وزير البترول و حكاية رفع الدعم دى هيجنونى

دلوقتى كل شويه وزير البترول يطلع يقولك ان احنا بنعتبر اللى معاه عربية 1600 دى تبقى رفاهية و اللى هيستحق دعم البنزين اللى معاه عربية تحت الـ 1600
بقى دى تفكير ناس عاقلة يا رجالة ازاى انا اكون شارى عربيتى اللوجان بـ 70 ألف مثلا و مش مستحق للدعم لأن عربيتى 1600 سى سى و اللى معاه عربية باسات مثلا الشكل الجديد معدية الـ 300 ألف يبقى مستحق للدعم لأن عربيته 1400 سى سى و لا الجيتا اللى معدية الـ 200 ألف نفس حكاية الباسات
المثل الاوضح كمان عربية زى البيكانتو 1200 سى سى الأغلى من اللوجان و بتبتدى اسعارها من 75 الف لأقل فئة و بتوصل لـ 97 ألف لأعلى فئة و زيها كمان الريو الجديدة 1400 سى سى اللى سعرها بيبتدى من 97 ألف و يوصل لـ 125 ألف
دى حتى الياريس الـ 1300 سى سى و التيريوس الـ 1500 سى سى الى معدية الـ 150 ألف هتبقى مستحقة للدعم

و النبى دا تفكير منطقى يا جماعة و ادى الأمثلة واضحة و صريحة
مستنى اسمع ارائكم عشان انا خلاص الموضوع ده هيجننى بسبب طريقة تفكير المسئولين اللى شكلهم حافظين مش فاهمين اى حاجة

الحمد لله عربيتى 1595
يبقى استحق الدعم

ياباشا تخلف و بهايم واقسم بالله انا سمعته كنت عايز اموتة
بلد متخلفة
معلش انا معايا فيكترا 2000 سىسى و كان معايا 1600 والله عايز اقولك ال 2000 نفس استهلاك 1600 و يمكن افضل
عربيتى موديل 2000
اللى عايز افهمة يعنى اصحاب ال منى كوبر و الباسات يستهلوا الدعم و احنا منستهلش دة على اساس اية
اللى عايز اقولهولك كمان اصحاب العربية اللى ماتورها 4000 سى سى الناس دى مش دفعت جمارك وضرائب قد تمن العربية مرتين يبقى برضة يستحق الدعم المفروض ولكن دعم جزئى
ما يلغوا الدعم البنزين من على عربيات السياحة الاول و عربيات الشركات و بعد كدة يتكلموا ولا كل حاجة على المواطن

اقتباس:

---

المشاركة الأصلية كتبت بواسطة mmh666

دلوقتى كل شويه وزير البترول يطلع يقولك ان احنا بنعتبر اللى معاه عربية 1600 دى تبقى رفاهية و اللى هيستحق دعم البنزين اللى معاه عربية تحت الـ 1600
بقى دى تفكير ناس عاقلة يا رجالة ازاى انا اكون شارى عربيتى اللوجان بـ 70 ألف مثلا و مش مستحق للدعم لأن عربيتى 1600 سى سى و اللى معاه عربية باسات مثلا الشكل الجديد معدية الـ 300 ألف يبقى مستحق للدعم لأن عربيته 1400 سى سى و لا الجيتا اللى معدية الـ 200 ألف نفس حكاية الباسات
المثل الاوضح كمان عربية زى البيكانتو 1200 سى سى الأغلى من اللوجان و بتبتدى اسعارها من 75 الف لأقل فئة و بتوصل لـ 97 ألف لأعلى فئة و زيها كمان الريو الجديدة 1400 سى سى اللى سعرها بيبتدى من 97 ألف و يوصل لـ 125 ألف
دى حتى الياريس الـ 1300 سى سى و التيريوس الـ 1500 سى سى الى معدية الـ 150 ألف هتبقى مستحقة للدعم

و النبى دا تفكير منطقى يا جماعة و ادى الأمثلة واضحة و صريحة
مستنى اسمع ارائكم عشان انا خلاص الموضوع ده هيجننى بسبب طريقة تفكير المسئولين اللى شكلهم حافظين مش فاهمين اى حاجة

