان اول ما يتحك يروح يصلح العربية و يرجعها زيرو يقول لنفسه لما نلم كام خبطة عشان نعملهم بالمرة و بصراحة بتنفع لما الواحد بيبقى راكب عربية جديدة بيبقى خايف و اى حد بيهوشوا انما بعد العربية ما بتبقى شوارع هيهيهيهيهيهيهيههيهيه الواحد بيبقى عربجى و الناس بتبعد عنه و بيقولوا ابعد عنه دا مش خايف عليها ...... باختصار عشان طولت لو حتخاف على العربية يبقى خلى فلوسك فى جيبك و اركب تاكسى احنا فى مصر هنا البنى ادم ملوش كرامة و لا لازمة يبقى العربية اللى حنهتم بيها .

والله موضوع مهم ،وعاجبني أوي الردود لأني حاسس ان الكل بيقول الحاجات اللي جوايا ،لأني بخاف أوي على عربيتي بس مع الوقت بدأت تيجيلي حالة تبلد بس الحمدلله مش تبلد تام.
وربنا يسترها معانا
مرة كنت في أمريكا ،لقيت العربيات كلها الماشية واللي راكنة كلها بتلمع ومفيش خدش فيها ،حتى كمان مفيش حد بيغطي العربية ومع ذلك بتفضل نظيفة ،سألت واحد بتعجب ازاي كل العربيات شكلها جميل كده ،قالي: احنا بنحب عربيتنا

اول البارح نازل الصبح في امان الله اركب العربيه عشان اتنيل علي الشغل وبعدين بمسحها فحسيت ان الأكصدام طالع من الجنب عند الرفرق علي غير العاده لان مشروخ من تحت واذا بي عنيا بترجع لورا كده لقيت واحد داعك الاكصدام ومبهدله لدرجة ان الحزام اللي لازقه عليه متبهدل خالص

امشي في مياه المجاري بقلب جامد
وخد الصدمه بدري بدري

هبلبط بالعربية فى المية عشان تبقى شربت من نيلها

:120146b

عادى يعنى هعدى زى ما متعود بأى عربية وممكن الموضوع دا ميجيش فى دماغى اصلا انها جديدة ودى مياه مجارى وكدا :)

ههههههههه دحكتموني جميعاً واسعدتني مشاركاتكم
ورغم انوا عارف. انو طبيعي تلاقي المجاري طفحة .... بس هيا المشكلة بفرحت العربية الجديدة الي اتكسرت جواك ... وليا لسه فلوسها مبرديتش .... لسه ملمس ورق الفلوس في ايديك شقى عمرك الي دفعتوا وتعبك .... بس الجميل في الامر انك مبتقدرش ترجع مرشدير او تخش عكس لانك بمنتهى البساطة بقيت في نص الشارع وتلاقي واحد كمان جيه كبس من وراك وبيزمرلك ده اذا مطلعش منك وشوحلك بايديه كمان وهو بيقولك متعدي يا عم فيه ايه ولا خايف عليها لا تتبل هههههه طبعاً صورة المية الي حطيتها هيا غير معبره بالمره لكن لمن تلاقي المية سودة سواد السنين ووحل وطين وبقايا فضلات بتطفوا. على وش الميه وريحة اجارك الله. مش بس هتطيرلك ريحة الفبريكة ههههههه. لا دي هتبرفنلك العربية برفاااان كده اسينس إإإييييف. من اغلى البرفنات المصرية .... تحس وانتا بتستنشق الريحة ان الناس دي كانت واكلة مسقعة بايته ولاحاجة هههههههه

وكلو كوم وانك تلاقيهم بيسفلتوا الشارع كوم تاني
http://t0.gstatic.com/images?q=tbn:A...DWcZk1UAg4-YQX

انا اعرف بره في اوروبا والدول المتقدمة والمتاخرة كمان بيقفلوا الشارع
علشان يقدروا يسفلتوا الشارع براحتهم .... اما هنا في بلدنا الحبيب والمصون ووطنا الغالي مصر. في عندنا عباقرت في اعمال الحفريات. يرشو الاسفلت او الزيفت في اول الشارع ويخلوا العربيات تعدي عليه علشان تفرشوا بكويتشتها ههههههه يعني شايف الفكر الاقتصادي لسه عنتب ونفرشوا اهي العربيات وهيا معدية تبقى تفرشوا براحتها . .... طبعاً المشكلة كلها ان الزيفت لمن بينشف على الصاج مبيطلعش ولا بالطبل البلدي وبيلغوص العربية وعتب العربية ورفارف العربية الخلفي قبل الامامي .... ولا الجنوط ياعيني على الجنوط وحسرة عليهم والكرتيرات من جوا لمن يبقى كلها زيفت ... مره مسيكت مهندس. من بتوع المقاولين العرب دول ابو عربيات صفرة وقلتلوا يا اخي حرام عليك اتقي الله الزفت. هيبوظ العربيات. بصيتوا لقيتوا بصيلي ودحك وقالي لا بالعكس يافندم. دي طبقه من الحماية ضدد الصدى لشاسية العربيات انا لو منك في فتحة قدام الف وارجع تاني مرتين تلاته هيحفظلك على العربية من تحت صدقني هنهههههههههه ... طب ده اقولوا ايه بقه ... !!!

