-
اخوكم من قسم الادا
السلام عليكم ياشباب انا ضيف عندكو من قسم الادا وكان عندي استفسار
كنت بسأل عن سيات فيورا !! ايه اخباره وايه اسعارها وعيوبها ومميزاتها .. هي عجباني عشان 900 سي سي يعني صباح التوفير وهل في فيورا وسوبر فيورا ولا ايه ؟؟
ياريت تساعدوني ينوبكم ثواب وشكرا ليكو مقدما :hornytoro:
-
طيب حتي ردو وقولو مانعرفش بس ماتسبونيش كده :(
-
وعليكم السلام ورحمه الله.......سراحة معرفش عنها معلومات ولو حد في القسم يعرف اكيد هيرد عليك..بس احب اقلك ال900 سي سي كربيراتير فمش وفر قوي خصوصا لما يكون معاك 2 راكبين او 3 الموتور هيعافر فاستهلاك اكتر من رأيي هات بولو 1000 سي سي انجكشن او ايبيزا98 1000 سي سي انجيكشن هيكون استهلاكهم احسن كتير
-
ماهو الكاربرتير بنزين 80 لكن لو حاجه انجكشن هتبقي 90 يعني اللي هوفرهم من هنا هصرفهم من هنا وبعدين هي بس عشان الرحه بتاعة الواحد بدل ماجيب موتسكل وحوادثه كتير
طيب بعد اذن حضرتك ماتعرفش البولو 1000 سي سي انجكشن او ايبيزا98 1000 سي سي انجيكشن يعملو في حدود كام مبالغ ومستني بقيت ردود الاعضاء والف شكر ليك ياباشا
-
اولا اهلا بيك اخي من قسم اللادا في قسم سيات
بالنسبة حضرتك للفيورا ال900 سي سي فهي بالفعل عربية ناجحة وجميلة بكل المقاييس بشرط الحالة الجيدة
تعتبر العربية دي رغم انها تحمل علامة سيات الا انها ابنة لفيات واخت صغيرة لل127 وال128
العربية الفيورا لو حالتها حلوة والشاسيه سليم والموتور كويس تعمل في حدود ال12 علي ما اعتقد
وهي علي العموم نزلت 4 باب وفتيس 5 غيار وساعة ديجيتال واعتقد في منها موديلات نزلت بأر بي ام
والسوبر فيورا عموما بيطلق علي المصري منها ومش بيفرق كتير عن الفيورا
واعتقد كمان السوبر فيورا هي اللي نزلت بالأر بي ام والساعة الديجيتال
علي العموم العربية دي اولها اعتقد كان 81 وخلصت 86 او 87 حاجة زي كدة
ومتهيألي الفرق بينها وبين البولو والأبيزا كبير شوية
يعني حضرتك لو بتسأل علي عربية في حدود من 10 - 14 مش معقولة هتقارنها بعربية اولها 25 ومعاك لحد 35 الف
تحياتي لحضرتك
واهلا بيك مرة تانية في قسم سيات
-
واللهي بجد مش عارف اقولك ايه الف الف الف سكر ليك ياباشا طيب بالنسبه لمتوسط استهلاك البنزين ايه اخبارو ؟؟ وقطع الغيار هل هي معمره ولا كل سنه بتتغير ؟ وايه اكبر مشكله فيها وشكرا ليك مره تاني
-
الحقيقة انا معرفش عنها كل حاجة
انا كل ماهو نالك كان ليا واحد زميلي معاه واحدة موديل 84
بس اللي اعرفه عنها انها موفرة جدا في البنزين وقطع غيارها رخيصة بس طبعا مش بتعيش يعني زيها زي ال128
-
كويسه ال 128 مش وحشه بل بالعكس عربيه ممتاز لمحدوي الدخل وممكن تعملها الصيانه بنفسك او حتي تفك عبشتها لوحدك
Content Relevant URLs by
vBSEO 3.6.0 PL2