-
جولة فى الحرفيين
من يومين انا وصديقى دخلنا الحرفيين وكنت عاوز اكصدام امامى لعربيتى لانسر مو2000
لفيت تقريبا على كل اللى شغالين فى الكريستالة وكل ما ادخل محل واسأل على اكصدام يقولوا اتفضل يا باشا موجود طبعا هجيبه من المخزن ويجيب الاكصدام فعلا وانا طبعا افرزه اشوف فيه كسر او متصلح قبل كده ولا لا المفاجأه انى وانا بفرزه بلاقى كلمةmade in tiwan منورة الاكصدام من جوه من الجنب اليمين تقريبا بعمل عبيط وبكمل فرز واقوله كويس بكام ده يا باشا ؟
يرد ويقولى 700 جنيه المهم اقوله شكرا وامشى اتكرر السيناريو ده حوالى 3 مرات فى محلات مختلفة لغاية اخر مرة بقول للبياع انا عاوز اكصدام كريستالة امامى استيراد بشرط انه ما يكونش تيوانى!!!
البرنس يقولى من عينى يا باشا اروح معاه المخزن ويتكرر نفس الحوار يطلعلى اكصدام تيوانى بس مرشوش لون العربية اللى طلع منها ويقولى 700 جنيه طبعا المرة ديه انا ماقدرتش اسيطر على لسانى (قولته انا ماخدش البتاع ده بخمسين جنيه فاستغرب اوى واقال ليه قولتله لانه جديد ب 125 جنيه وده تيوانى ومستعمل قلتله هو انت ليه مصر انك تشتغلنى ما انا قيالك قبل ما اجى المخزن انى مش عاوز تيوانى !!!!!!!
حاجة تفقع الصراحة
ربنا على الظالم والمفترى واللى ما عندوش ضمير
مع العلم ان فى ناس محترمة فى الحرفيين وبتبيع بدون غش
-
ياسيدى الفاضل الغش وصل لكل حاجة فى البلد
ومتستغربش انه وصل للحرفين
والله المستعان
-
انا عندى واحد فضى بالفوجات بتاعتو لسة شارية استيراد و عايز ابيعوا علشان انا قررت اجيب اكصدام ايفو
-
شوف ياباشا لو نزلت الحرفيين عليك وعلي زوزا علي طول ومش تدور وراه لانه بيجيب من الاخر ومريح في الاسعار وتعرف تتكلم معاه
-
حاجة غريبة موضوع الاكصدامات ده لاني من اسبوع بالظبط وانا عند السمكري لقيت عنده اكصدام امامي وخلفي واحد شاريهم بكام بقه ب 350 جنية :))
-
فهلوة ونصب المصرى ..... ماركه مسجله
-
الحمد اللي في المريوطيه ناس محترمه جدااا واي شي استراد بيكون استراد بجد
-
عادى
متستغربش
اههم حاجة تاخد بالك
-
انا اسف يا رجالة كنت اليومين اللى فاتو مسافر وماكنتش متابع الردود
طبعا شكرا على الردود
http://www.nilemotors.net/Nile/images/icons/icon1.gif
رابط المشاركة
انا عندى واحد فضى بالفوجات بتاعتو لسة شارية استيراد و عايز ابيعوا علشان انا قررت اجيب اكصدام ايفو-بالنسبة للاستاذ koko_lancerيا باشا انا كنت عاوز اعرف التفاصيل بتاعة الاكصدام كنت عاوز اتواصل معاك وشكرا
-
01006477330
حضرتك كلمنى و تحت امرك
-
والله ياباشا الموضوع حصل معايا انا واخويا معاه اوبترا كان محتاج فانوس امامى وكبوت ونزلنا صلاح الدين فى الاسكندريه نجيبهم استعمال دخلنا عند واحد اتفضل ياباشا طلبك موجود
نشوف الكبوت يقولنا دا استيراد بس جديد ازاى ياعم هو فيه استيراد جديد يقولنا اه ياعم احنا نعرف الاستيراد دا استعمال خارج برده مفيش فايده مصمم انه استيراد جديد طيب ياعم بكم الكبوت ب700 جنيه نفس اللون بصراحه انا قلقت منه وروحنا نسأل عليه جديد لقينا التيوانى 350جنيه والمفجأه قالنا الرجل ده انا ببيع الكبوت التيوانى جديد لفلان وفلان ومن ضمنهم واحد من اللى سألنا عندهم وبيخدوا الكبوت ويعملوا له فلتوا كمبيوتر نفس الفلتوا الفبريقه ويبعوه على انه جديد استيراد دى قصه الكبوت ندخل على قصه الفانوس الراجل بتاع الاستعمال حل لنا فانوس من نص اوبترا كانت معروضه عنده بكم ياعم الفانوس ب 250جنيه وخدنا الفانوس ومشينا روجعنا عند السمكرى وبص علىه و المفاجأه قالنا الفانوس دامش اصلى ازاى ياعم ناصر دا السمكرى دا الرجل حله قدامن من العربيه ياباشا الراجل اشتغلكوا واتضح ان الفانوس صينى ومغبرينه بماء وتراب وياريته طلع depo روحنا رجعنا الفانوس ومشينا واشترينا واحد جديد اصلى اضمن فدى تجربه لنا مع بتوع قطع الغيار الناس مبقاش عندها ضمير جبنا الكبوت تيولنى ب325 واتعمله فلتو ب75 واترش ب 200 جنيه ووفرنا 100 من تمن الكبوت انا اسف جدا انى طولت عليكم بس ياريت تحظروا وانتوا بتتعملوا مع بتوع الاستعمال
-
الصراحة بقت حاجة تقرف الله يخرب بيت كل نصاب وحرامى مش عارف بيستحلوا الفلوس ديه لنفسهم وعلى عيالهم ازاى
Content Relevant URLs by
vBSEO 3.6.0 PL2