يارجالة انا قدامي ديدرا 93..سليمة ومطلوب فيها 30 نهاااااائي...كل حاجة شغالة ماعدا التكييف ..محتاج كمبريسور..دة كلام الراجل...والعربية 1600..
وقدامي تيبو اخرها 27500..1400 سي سي..مافيهاش تكييف وجنوطها الاصلية حديد..2 ازاز كهرباء بس...العربيتين سلاااام وحالتهم ماشاء الله زي الفل..اخلص في مين فيهم..يارجالة..انا كنت ناوي علي التمبرا او التيبو ...بس شكل الديدرا احلي..واحدث..فكدة انا بين الديدرا..والتيبو..علما بأن قطع غيار الديدرا نفس قطع غيار التيبو والتمبرا الميكانيكا واااااحدة..
الديدرا من العربيات حتى الأن مشفتش عربيه فى ادائها
حاجه فوق الروعه فى الثبات و التحكم و الأداء الرياضى الجبار
تخيل انا سقت الديدرا فى طريق البحر الأحمر سنه 95 و كانت العربيه ماشيه حوالى 100000 الف و كانت بحاله الزيرو بجد
يكفى ان كنت بكون ماشى فى طريق القطاميه القديم مش الجديد بتاع اليومين دول 190 الى 200 منتى القوه و التبات مع اداء تكييف ديجتال فوق الوصف و عزل للصوت ممتاز
بعد اكتر من 17 سنه عمرى ما انسى السفريه بالعربيه دى ابدا
العربيه دى بصراحه ادائها احسن من عربيات 2012
سنه 2000 عرفت ان العربيه دى اتباعت ماشيه اكتر من 350000الف و الموتور معمرش
اعتقد ان عفشه الديدرا مختلفه عن التمبرا او التيبو (بس مش متأكد من المعلومه دى)
بالنسبه لقطع الغيار معنديش معلومه عنها
لو بتقارنها بالتيبو اعتقد ان الديدرا احسن من التيبو فى الأداء و التكنولوجيا
و ربنا يوفقك فى العربيه و الف مبروك مقدما
الله يكرمك ياباشا..ايه الكلام الجميل دة...
الديدرا فعلا ركووووووووووبة لابعد حد..دي كانت زيرو سنة 92 ب120 الف جنيييييييه !!!!..
وكانت منافس قوي جداااا للبي ام 318 و316 الدبانة..بس وكيلها التعبان اللي هو الشركة الهندسية ماكنش مظبط الدعايا..وكان بيشتريها عظاااام الناس والاغنياء...لان صاحب الشركة اللي والدي بيشتغل فيها كان شاريها زييييرو..ووالدي بيحكي عنها اشعاار..ولانة ركبها وعارفها..الديدرا تاكل الاكسنت والاكسيل والنوبيرا واللانسر كريستالة وكل الكلام دة...تنسفهم ثبات وجري وتحمل..وقطع غيارها ببلاش وموجودة ومرميييييية في الوكالة وعزبة شلبي وعند الكيلاني...والتيبو كذلك..
بس بردوا مش عارف اشتري تيبو ولا ديدرا..
طيب انت محتار لأيه انا شايفك ميال للديدرا
عن نفسى لو مفيش مشكله فى قطع الغيار اشتريها ب
س العربيه دى فىها شغل كهرباء عالى اوى لأزم حد فاهم يشتغل فيها
انا فاكر ان العربيه دى فى سنه 94 كانت عليها عرض ب 99.999 جنيه
و كان من احلامى انى اشترى العربيه دى
ان شاء الله لانشيا ديدرا يارجالة...علي البركة..بعد فحص وتمحيص وبحث..وسؤال اصحابها...واتصالات للناس في عزبة شلبي عرفت كل حاجة عنها وكلهم نصحوني بيها...وعرفت اسعار قطع العيار كلهااااااا استيراد ...مثلا كابوت..350 جنيه نفس اللون..رفرف استيراد نفس اللون 125..فانوسين بالاشارة.300 جنيه...شنطة ب200 جنيه..وتابلوة كااااااامل بالابانوس..ب550 جنيه..وكل حاجة موجودة ببلاش..وحاجتها ارخص من الاكسيل والاكسنت..ومعمرة جدااااااا...وعفشتها نفس التمبرا..وموتورها نفس التمبرا...وعلي فكرة ...التمبرا مقتبسة من الديدرا اصلااااا..مش العكس...وصاج الديدرا مجلففففففن ضد البارومة...واتقل والسمك اكبر من التمبرا...ومصفحة من تحت كلهااااااااا...
ديدرا من غير تفكير
ياجماعة الراجل قااااافش علي 30 الف جنيه في اللانشيا مش عايز ينزل ملييييييم...
وانا قلبت علي النت..وسالت ناس طلع سعرها يعمل 35 الف...وناس معاهم العربية بيقولولي تسوي اكتر من تمنها ..وانا من 3 سنين كانت بتوصل 50 الف ل70 الف جنيه...وكلمت 2 في عزبة شلبي تاني قالوا انهم راكبنها ومش بيغيروها خااااالص..انا ان شاء الله هاتكل علي الله فيها..واول ماشتريها هانزلكم بتقرير عنها..
اقولك حاجة ومتزعلش انا ركبت لانشيا ديدرا hf 2000 سي سي تربو في مصر وكان قدامي ب27 الف فول أوبشن أعلى من العربيات الجديده
مش فاهم قصدك يا يوكو..وضحلي اكتر يا كبير..
من سنه كان قدامي ديدرا فول أوبشناقتباس:
المشاركة الأصلية كتبت بواسطة i_Am_Legend
بالموتور الhf بتاع اللانشيا تيجرا إنتجرالي hf
2000 سي سي تربو
يوزد فبريكة والموتور ستوك مش متسقط ب27 الف جنيه
وفيها تاكيف تتش وكراسي جلد ومساعدين active الكمبيوتر بيتحكم فيهم وفتحة سقف وabs وحاجة ملهاش حل
يعني اشنري العربية دي يا يوكو ولا اعمل ايه...انا احتررررت...
خلص في الديدرا يامان واسمع كلامي هتعجبك بجددددددد
انا اشتريت الديدرا يارجالة...بجد اوووووووووووف ...العربية الحمد لله جباااااااارة ....ركوبتها احسن من الكريستالة ومن النوبيرا..وعيب اصلاااااا اننا نقارنها بالاكسيل او ألاكسنت...علشان دي تخيطهممممممم...ثبات وهمي...صالون وخامات تحفة زيها زي المرسيدس ال200...وعفشة ناعمة..باور تحفة...كل حاجة الحمد لله تمام...وتفقع بيها الغرزة علي 160...ولا الدموع...حتي الان انا طلعت بيها من نوبيرا واكسيل واكسنت ولانوس وليجانزا..وبي ام 316 الدبانة...وبخيط اي عربية تشد معايا ثبات وجري...بسوقها بصوابعي..
بسم الله ما شاء الله
ربنا يباركلك فيها يا باشا
والف مبروك ..
ربنا يبارك لك فيها موضوعك حببي في العربية حتى والله دلوقت بفكر ابيع اللى معايا واشتري الديدرا
بس قلبي مش بيطاوعني بكون خلاص مصمم ع البيع واجي ف الاخر قلبي يحن للعربية واقول معقوله انا هبيع العربية دي معانا ف العيله من 12 سنه