---

معاك حق
بس بلاش الحلفان بالنبي
قول لا اله الا الله
انا سمعت الوزير وهو بيقول ان احنا هنراعي ده مش معقول نساوي اللي معاه بيكانتو بال معاه 132 2000 سي سي
بس في كلا الحالات انا لاأثق في اي تصريحات
لأن النية مبيتة علي شيل الدعم وضم الدعم الحالي للي معاه بطاقة تموين
هما بيعتبرونا شعب لازم ناخد كل حاجة على البطاقة ذي القماش الكستور ايام جمال عبد الناصر
طب ما تحسن المعيشة
حسن الدخل
نمي الزراعة والصناعة
صدر
اهتم بالسياحة
اهتم بقناة السويس
التعليم (شوف كل اب بيدفع كام في الدروس الخصوصية)
الصحة
نظام المعاشات (وحط تحت دي الف خط) يعني اكون مثلا بقبض 2000 جنيه واطلع معاش اخذ 500واحتيجاتي من الدواء بتزيد واحتمالات العمليات الجراحية بتزيد
لو طور كل ده
دخل الفرد هيزيد وساعتها يشيل الدعم

اقتباس:

---

المشاركة الأصلية كتبت بواسطة osama_i

الحمد لله عربيتى 1595
يبقى استحق الدعم

---

هههههههه رخصتك مكتوب قيها كام 1600 و لا 1595 انا مش متأكد بس تقريبا اللوجان نفس الوضع بس الرخصة مكتوب فيها 1600
و احنا عندنا تعليمات يا باشا ان اللى فى الرخصة هوا اللى هنبص عليه >>>> الواد بتاع البنزينة

اقتباس:

---

المشاركة الأصلية كتبت بواسطة medododo

معاك حق
بس بلاش الحلفان بالنبي
قول لا اله الا الله
انا سمعت الوزير وهو بيقول ان احنا هنراعي ده مش معقول نساوي اللي معاه بيكانتو بال معاه 132 2000 سي سي
بس في كلا الحالات انا لاأثق في اي تصريحات
لأن النية مبيتة علي شيل الدعم وضم الدعم الحالي للي معاه بطاقة تموين
هما بيعتبرونا شعب لازم ناخد كل حاجة على البطاقة ذي القماش الكستور ايام جمال عبد الناصر
طب ما تحسن المعيشة
حسن الدخل
نمي الزراعة والصناعة
صدر
اهتم بالسياحة
اهتم بقناة السويس
التعليم (شوف كل اب بيدفع كام في الدروس الخصوصية)
الصحة
نظام المعاشات (وحط تحت دي الف خط) يعني اكون مثلا بقبض 2000 جنيه واطلع معاش اخذ 500واحتيجاتي من الدواء بتزيد واحتمالات العمليات الجراحية بتزيد
لو طور كل ده
دخل الفرد هيزيد وساعتها يشيل الدعم

---

وكمان هكرر كلامي تاني من مشاركة سابقة
انا دافع ضعف تمن عربيتي جمارك
يديني بالفلوس دي بنزين وبعد كده شيل الدعم

والكلام دة متوقع يطبقوة امتى

هو ده اولى خطوات مشروع النهضة

على فكره كل العربيات ال 1600 هيه فعليا أقل من 1600 يعنى هتلاقى 1590 و 1595 و 1598 وكده. يمكن هوه يقصد ان الدعم لحد ال 1600 بس لكن الاعلى 1800 وما فوق ملوش فى الدعم؟

لو الدعم اتلغى والجمارك زي ما هيه يبقى كده احنا بنتسرق رسمي. المفروض يا اما مفيش جمارك والبنزين بسعر السوق أو فيه جمارك والبنزين مدعم لكن مفيش دعم وكمان الجمارك!! وبعدين قبل ما تشيل الدعم وتجبر ناس كتير انها تبيع عربياتها اعمل مواصلات أدميه الاول و يبقى كده اللي هيجيب عربيه يبقى من حقه يكتب عليها "أيوه انا غني فحت".

الحكاية كلها إزاي نلم فلوس ... هو مش النظام السابق كان عايز يعمل كدة بردة (أية الفرق؟؟؟؟؟؟؟؟؟؟؟؟)

اللوجان 1598 سي سي

الناس دي محتاجه تشوف مواتير البي ام والميرسيدس ولا حتي الموستنج ال 8 سيلندر الجديد وتشوف استعلاكه اللي تقريبا اقل من استهلاك ال 1600 سي سي

هي شويه كده ويبقي اللي عنده عربيه اصلا رفاهيه

مجرد رأي .... ولو غلطان حد يقولي انت راجل مابتفهمش !!