ولا هعمل اي حاجه وهكمل في طريقي .... انا جيبها تتعبني ولا تريحني ؟؟؟

المجارى تعتبر رحمه بالنسبه للحاجات التانيه المثيرة للأعصاب لان غسل العربيه هيحل المشكله لكن نقول إيه بقى عن حرقه الدم بجد زى اللى بيخربشوا العربيات بمسمار و لا اللى تنزل تلاقيهم مريحين على اكصدام العربيه و لا اللى بيقعدوا على العربيات يطبقوها و لا المطبات و غطيان البلاعات و النقر اللى بتفك العربيه من بعضها و لا الموضه الجديده لما تدخل بنزينه تلاقى عشرين واحد اتلموا عليك كل واحد بيمسح جزء فى العربيه بفوطه ناشفه يتجرح البويه و لا العربيات النقل اللى عماله تطير فى الزلط منها و تنقر الزجاج . كل ده مع الأسف بيسيب علامات فى العربيه ما بتروحش لكن المجارى بنت حلال عامله زى الشتيمه ما بتلزقش :b4_556:

اقتباس:

---

المشاركة الأصلية كتبت بواسطة y a r i s

ههههههههه دحكتموني جميعاً واسعدتني مشاركاتكم
ورغم انوا عارف. انو طبيعي تلاقي المجاري طفحة .... بس هيا المشكلة بفرحت العربية الجديدة الي اتكسرت جواك ... وليا لسه فلوسها مبرديتش .... لسه ملمس ورق الفلوس في ايديك شقى عمرك الي دفعتوا وتعبك .... بس الجميل في الامر انك مبتقدرش ترجع مرشدير او تخش عكس لانك بمنتهى البساطة بقيت في نص الشارع وتلاقي واحد كمان جيه كبس من وراك وبيزمرلك ده اذا مطلعش منك وشوحلك بايديه كمان وهو بيقولك متعدي يا عم فيه ايه ولا خايف عليها لا تتبل هههههه طبعاً صورة المية الي حطيتها هيا غير معبره بالمره لكن لمن تلاقي المية سودة سواد السنين ووحل وطين وبقايا فضلات بتطفوا. على وش الميه وريحة اجارك الله. مش بس هتطيرلك ريحة الفبريكة ههههههه. لا دي هتبرفنلك العربية برفاااان كده اسينس إإإييييف. من اغلى البرفنات المصرية .... تحس وانتا بتستنشق الريحة ان الناس دي كانت واكلة مسقعة بايته ولاحاجة هههههههه

وكلو كوم وانك تلاقيهم بيسفلتوا الشارع كوم تاني
http://t0.gstatic.com/images?q=tbn:a...dwczk1uag4-yqx

انا اعرف بره في اوروبا والدول المتقدمة والمتاخرة كمان بيقفلوا الشارع
علشان يقدروا يسفلتوا الشارع براحتهم .... اما هنا في بلدنا الحبيب والمصون ووطنا الغالي مصر. في عندنا عباقرت في اعمال الحفريات. يرشو الاسفلت او الزيفت في اول الشارع ويخلوا العربيات تعدي عليه علشان تفرشوا بكويتشتها ههههههه يعني شايف الفكر الاقتصادي لسه عنتب ونفرشوا اهي العربيات وهيا معدية تبقى تفرشوا براحتها . .... طبعاً المشكلة كلها ان الزيفت لمن بينشف على الصاج مبيطلعش ولا بالطبل البلدي وبيلغوص العربية وعتب العربية ورفارف العربية الخلفي قبل الامامي .... ولا الجنوط ياعيني على الجنوط وحسرة عليهم والكرتيرات من جوا لمن يبقى كلها زيفت ... مره مسيكت مهندس. من بتوع المقاولين العرب دول ابو عربيات صفرة وقلتلوا يا اخي حرام عليك اتقي الله الزفت. هيبوظ العربيات. بصيتوا لقيتوا بصيلي ودحك وقالي لا بالعكس يافندم. دي طبقه من الحماية ضدد الصدى لشاسية العربيات انا لو منك في فتحة قدام الف وارجع تاني مرتين تلاته هيحفظلك على العربية من تحت صدقني هنهههههههههه ... طب ده اقولوا ايه بقه ... !!!

