معلش قدر الله و ما شاء فعل و ربنا يعوض عليك فى العربية
رقم العضوية : 85958
تاريخ التسجيل : 15Jan2011
المشاركات : 3,132
النوع : ذكر
الاقامة : Egypt - Faisl
السيارة: Verna , 1.5 , M/T
السيارة[2]: Toyota Yaris , 1.3 , A/T
دراجة بخارية: لا يوجد
الحالة :
السلام عليكم ورحمة الله وبركاته
مش عارف اكتب ايه او اقول ايه لاني لحد دلوقتي مش قادر اتلم على اعصابي
حاسس اني كنت في فيلم رعب وربنا نجاني
كنت في شارع جامعة الدول العربية معايا 4 زمايلي
عدينا على My queen جبنا اكل وعشان كان لازم ارجع بدري شوية لان ورايا شوية شغل
قلنا نجيب الاكل Take away وناكل في اي حتة
وقفنا في محي الدين ابو العز في بدايته من نحية جامعة الدول الساعة كانت 1 بليل تقريبا
واحد زميلي طلع واقف برة العربية وواحد جمبي واتنين ورا
مرة واحدة الاقي واحد من زمايلي باعلى صوتو حرامية حرامية
ببص قدامي لقيت موتوسكل وقف قدامي مباشرة ونازل منه اتنين ضخمين
ماحستش بنفسي غير اني بدور العربية وجبت الفتيس على ال R ودايس بنزين بكل قوة
من هول الموقف مش باصص لا في مرايا ولا اي حاجة لقيت نفسي اتخبطت خبطة جامدة في حاجة من ورا
بدون تفكير لقيت نفسي جايب الفتيس على ال D ودايس بنزين وعلى اتم الاستعداد اني ادوس اي حاجة قدامي
الراجل اللى نازل من الموتوسيكل لقيته عمال يقولي ماتخفش متخفش احنا مباحث اقف
طبعا انا مش سامع اساسا هو بيقول ايه كل اللى بفكر فيه ازاي اهرب
كان فيه عربية لانسر بومة جاية من ورا من الشمال ولقيته تقريبا لما سمع صوت الخبطة اللى انا اتخبطتها فرمل جامد وانا مش عارف هو وقف ليه في موقف زي ده
وانا بعدي من جمب الموتوسيكل وبفاديه الراجل كان بينه وبيني تقريبا خطوة قام مطلع مسدس
زمايلي كلهم نازلو دماغهم تحت بس انا فضلت مركز مع الطريق عشان عايز اهرب باي طريقة
تفاديت الموتوسكيل وعديت مابينه ومابين الانسر
بمجرد عديته قام ضارب نار على العجل
العجلة اللى ورا نامت بس انا فضلت دايس بنزين لحد مابعدت عنهم تماما
مافكرتش اقف ولا ابص على العجلة ولا العربية الا لما اتاكدت اني اختفيت منهم
واحد زميلي قالي لازم تطلع تعمل محضر عشان دول لو فعلا مباحث هنترمي في السجن
انا كل اللى كنت بفكر فيه اني اروح البيت سليم لاني ماكنتش قادر اتلم على اعصابي ورفضت فكرة اني اقف في اي مكان مهما كان تحسبا لان لو كانو قاطرينا ولا حاجة
زميلي التاني ظابط بحرية اتصل بظابط في قسم الدقي قاله على اوصاف الشخصين دول وعرف منه انهم مسجلين خطر وعليهم احكام
وصلنا ميدان الجيزة قلت اقف اشوف العربية
للاسف العربية من ورا تقريبا ادمرت
اكصدام / فانوس / شنطة / الرفرف اتعجن الى غير العجل اللى اضرب عليه نار
الحمد لله على كل شئ ودي اقل بكتير اوي من لو كنا وقفنا واتسرق مننا كل حاجة
الحمد لله ان ربنا طلعنا منها
على قد مانا حزين على العربية والله واعلم ان كانت الخبطة سمعت في فردة شاسيه او العربية هترجع زي الاول ولا لاء
بس بقول الحمد لله لاني مش متخيل انا لو وقفت كان ممكن ايه اللى يحصل
انا لحد دلوقتي اعصابي سايبة ومش متخيل اللى حصل
الله واعلم ايه اللى حصل مع باقي العربيات اللى كانت ورا ووقفت
وربنا يعوض على صاحب العربية اللى انا خبطها انا مش عارف هي عربية ولا موتوسكيل ولا ايه بالظبط
مش عارف لو قدم بلاغ ونمر عربيتي اتسجلت لان كان فيه سكيورتي واقف
مش عارف هتحاسب وهدخل في مسالة قانونية ولا لاء ؟
الواحد مش عارف ايه اللى ممكن يحصل تاني
حسبي الله ونعم الوكيل
حسبي الله ونعم الوكيل
رقم العضوية : 35823
تاريخ التسجيل : 17Mar2009
المشاركات : 2,251
النوع : ذكر
الاقامة : Mansoura
السيارة: Civic 2008 ,Lanos99
السيارة[2]: Rio 2013 ,Lancer 99
دراجة بخارية: Not Yet
الحالة :
معلش قدر الله و ما شاء فعل و ربنا يعوض عليك فى العربية
رقم العضوية : 83571
تاريخ التسجيل : 15Dec2010
المشاركات : 1,712