97.5% من السيارات المنتجة حديثا تعمل بنظم موفرة للوقود منها علي سبيل المثال الانجيكيشن
اذا هذه السيارات بالطبع موفرة للوقود وقامت بسداد جمارك تفوق دعمها طوال مدة الاستخدام

تعالي بقي لسيارة موديل 132 - 1600/1800/2000 خرابة بنزين مثل هذه السيارات تحتاج اعدام

بصراحة خلاصة القول اي سيارة ملاكي ولا اجرة ولا حتي نقل مضي علي انتاجها اكثر من 20 سمة تحرم من الدعم ( مش عايز اقول لا ترخص داخل العاصمة - تحرم من الدعم )

مش معقول تلاقي واحد راكب لي مرسيدس 200 موديل 88 وتقوللي ده عايز دعم ده عايز اعدام
للسيارة

مثل هذه النوعية من السيارات شارهه واكله للوقود بصورة مخيفة

اقتباس:

---

المشاركة الأصلية كتبت بواسطة adelmof40

مجرد رأي .... ولو غلطان حد يقولي انت راجل مابتفهمش !!

97.5% من السيارات المنتجة حديثا تعمل بنظم موفرة للوقود منها علي سبيل المثال الانجيكيشن
اذا هذه السيارات بالطبع موفرة للوقود وقامت بسداد جمارك تفوق دعمها طوال مدة الاستخدام

تعالي بقي لسيارة موديل 132 - 1600/1800/2000 خرابة بنزين مثل هذه السيارات تحتاج اعدام

بصراحة خلاصة القول اي سيارة ملاكي ولا اجرة ولا حتي نقل مضي علي انتاجها اكثر من 20 سمة تحرم من الدعم ( مش عايز اقول لا ترخص داخل العاصمة - تحرم من الدعم )

مش معقول تلاقي واحد راكب لي مرسيدس 200 موديل 88 وتقوللي ده عايز دعم ده عايز اعدام
للسيارة

مثل هذه النوعية من السيارات شارهه واكله للوقود بصورة مخيفة

---

متقلقش كل دول بيحطو بنزين 80 :)
والا يبقي موت وخراب ديار بالنسبالهم

الموضوع بيفكرنى بموقف حصل معايا الاسبوع اللى فات ده كل ما افتكره اضحك
تكتك طبعا مقابلنى عكسى فى شارع ضيق فداخل بغشومية فبشخط فيه عشان يمشى بالراحة عشان العربية ما تحكش لقيته بيقولى تقولش هنخبط المرسيدس يعنى ...نزلته مسكتش قلتله يا روح .... المرسيدس بتاعتى اللى مش عجباك دى بكره هتفول بنزين اسعره اكتر من المرسيدس الاصلية ... دا انتا كمان هتفول جاز اغلى منها
لان على حد كلام السيد وزير الجاز قصدى البترول إن التكتك اللى مش مرخص هياخد سولار غير مدعم يعنى يا جماعة تعملوا حسابكو كمان ان اجرة التكتك هتزيد

اقتباس:

---

المشاركة الأصلية كتبت بواسطة adelmof40

مجرد رأي .... ولو غلطان حد يقولي انت راجل مابتفهمش !!

97.5% من السيارات المنتجة حديثا تعمل بنظم موفرة للوقود منها علي سبيل المثال الانجيكيشن
اذا هذه السيارات بالطبع موفرة للوقود وقامت بسداد جمارك تفوق دعمها طوال مدة الاستخدام

تعالي بقي لسيارة موديل 132 - 1600/1800/2000 خرابة بنزين مثل هذه السيارات تحتاج اعدام

بصراحة خلاصة القول اي سيارة ملاكي ولا اجرة ولا حتي نقل مضي علي انتاجها اكثر من 20 سمة تحرم من الدعم ( مش عايز اقول لا ترخص داخل العاصمة - تحرم من الدعم )

مش معقول تلاقي واحد راكب لي مرسيدس 200 موديل 88 وتقوللي ده عايز دعم ده عايز اعدام
للسيارة