---

بلنسبه للمجارى ححاول اتصرف وارجع مش عشان حاجه غير ان العربيه لسه جديده ولسه بشوكها


انا كنت جايب فى 2001 نوبيرا زيرو وبعد خمس ابام رحت اعزى فى البلد وركنها على جنب خالص فى مكان هادى رجعت لقيت ولاد عم ابويا الصغيرين طالعين بلشباب مليانه رمل وشغالين رقص على الكبوت والسقف خلوه مطبات صناعيه وخرابيش للصبح بعد ماكنت بتلمع لمعه تتلوح عينك

مشيت وكنت عايز ااقتل العيال دول فعلا بمعنى الكلمه

وبرضه مره ركنتها على جنب ومغطيها وضامم المرايا وكله تمام نزلت فى يوم اشيل الغطا ولقيت الصدمه

تراتاتا............

خرابيش بذمه قوى بمسمار على الكبوت والشنطه والجنب اليمين والازاز الامامى مكسور تمام وبعد ده كله اتغطت تانى

وغيره الخ الخ الخ

اما بخصوص الزفت بتاع الرصف على فكره هو بيطلع بكل سهوله من اى حته فى العربيه بلجاز مفيش مشكله بس بيلبد فى الكرتيرات الخلفيه بلذات الى فيها خشانه

من الاخر كل ما افكر فى الموضوع ده اقول حراااااااااااام الواحد يجيب عربيه زيرو فى مصر حرااااااام

شوف صور العربيات فى اوروبا وامريكا وانت تعرف الفرق الرهيب فى ثقافة وطبيعة البلاد والشعوب

والله يعين على الجحيم ده

هلف وارجع امشى من اى طريق تانى

ههههههه عارف يا حسام باشا موضوع العيال الي طلعة تطنطط فوق سقف العربية ده بقة موضوع شائع حتى في القاهرة ... وياعيني لو ركنت عربيتك قرب معهد ولا جامعه ولا حتى تحت عمارة فيها شقة مدرس بيدي مجموعة وترجع تلاقي المجموعه كلها قاعد فوق الكبووووت ومنهم واحد صاحبهم مش لاقي مكان يقعد على الكبوت. فيقوم ياعيني ويقف ساند على المراية ويقعد يطبل فوق سقف عربيتك. بتحصل

ده حتى بقت ظاهرة غريبة دلوقتي شارع مكسر وكل ماعدي فيه ضروري اهدي بالعربية علشان العبشة .... وهوبا اسمع صووت دييييب. ابص في المرايا ابص الاقي عيال متشعبطين في اسبويلر العربية من ورى
المشكلة مش في الاسبويلر بتاع العربية ابو ٥٥٠ جنيه
ولا المشكلة في ١٠٠ جنية تمن دهانوا
ولا المشكلة في الخمسين جنيه تركيبوا
ولا المشكلة في الاكصدام الي هيتخلع ويتجرح بشباشبهم
المشكلة ان لو حد فيهم وقع بعد ماخلع الاسبويلر في ايطو ووقع على الارض واتعور. هينزلوا اهلوا من البيت يشوفوا ابنهم سايح بدموا ومتعور هيقولوا خبطططططططط الواااااااااااد. وهتتك بتتك على عربيتك يكسروها. ههههههه. وبعد مايكسروها. يجي واحد لسه صاحي من النوم مش عارفه ايه الحكايه غير ان الواد حماده خبطتوا عربية يقوم فاتح البلكون وحادف عليك قزازة ملتووف ويولعلك في ام العربية هههههههه طبعاً بعد مالعربية تبقى فحمه. وعضم على لحم .... ويفهموا الي حصل معليش احنا متاسفين قووي يا استاذ. ويقوموا ضاربين حماده قلمين على وشوا ومتعملش كده تاني مره يا حبيبي وانتا عليك العوض ومنو العوض في العربية ههههههه وتحياتي

اقتباس:

---

المشاركة الأصلية كتبت بواسطة hugan

امشي في مياه المجاري بقلب جامد
وخد الصدمه بدري بدري

---

الراجل دة بيقول كلام زى الفل خد الصدمة بدرى بدرى

لو اصلا الشارع اللي ساكن فيه المجاري بتضرب بشكل دوري ومش حاجة عارضة يبقى غلطان اللي يشتري عربية
يعني من الاخر اللي ساكن في حتة المجاري بتطفح فيها أولى يشتري شقة في حتة تانية وبعدين يدور على عربية جديدة
انما لو حاجة عارضة أمره الى الله دوس وخد الصدمة واعتبرها حاجة تاخد العين وسيبها بطينها كام يوم

اقتباس:

