صني جديدة 2013 زيرو ولا سيراتو هاي لاين 2011 فتيس جديد؟؟؟

**aif** · 28-09-2012 09:56 PM

الاتنين تقريبا نفس السعر
نيسان صني 2013 الجديدة اوتوماتك
وكيا سيراتو 2011 ماشية 18000 كيلو وفيها كل الكماليات اللي ممكن تبقى موجودة
..

الصني ميزتها انها جديدة زيرو و موتورها 1500 يعني اقل اسهلاك للوقود وشكل جديد إسم اكثر عراقة ووكيلها محترم .... ح اخنار اللون اللي يعجبني .. لكن موتورها وتقفيلها هندي مش ياباني وكمان لسة مبقلهاش كتير ف السوق علشان عيوبها تظهر
..
..
..

السيراتو اكبر حجما ومحرك ... العربية فابريكة لاستثناء رفرف امامي مرشوش ومش مرشوش كويس علشان رشه غند سماحة السمكري وبيندم على كدة .... والعربية بتاعت واحد جاري وعشان كدة انا ضامن انها سليمة ومفيهاش حاجة غير الحكة اللي كانت في الرفرف واترشت بغشومية
...
جنوط 17
بصمة .. فتحة سقف ... الفتيس الجديد 6 نقلات ... طارة مالتي ... نقل الشيفتات للفتيس من الطارة ... مراية تعتيم ... كاميرا خلفية ....اشارات في المرايات ... المرايات ضم ... فتحة السقف 3 اوضاع ... تكييف تاتش
العربية توكيل مش خليجي واعتقد سعرها زيرو حوالي 142000

مش ناقص غير تسقف وتقول ماما وبابا ..... دلع يعني
....

مارأيكم دام فضلكم

**mohamed1979** · 29-09-2012 01:28 AM

المشاركة الأصلية كتبت بواسطة kliken

الاختيار صعب جدا ما بين عربيه زيرو فيها عوامل الامان الاساسيه بس مفهاش دلع و بين عربيه فيها كماليات كتير جدا ما شاء الله و اظن فيها abs and airbags برضه اكيد و بعدين ميزه المستعمل انك كسبت جزء من المال راحت فى حتته انك تعتبر جايب كسر زيرو
ربنا يوفقك للخير انا لو من حضرتك كنت هجيب سيراتو طالما متأكد من صاحبها و طريقه استعماله للعربيه و تكون اساسى فيها abs and airbags لانه اختيار عملى اكتر رغم انى مش بحب السيراتو اوى

متفق مع حضرتك فى الرأى ده

**bakkarahmed** · 29-09-2012 03:28 AM

بالوضع ده السيراتو افضل بكتير من رأيي الشخصي

**S O P H O S** · 29-09-2012 04:17 AM

هو الكيا تتفوق
ولكن الصني باي شكل وامان مش صفقة خسرانة ابدا
والله اعلم

**shaddadfalcon1** · 29-09-2012 10:42 AM

اعتقد ياحج احمد موضوع الموتور هندي ده غلط لان الموتور والفتيس ياباني 100%

**SonaSteel** · 29-09-2012 11:53 AM

السيراتو هاي لاين يعني فيها وسائل امان ......... رأي سيراتو والله اعلم

ملحوظة: ........ واحد صاحبي لسه شاري الهاي لاين بجنط 17 زعلان اوي من العفشة بتاعتها وخاصة في مطبات الهوا

**aif** · 29-09-2012 01:46 PM

المشاركة الأصلية كتبت بواسطة shaddadfalcon1

اعتقد ياحج احمد موضوع الموتور هندي ده غلط لان الموتور والفتيس ياباني 100%

المشاركة الأصلية كتبت بواسطة ahmedpjt

فتيس و ماتور الصنى يابانى ١٠٠٪ نفس موتور التيدا بس بسعة اقل و انا من رأى الزيرو زيرو و عفشة السيراتو نشفه و الجنط ال١٧ هيخلها انشف و انشف

والله الموضوع حتى الآن غامض
وده بيسبب قلق للمستهلك
هل الموتور والفتيس ياباني ... ام من مصنع نيسان في الهند ... ام ياباني تقفيل هندي ؟؟؟
انا حاسس انهم من صنع نيسان في الهند ومكسوفين يقولو ... مع ان ده مش عيب ... اكيد مصنع نيسان في الهند على مستوي لا يقل عن مصانع نيسان في باقي العالم
...
بصراحة لو كانت السيراتو اول فئة في الاوتو كنت فضلت النيسان
لكن اللي مزغلل ع السيراتو عيني انها هاي لاين ..... يعني كمية كماليات رهيبة
وكمان النيسان الجديدة لسة بقالها شهور قليلة في السوق يعني لو كان فبها عيوب يبقى لسة ما ظهرتش
لكن اللي عجبني في النيسان الجديدة انهم عالجو العيب الرئيسي اللي كان في الصني القديم .... الكنبة الخلفية الضيقة اللي تخنق اي حد يركب ورا
....
انا بصراحة ما سوقتش السيراتو غير مرة واحدة لمدة 10 دقائق وماسوقتش صني خالص
يا تري حكاية نشوفية عفشة السيراتو دي تقلق؟؟؟
انا كان معايا الاوبترا وكانت ناشفة لكن ده بيعوضه الارتفاع في المطبات والثبات على السرعات
هل السيراتو ناشفة بشكل كبير ؟؟؟؟
وهل اللي ساقوها من الزملاء شايفين فيها اي عيوب تانية ؟؟؟
....
اكرر شكري لجميع الزملاء على التعليق والمرور والاهتمام ربنا يبارك فيكم جميعا

-

-

الموضوع: صني جديدة 2013 زيرو ولا سيراتو هاي لاين 2011 فتيس جديد؟؟؟

LinkBack

أدوات الموضوع

عرض

صني جديدة 2013 زيرو ولا سيراتو هاي لاين 2011 فتيس جديد؟؟؟ - انشر الموضوع فى :

-

-

-

-

المواضيع المتشابهه

عربيتي سيراتو 2013 هاي لاين بالصور :)

ريو هاي لاين 2013أو سيراتو sx 2013

الحمد لله استلمت سيراتو هاي لاين 2013 انهرده :)

فوكس 2011 هاى لاين جديده ولا فانتازيا بيز لاين مستعمل كسر زيرو

نيو سيراتو هاى لاين وكيل زيرو

الكلمات الدلالية لهذا الموضوع

المفضلات

المفضلات

ضوابط المشاركة