مثل هذه النوعية من السيارات شارهه واكله للوقود بصورة مخيفة

---

عشان دوول حافظين مش فاهمين

يعني حتي اللي بيشتري مرسيدي اس 500 ماهو شاري عربيه بمليون ونص وهي اصلا تمنها ميكملش نص مليون يعني مديهم مليون جنيه ذياده يعني تمن بنزين يكفيه هو عيلته واجيال اجيال من بعده

عايزين يحطو حاجات زي دي ي بقي يشيل الجمارك ويغلي الضربيه حسب استهلاك البنزين الرسمي من الشركه المعلن عنه لان ممكن موتور 1500 سي سي يستعلك اكتر بكتيير من موتور 3000 سي سي عشان دي شركه زباله ودي شركه محترمه
فالقرار لازم يبقي متاخد من حد فاهم يعني ايه عربيات مش حافظ

ربنا يستر والكلام ده ميكونش صحيح لانه هيبقى مرار طافح

على فكره بغض النظر عن موضوع ترشيد الدعم الى انا معاه قلبا وقالبا بس اختلف فى طريقى التطبيق والتنفيذ

وزير البترول ده فاشل ومخلول ومش سوى فى ردوده ..... تحسه عبيط ومش عارف بيقول ايه

على فكره انا سمعته ان التضخم فى الاسعار حيعمل عمايله من اول شهر واحد الى جاى يعنى موجه جديده سريعه من غلاء الاسعار ...... ربنا يرحمنا من الدنيا دى ويخرجنا منها على خير

يارجالة انا عايز ابلغكوا ان لو حصل كدة فعلا البلد هتقوم قومة منيلة ب 60 نيلة على الحكومة
استحالة ده يحصل خالي اللي يتكلم يتكلم حتى لو الوزير نفسه قال كدة

والله موضوع الدعم ده مقلقني اوي
الناس مش ملاحقه علي المصاريف ولاقساط والمدارس والهباب وكل حاجه وبعد كده الدعم يترفع
طب الناس تجيب فلوس منين
قبل كده قريت ف المنتدي هنا اقتراح ممتاز من احد الاعضاء بخصوص الدعم
الغي ال 80 و ال 90 وخلي 92 و 95 بس
وادعم ال 92 بدماغك بس ميعديش ال 2 جنيه وال 95 براحتك
واصحاب العربيات القديمه ربنا يتولاهم :)
يغيروها او الدوله تعمل مشروع احلال زي التاكسي اي حاجه
لكن تيجي تقولي البنزين ال 90 و 92 يزيد 1 جنيه
يعني كل تفويله من 40 ~ 50 جنيه زيادة ؟!!!!!!
ربنا يستر
وبردو متنسوش اسعار المواصلات هتزيد علشان السولار هيزيد واسعار كل السلع من اكل وشرب وملابس واي حاجه هتزيد علشان تكلفة النقل هتزيد
يعني هتبقي خراب مستعجل
وياتري مين المستفاد من الموضوع ده ولا دي شروط صندوق النقد ؟!!!!!!!!!!!!!!!!!!!!!!!!

يا جماعه لو هيلغو الدعم من البنزين يبقى مش هنحتاج القرض أصلا ماهو الدعم 3.5 مليار دولار والقرض 4.5 يعنى انت تجيلي تقولي عايز استلف منك فلوس أقولك حوش أدهم الاول وأنا اسلفهملك. يا فرحتي........

هيا الثورة الجايه امتى يا جماعه؟؟!!!!

وقال الوزير خلال المقابلة التي جرت معه في مقر الوزارة بالقاهرة إنه عند ترشيد الدعم على البنزين "سيعتبر كل من يمتلك سيارة واحدة (بقوة محرك) أقل من 1600 سي سي مستحقا للدعم.

وكل من يمتلك سيارة (تاريخ صنعها) قبل 1995 وسعتها أكبر من 1600 سي سي سيتم معاملته على أن (السيارة)أقل من 1600 سي سي."
دا كلام الوزير مع رويترز من يومين بذمتكوا ده كلام
ايه الافكار دى مش المفروض ان ده وزير و ليه مساعدين و مستشارين من الواضح ان افكارهم جهنمية اشمعنى سنة 1995 يعنى
حسبى الله و نعم الوكيل