هل يوجد ياريس هاتش باك بتنزل مصر ؟
ولو فى موديلات سنوات ايه واسعارها ايه؟
عرض للطباعة
هل يوجد ياريس هاتش باك بتنزل مصر ؟
ولو فى موديلات سنوات ايه واسعارها ايه؟
شوفتها كثيررررر من 3 سنين ولا حاجه شوفتها 6 مرات دبولمسيه
3 مركبه نمر ملاكى تقدر بقا تسال على فى كذا معرض يكون وكيل تويوتا بس اسئل الاول عن قطع غيارها ياريس العاديه ولا هتدوخ
جديد لا مستعمل اه
لانها كانت بتنزل مصر فترة وبطلت تنزل
والله اعلم ..
انا فعلا شوفت اليارس هاتش باك مرتين في خلال 3 سنين بس مش عارف بتنزل جديدة ولا لاء وعل فكره شكلها حلو اوووووووي
هو ده كلام الناس الي بتفهم عارف يافندم .... هيا في البداية كانت هتنزل هاتش باك لان ده الاساس ليها بس عارف لو نزلوها هاتش باك مكنش حد هيشتريها ويقولك صغيرة والشنطة ومش الشنطة رغم انها منتهى الشياكة والاناقة والرشاقة
اشكركم على الردود
الفكره كلها انى بحب يكون فى عندى عربيه تانيه صغيره للمشاوير السريعه والبهدله والنادى ووجودها بيكون سبب فى اطاله عمر السياره الرئيسيه والمحافظه عليها.
بصراحه قبل ماسافر كان معايا سبارك 2009 وكورولا 2006 وتقريبا كل مشاويرى كانت بالسبارك عربيه تحفه فعلا وكانت الكورولا للسفر والخروجات العائليه عشان كده وانا ببيعها كانت لقطه (بعت الاتنين للاسف).
السبارك للاسف اصبح سعرها مبالغ فيه جدا سوا الجديد والمستعمل وبالتالى كنت بفكر بعربيه تكون اعتماديه فى حدود نفس السعر القديم (مستعمل)لمل انزل مصر انشالله.
وهنا فى لندن من اكثر العربيات الصغيره الناجحه الهاتش هى الياريس وعمرى ماشوفتها سيدان ابدا هنا. وفعلا زى ماتفضلتوا هيه اصلا تصميمها لااصلى هاتش باك وناجحه فى المنافسه جدا.
مش عارف ممكن الاقى واحده هاتش موديل حديث استعمال نضيف لما انزل مصر ولا لا..يا مسهل
هى مش منتشرة فى مصر للأسف وصعب تلاقيها ولو لقتها محدش ضامن ظروف قطع غيارها كجسم من برا وفوانيس وكدا عشان مش منتشرة
لكن ممكن حضرتك ترشح اختيارات تانى معاها
والياريس جديدة دلوقتى سعرها مش قليل برضه والسيدان منها أساسا صغيرة أنت ممكن تعتبرها بالنسبة لغيرها هاتش باك
يعنى وهو التويوتا اللى مالية الشوارع لو نزلت الياريس هاتش باك مش هتنتشر ؟ هو ممكن تفشل لسبب عشان سعرها هيبقى غالى ولكن هتبيع برضه
أناكنت عايز أقوله بونتو لأن سعرها مرتاح شوية وتمنها فيها بس قلت عشان مخرجش برا الموضوع :)
وبونتو إيفو أفضل بس غالية شوية وباين حضرته عايز عربية فى تمن 70 ألف زيرو مثلا تبقى البونتو ممتازة جدا وموتور كويس وهيبقى استهلاكه معقول فى البنزين
وكفاية إنها فيات
اشكر حضراتكو على المقترحات
مفكرتش بصراحه فى البونتو لانى عايز عربيه اصغر ماتكون حجما وسعرا واستهلاكا يعنى سيارة مدينه فقط يعنى تتركن فى اى مكان ومتحسسنيش بمصاريف بنزين او رخصه ولا حتى سعر شراء يأثر معايا فى شراء العربيه الاساسيه.
بس بتتكلمو فى 70 الف زيرو يبقى كتير بردو على عربيه تانيه فى البيت
ممكن فى لو حد عنده صورها ومواصفاتها اللى بتنزل مصر اكون شاكر
للامانه لو الاسبارك ترجع تانى للخمسينات تبقى فل الفل