النوع : ذكر
الاقامة : الزقازيق
السيارة: اوبترا a / t 2009
السيارة[2]: كورلا a / t2005
دراجة بخارية: لا يوجد
الحالة :
ربنا يعوض عليك
الحمد لله انك بخير
ومتزعلش علي العربيه
الي يجي في الريش بقشيش والله
وحضرتك اتصرفت صح والله وياريتك كنت دوسته وموته وخلصنا منهم
وهي الحورات دي زادت اوي ليه
الاستاذ ايمن علي منسق قسم الشيفروليهaymanmaly
<img src="http://store2.up-00.com/Sep11/5wT06061.jpg">
الهم اغفر له وارحمه واسكنه فسيح جناتك
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
لاحول ولاقوه الا بالله
انا برضه لسا اول امبارح عربيتي اتنيلت اتخبطط
كل شويه حوادث وبلطجيه
والواحد بقت حياته علي كف عفريت...ان لله وان اليه راجعون
بص انت اتصرفت صح...والحمد لله ان مفيش رصاصه جت فيك او ف حد
الحمد لله علي كل شيء
م/ احمـد عـزت
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
لا حول ولا قوة الله بالله و انا لله و انا اليه راجعون
حسبي الله و نعم الوكيل
الحمد لله انكم بخير
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 94909
تاريخ التسجيل : 16Apr2011
المشاركات : 1,859
النوع : ذكر
الاقامة : cairo
السيارة: HONDA ACC.98
السيارة[2]: LADA وراحت بعد ماجابتلي خشونة في ركبي
دراجة بخارية: na
الحالة :
الحمد لله انك بخير و لا تفكر في أي حاجة
وإن كنت خايف من ان حد خد نمر العربية
انت معاك صحابك شهود بالواقعة
إنك كنت تحت تهديد القتل وكفاية الرصاص اللي في العجل
ولوعايز تأمن نفسك خالص أعمل محضر بالواقعة
اللهم ارحم والدي الرحمة الواسعة وأموات المسلمين أجمعين وأكتب لنا رفقتهم في جنة الفردوس يا كريم يارحيم يا الله
رقم العضوية : 35845
تاريخ التسجيل : 18Mar2009
المشاركات : 713
النوع : ذكر
الاقامة : Egypt
السيارة: None
السيارة[2]: Volkswagen Pointer
دراجة بخارية: None
الحالة :
انا مش عارف اقولك ايه بصراحة
بس كله يهون طالما انكم بخير
والعربية هتصلح وترجع زي الاول
انت طبعا اتصرفت صح
بس لازم تروح تقدم بلاغ باللي حصل
اعتقد الشرطة دلوقت بتعمل حملات وفيه تغيير
وان شاء الله العيال دي هتجاب
وهما طبعا مش مباحث ولا حاجه دول بيركبوا دايما ميكروباص
ومش عارف بصراحة العالم دي بتجيب الجرأة منين عشان تعمل كده
بس اقول ايه دول هتلاقيهم هربانين من السجون ساعة الثورة واللي عليه
حكم اعدام واللي عليه مؤيد فهو فعليا انسان منتهي !!
رقم العضوية : 24342
تاريخ التسجيل : 06Nov2008
المشاركات : 1,357
النوع : ذكر
الاقامة : في صالون العربية
السيارة: يارب ان شاء الله ix35
السيارة[2]: بفضل الله ماتريكس
دراجة بخارية: no
الحالة :
قدر الله وما شاء فعل الحمد لله على سلامتك
رقم العضوية : 58100
تاريخ التسجيل : 06Jan2010
المشاركات : 5,727
النوع : ذكر
الاقامة : السعوديه
السيارة: not yet
السيارة[2]: ..
دراجة بخارية: no
الحالة :
الف حمدا لله على سلامتك
و فداك مليون عربيه
و ربنا يرزقك بافضل منها و يعوضك .و متزعلش و لا تحزن ربنا كريم جدا جدا
ادعى ربنا .
و روح امن نفسك و اعمل محضر و كلم اى حد تعرفه عشان يتابع معاك فى المحضر و كده
إنا لله وإنا إليه راجعون
ولا تحسبن الذين قتلوا في سبيل الله أمواتا بل أحياء عند ربهم يرزقون
رقم العضوية : 13812
تاريخ التسجيل : 28Jun2008
المشاركات : 2,513
النوع : ذكر
الاقامة : Nasr City
السيارة: .
السيارة[2]: ,
الحالة :
معلش ربنا يعوض عليك ان شاء الله و يبقى الموضوع كله فوانيس و اكصدامات
و الحمد لله ان الموضوع وصل لحد كده ، العربية كلها فداك و ان شاء الله تصلحها و ترجع احسن من الاول
بس انا مستغرب جدا ازاى الكلام ده و فى جامعة الدول و يوم خميس كمان .. دا فى الوفت ده جامعة الدول بتبقى مش بتتحرك اصلا
ربنا يريحنا من الاشكال ديه بقى و البلد تنضف و ربنا يعوضك خير ان شاء الله عن اللى حصل
المفضلات