عاوز اللى يفدنى ضرورى من اهل السيراتوا وبسرعه

:allo:عاوز استفار بخصوص السيراتوا الشكل الجديد وانا قدامى عربيه ماشيه على العداد 70 الف موديل 2010 ورشه كله ماعدا السقف بس وهى هاى لين ماعدا البصمة والفرش الجلد المهم علشان مطولش عليكم العربيه فيها ايرباج فاتح انا لسه مرحتش ارفعها لسه فعاوز اعرف تعمل كام فلوس واقرب توكيل او مركز خدمه ارفعها فيه يكون قريب من فيصل او الهرم وكمان اللون بتعها موكا ومكتوب فى الرخصه لون بنى فده عادى ولاه اللون الموكا بيكتوبه فيرانى مش عارف بس العربيه عجابنى وسعرها كمان كويس تخلص 70 الف ايه رايكم يا سراتاوية بس بالله عليكم ردوا عليها بسرعه قبل ما اخلص فيها وشكرا ليكم

مفيش حد عاوز يقول حاجه ؟؟؟؟؟؟؟؟؟

حرام تدفع فلوسك فى حاجه ذى كدا العربيه عامله حادثه محترمه بس سعرها برضوا قليل يمكن اقل من الطبيعى 20 الف جنيه تقريبا علشان الحادثه وعلشان رشه


انا شخصيا مش بحب العربيات المتهانه دى خالص


بس برضوا فى فرق فلوس كبير والقرار بتاعك


بس صلى استخاره كتير وراىى الشخصى بلاششششششششششششششششششششش

اقتباس:

---

المشاركة الأصلية كتبت بواسطة احمد المصرى

حرام تدفع فلوسك فى حاجه ذى كدا العربيه عامله حادثه محترمه بس سعرها برضوا قليل يمكن اقل من الطبيعى 20 الف جنيه تقريبا علشان الحادثه وعلشان رشه


انا شخصيا مش بحب العربيات المتهانه دى خالص


بس برضوا فى فرق فلوس كبير والقرار بتاعك


بس صلى استخاره كتير وراىى الشخصى بلاششششششششششششششششششششش

---

شكرا لتقديرك وشكرا لحضرتك وانا فعلا محتار جدا ومش عارف اعمل ايه لانى كل ما اكلم حد يقولى فعلا سعر حلو روح اشتريها وانا كده احترت اكتر

بلاش اللي فاتحه ايرباج دي
و بعدين الايرباج فتح ليه؟ العربيه طلعت علي الرصيف و الا حادثه و الا ايه؟ و هتغير الطاره بكام؟
و عربيه 2010 ترش كله بره ليه؟
و 70 الف قليل علي العربيه دي
انا بنصح حضرتك تبعد عنها و تدور تاني
السيراتو مفيش اكتر منها في السوق

أكشف عليها كويس وخد رأى أكتر من ميكانيكى وسمكرى وتوكل على الله أكيد صاحبها عاوز يخلص منها طالما بالسعر ده وان شاء الله تكون من نصيبك .... أقصد ان مش شرط ان سعرها نازل تبقى خربانه لأه ممكن صاحبها قفل منها

:b4_556:

اقتباس:

---

المشاركة الأصلية كتبت بواسطة salodas

أكشف عليها كويس وخد رأى أكتر من ميكانيكى وسمكرى وتوكل على الله أكيد صاحبها عاوز يخلص منها طالما بالسعر ده وان شاء الله تكون من نصيبك .... أقصد ان مش شرط ان سعرها نازل تبقى خربانه لأه ممكن صاحبها قفل منها

---

يا باشا ربنا يطمنك وانا انشاء الله هكشف عليها فى بنزينه كويسه وفعلا حتى لو عامله حادثه سعرها كويس وكفايه انها سيراتوا هاى لين يعنى انا شوفت فيها اسعار حتى غير دى وبتبقى عامله حاثه ويتكلم فى 85 واكتر

شوف غيرها لأن سعرقا قليل عن السوق وأكيد فيها مصيبه. بالنسبه للون أنا معايا كارينز موكا ومكتوبه فى الرخصه "برونزى".