الموضوع: ستيب واى فيها حاجه حلوه

فى الستيب واى لما تفتحها بالريموت تنور الصالون وتستناك لما تركب واول ما تدور النور يخفت بهدوء واما تقفلها تستنى حبه لحد ما توصل لبيتك
فيها زرار تلفه يرفعلك لمبه النور الواطى فوق وتحت ولو تحب تزهق اللى قدامك بالنور ممكن
فيها لمبه نور ابيض فوج خلفى تنفعك اوى على السريع نورها عالى فعلا
فيها كاوتش كونتنال شكله محترم بس شوارع مصر المليانه بالزلط لازم كل شارع يسبلك زلطه تذكار
مطبات عين القطه ولا تحس بيها فى العربيه دى
فيها نور فوق النمر الخلفيه عشان نمرك تتدخد بسهوله وشياكه
الكاسيت بلوتوث بيعمل PAIR مع 5 اجهزه والمكالمات متعه وواضحه منه وممكن تشغل حاجه على الموبيل وتسمعها عن طريق البلوتوث بس لو واحد بس يبقى افضل عشان بيعمل اتصال اتوماتيك بالتليفون
لازم عشان تقفل الازاز الكهربا يكون المفتاح فى الكونتكت صوت الموتور عالى بره وانت قاعد جوه مش سامعه تقريبا
التكيف كويس بس لو ماشى على اول وتانى فتره طويله ومشغل التكيف تحس ان العربيه زهقانه منك
العربيه محتاجه سينسور بارك
شكل الجنط فى الدوران روعه
الازاز الخلفى فيه سخان و زراره ملغى فى التابلوه ومكتوب فى الكتالوج انو فيها (عتخانق عليها فى التوكيل)
فى ماسوره سخنه فوق رجلى اليمين فوق الاكسلتير (بدال البنزين) بس مش قريبه من رجلك قوى بس لو لابس شبشب فى مصيف عتتلسع (خناقه فى التوكيل)
استهلاك البنزين مش عاحكم عليه لانه لسه بس مبدئيا حاسس انه فى العادى
تلميع سقفها متعب عشان حمالات السقف (طولى 165 سم)
ومازلت المشكله انها شكلها ملفت عامله زى البنت المش محجبه اللى كله بيبص عليها و يعاكسها وفى سفله بيتحرشوا بيها
ادعولى ربنا يحفظ لى ساندى ويحفظنا من العين

بدايه مبروك عليك الستيب واي....و ربنا يباركلك و يباركلنا فيها يا رب.....بالنسبه لسخان الزجاج الخلفي هتلاقي علامه شبكه علي زرار في صف زرار الازاز و السنتر...بس هو ينضغط علي النصف العلوي منه فقط اي مثبت نصفه و نصفه متحرك و لما بيشتغل بينور ف التابلوه.....هو زرار خدعني برده.....و مبروك ثانيه