---

المشاركة الأصلية كتبت بواسطة medododo

لو اصلا الشارع اللي ساكن فيه المجاري بتضرب بشكل دوري ومش حاجة عارضة يبقى غلطان اللي يشتري عربية
يعني من الاخر اللي ساكن في حتة المجاري بتطفح فيها أولى يشتري شقة في حتة تانية وبعدين يدور على عربية جديدة
انما لو حاجة عارضة أمره الى الله دوس وخد الصدمة واعتبرها حاجة تاخد العين وسيبها بطينها كام يوم

---

١١١١١١١+
لا هو لو. واحد ساكن في حته المجاري كل شوية فيها بتضرب مش مفروض يشتري عربية المفروض يجبلوا مركب هههههههه او فلووكة ويجدف كده. في المية هههههه حبيبي. يا ميدووو :rolleyes2:

انا لو هقعد اسبوع مش هعدي بيها من المنظر دا

اقتباس:

---

المشاركة الأصلية كتبت بواسطة yoko

همشي ومن غير شتيمة في البلد (جالي تبلد خلاص)
وبعد 3 أو 4 خبطه بتخبط مش بنزل ولا أبص حتى لحد ما أوصل البيت لدرجة ميكروباص لبس فيا ولف حوالين نفسه وركب الرصيف وإتقلب وموقفتش وروحت البيت ولا كإن فيه حاجة (وسمكرت الباب والرفرف بعدها بمده)

---

ايه قوة الاعصاب ديه .....انت سوبر مان فى الثبات الانفعالى
ده لو فعلا كان حصل بجد

انا بعد ما قريت التعليقات

وجدت ان

كلنا هذا الرجل

نفس الانفعال واخوف على العربية

والخوف اكتر على زهوة العربية الجديدة

ونفس الشعور

امال جايبين المهندسين اللى بيشتغلوا فى الحكومة منين ؟

ومسئولين عن رصف الشوارع ... ولا عشان معندهمش عربيات ؟

يقولوا مش مهم

فعلا حاجة غريبة كلنا نفس الاحساس ونفس الخواطر ونفس الاحتمالات

يعنى هما من كوكب تانى

ولا اعضاء نايل موتورز بس هما اللى حساسين شوية وقلبهم رهيف؟

اقتباس:

---

المشاركة الأصلية كتبت بواسطة semi

هرجع العربية المعرض واقول خسارة الواحد يجيب عربية زي دي في الشوارع الزبالة دي
واروح اجيب عربية جربانة عدوة شرسة للبيئة واحط فيها بنزين 80 وامشي اسلم على مطبات الشارع كلها
واحد واحد واعدي من فوق الميه والمجاري بقلب جامد غير تبلد المشاعر لما العربية تتخبط او حد يدخل افيه معاك
وبعدها اروح البيت وانا مرتاح البال والضمير

---

ههههههه مالها البلونيز حتى طالعة فى الصورة اهى زاى الفل :S_thum1[1]:

اقتباس:

---

المشاركة الأصلية كتبت بواسطة y a r i s

١١١١١١١+


لا هو لو. واحد ساكن في حته المجاري كل شوية فيها بتضرب مش مفروض يشتري عربية المفروض يجبلوا مركب هههههههه او فلووكة ويجدف كده. في المية هههههه حبيبي. يا ميدووو :rolleyes2:

---

:)))))))))))))) مركب :)))))))))))) خطيرة دي
بالمناسبة انا عامل موضوع من شوية على العام بص عليه هيفكرك بأيام زمان

اقتباس:

---

المشاركة الأصلية كتبت بواسطة wael30003

ايه قوة الاعصاب ديه .....انت سوبر مان فى الثبات الانفعالى
ده لو فعلا كان حصل بجد

---

ثبات ايه و انفعالي ايه ؟؟؟؟؟؟؟
عليا النعمة من نعمة ربي
لو كان عازب يبقي الحشيش مضروب
يا اما متجوز و يبقي مضروب هو و الحشيش

اقتباس:

---

المشاركة الأصلية كتبت بواسطة maheralsisi

ثبات ايه و انفعالي ايه ؟؟؟؟؟؟؟
عليا النعمة من نعمة ربي
لو كان عازب يبقي الحشيش مضروب
يا اما متجوز و يبقي مضروب هو و الحشيش

---

مرة اتنين مساطيل ماشيين ومحششيين على الاخر ....
واحد منهم قال للتانى ايه رايك اول واحد يعدى من هنا نقطع دماغه ونلعب بيها الكورة .....
قاله : ماشى

واحد معدى محشش ومتكيف هو كمان

قالوا له احنا هنقطع دماغك ونلعب بيها الكورة

قام اترفز بسرعة وطلع مطوته وحط سنها فى دماغه

وقال : دا انا افسيها قبل ما تلعبوا بيها

:fun_10_9_134[1]::fun_10_9_134[1]: