ماهو الافضل الفتيس السي في تي ام الفتيس الاستيبترونيك

**MR . Gold** · 28-09-2012 04:21 PM

من حيث الاداء من حيث القوة من حيث النعومة والفتيس العملي اكثر .. ولو حضرتك مشتري جديد تنصح باية بالفتيس القديم ولا الجديد .. ياريت الكل يشارك ونستفاد من خبرات الاعضاء الذين جربوا الفتيس القديم والجديد معني كلمة القديم والجديد تعني السي في تي و الاستبترونيك

**limo** · 28-09-2012 05:09 PM

انا على الرغم من ان عربيتى سى فى تى بس افضل السيب ترونيك الاسباب الاتيه
1 / سحب اشد
2/ نوعيه الزيت المستخدمه سهل العثور عليها
3/سهوله الاصلاح

**kokyrawan** · 28-09-2012 05:24 PM

سى فى تى افضل من كل انواحى :

استهلاك البنزنين ممتاز
السحب افضل و الار بى ام اقل على السرعات العالية
لو باظ ترمية و تجيب غيرة و متوجعش قلبك و تقعد تعمل تجارب

**walidadel81** · 28-09-2012 10:34 PM

انا هقول اللي لاحظته من استخدامي للفتيس ctv
هادي جداااا ومريح للعربيه وصوت العربيه مش بيعلي لوحابب السواقه الكلاسك
اداء ممتاز علي وضع الدرايف اسبورت لو حابب السواقه الرياضيه
لو مسافر و العربيه جابيه 140 هتلاقي الاربي ام علي 3 ولو جايبه 160 هتلاقيه مش محصل 4
العيوب موضوع الزيت اللي مش متوفر بره التوكيل
وده مش عيب اوي يعني عشان هو بتغير كل 40 الف يعني تقريبا كل سنتين لو استخدام طبيعي للعربيه
العيب التاني انه مش بيتصلح انا اسف جدااا انا كتير جدااا حاولت اصلح فتيس اتوماتيك وللاسف مافيش حد بيعرف يصلح الفتيس وبكون مجبر اشتري فتيس وفتيس بتاع الانسر مش عالي اوي عشان الواحد يفكر يصلحه
الفتيس الاستبترونك جربته في عربيه تاني غير الانسر عشان كده مش هقدر احكم علي ادائه بالانسر بس لما جربت السي تي في عجبني بالانسر اكتر من الاستبترونك بعربيات تانيه

**MR . Gold** · 28-09-2012 11:38 PM

اشكر جميع من شارك بالرد .. والحقيقة انا بالفعل كان معايا قبل كدة لانسر 2007 هاف سبورت وكان فيها فتيس سي في تي الحقيقة الفتيس كان ادائة رائع جدا بالنسبة للنعومة والقوة وكلة علي بعضة كدة فتيس مريح نفسياً الحقيقة وبفكر حالياً اني اشتري لانسر كسر زيرو لان حالياً معايا لانسر مانيوال بس الحقيقة طبعأ كنت عايز اعرف الفتيس الاستيبترونيك هو الافضل ولا الفتيس السي في تي علشان الواحد لايندم ويقول ياريت كنت اشتريت بتكنولوجيا اعلي علشان حتة المانيوال اللي فية بس الحقيقة انا مقتنع تمام الاقتناع بالفتيس السي في تي حتي الكيك داون بتاعة قوي ولايوجد بة نقلات بين الغيارات اعتقد الفتيس الاستيب لايوجد بة كيك داون وتحس بالنقلات فية .. وعلي راي الاخوة اللي شاركو لو الفتيس الاتوماتيك حاجة باظت فية لاينفع فية تصليح وينصح بتغييرة افضل سواء سي في تي او استيب ترونيك

**bakkarahmed** · 29-09-2012 03:34 AM

الفتيس الستبترونيك فيه كيك داون عادي ولفضل من السي في تي في النقطه دي بالذات ..بس يستحسن تجرب الاستيب ترونيك في الانسر علشان انا لما ركبتها كنت حاسس ان صوت الموتور اعلي شويه

**MR . Gold** · 30-09-2012 12:50 AM

المشاركة الأصلية كتبت بواسطة bakkarahmed

الفتيس الستبترونيك فيه كيك داون عادي ولفضل من السي في تي في النقطه دي بالذات ..بس يستحسن تجرب الاستيب ترونيك في الانسر علشان انا لما ركبتها كنت حاسس ان صوت الموتور اعلي شويه

كلة الا دي مش بحب ابداً صوت الموتور العالي لان صوت الموتور العالي بيحسسك ان الموتور هاينفجر فادة مش بحبة ابدا احب العربية يكون صوتها غير مسموع وهادي

**eldell** · 30-09-2012 02:02 AM

المشاركة الأصلية كتبت بواسطة lancar

كلة الا دي مش بحب ابداً صوت الموتور العالي لان صوت الموتور العالي بيحسسك ان الموتور هاينفجر فادة مش بحبة ابدا احب العربية يكون صوتها غير مسموع وهادي

بص ياكبييييير انا كان معايا لانسر 2007 وكانت سى فى تى كانت تحفه وكل حاجه ودلوقتى معايا 2010 استيب ترونيك شايف انها افضلك كتيييييييييييييييييير خصوصا فى السواقه الاسبورت يعنى اكنك سايق مانيوال هى اكيد مش نفس اداء المانيوال العادى بس بتدى معاااك زى ماااانت عايز وصوت الماتور مش عالى والا حاجه صوته هادى بس اكيد فى الحرق صوته هيعلى هههههههه متقلقش من الفتيس الجديد افضل كتيييييييييييييييييييير

**MR . Gold** · 30-09-2012 12:57 PM

المشاركة الأصلية كتبت بواسطة eldell

بص ياكبييييير انا كان معايا لانسر 2007 وكانت سى فى تى كانت تحفه وكل حاجه ودلوقتى معايا 2010 استيب ترونيك شايف انها افضلك كتيييييييييييييييييير خصوصا فى السواقه الاسبورت يعنى اكنك سايق مانيوال هى اكيد مش نفس اداء المانيوال العادى بس بتدى معاااك زى ماااانت عايز وصوت الماتور مش عالى والا حاجه صوته هادى بس اكيد فى الحرق صوته هيعلى هههههههه متقلقش من الفتيس الجديد افضل كتيييييييييييييييييييير

شكراً لحضرتك ياباشاعلي المشاركة و ربنا يرتب اللي فية الخير

**mody1221** · 01-10-2012 12:19 AM

المشاركة الأصلية كتبت بواسطة bakkarahmed

الفتيس الستبترونيك فيه كيك داون عادي ولفضل من السي في تي في النقطه دي بالذات ..بس يستحسن تجرب الاستيب ترونيك في الانسر علشان انا لما ركبتها كنت حاسس ان صوت الموتور اعلي شويه

مع احترامى لكلامك بس ال cvt ف الكيك داون لا يقارن بالاوتوماتيك او الاستب ترونيك